Dwagi Yai Gesi Po Jongo Asęani 15:16 - Godigo dwagi yai po buku

¹⁶ Dagego ena sai olama, sa mubeo. Eno dage sa muyu, dage ena bage dao wai dao. Tama eno dage sęba muai dao, tama dage pelama, du gilama walama, tama dagego du elalumainogo, te da eno dage sa muani page dao. Tama dagego tama du waloluyu da, eno nogide dagego magi sę me yainogo, eno Ayabolo hanalubaso da, agai dage tau siyu, te nai mawaibao,” Jisasgo te po wai, aga wali pabo bidi dabe dali.

Dwagi Yai Gesi Po Jongo Asęani 15:16 Referans Kwoze

Dwagi Yai Gesi Po Jongo Asęani 15:19

Tama dage e tǫde bidi mu tigi sogo da, teda tǫde we bidi augwaligo dage dali dwagi yai homu eyu, dage augwaligo hani da wagi da. Tiali goli dage e tǫde bidi menio. Eno dage saiba olama, sa muyu, dage ena bage dao wai dao. Tama dagego e tǫde kolesaga tagalai dao. Tama tibaso, tǫde we bidi augwaligo dage dali boi bidi yabo homu ebo dao.

Efesus 2:10

Tama God aga digi agai da gesi noma ma nigilai. Agai da Krais Jisas dali wadolama, tama da tǫde bidibo sogo tigidali dago we bidi tau sabo sę naga ela bilimainogo eyu, agai da gesi noma ma nigilai. Tama dago te we bidi tau sabo sę yabo te sę agai polobadu sisi yai.

Dwagi Yai Gesi Po Lukgo Asęani 6:13

Tama te be posobo si, aga wali pabo we bidi aga pageba i olama, agai te bidi dabe nogo si olama, sągą me badu si dąį ilali. Tama nosali agai te bidi dabe “Eno tagala palabo bidi dabe da” wali.

Galesia 1:15

Tiali digi, polobadu eno idago ena ame nesiąbadi, tama Godigo ena te sogo sa muai dao. Tama tiyu, agai ena dali aga dwagi yai homu eyu, olo tau siyu, tama ena ame nenama, tama aga bidi mu pedalumainu ilama, tama agai ena i wai, eno agai sę emainogo yai.

1 Jon 4:19

Te dago God dali, dena hasi abagi dali te dwagi yai homu eyu godolo ebo kolesaga page e dao: hasia bolo God agai da dali te godolo ebo kolesaga yali.

Godigo Sęba Tagala Palai Bidigo Po 22:14

Agai enabolo te po wai. ‘Te God dago wąįgo lotu po wai dao, te da, agai homugo agai yabo sę tigidali nago konemainogo te yali dao. Agai sę ebo dwagi yai bidi nage sumainu homu eyu, nage sa muai dao. Tama agai homugo agai pedauwaligo po wabo nago odomainu yali.

Polgo Si Wali Pas Timotiba Asęani - 2TI 2:2

Tama tiyu, te nago eno pedauwalide odali po, te po te bidi hauwa gedude pusali po tigidali nago odali. Tama te po naga nago te Godigo poba homu kęą pai bidi dabe, augwaligo nogoba te po bugagia muao, te augwaligo me usu elama tama te po gasa Godigo poba homu kęą pai bidi dabebolo nosali ola momainu yao.

Dwagi Yai Gesi Po Jongo Asęani 13:18

Te agai po me weyu, te po wai, “Dage tigidali dali eno te po wabeo. Ena digi te ena sa muai bidi dabe, te eno konealubao. Tialima, te Godigo po bukude polobadu wali po te nai egilama, mu pedalaibao. Te polobadu asęani po te dao, ‘Ena dali nai tuali bidi te bidi agai megi ena dali boi bidi yaibao.’

Dwagi Yai Gesi Po Jongo Asęani 6:70

Jisasgo te po wei ponoyu, te po wai, “Eno dage nogo si bidi selama, sągą badu si bidi dage eno sai dao. Tialima, dage tomode me deli dwai haubo bidi te bidibao,” Jisasgo te po aga bidi dali wai.

1 Pita 3:15

Te meni. Dage duga homugo “Krais aga da, dago Genuai Bidi mu dao” homu eyu, aga dologode mu bidao. Tama teyu, dagego duga homu hasia bugagia dodolama, tama me sogo bidi mego dagego Kraisde konealubo po page hanalu obaso da, dagego agabolo te konealubo po page bugagia ola mao.

Godigo Nogi Ugwaba Sabo Tęąbi Po Wabo Buku Dabe 71:18

Megi da, ena monu dabe elama, te ena tobolu nisi ayadeba yalio, tiali digi God, nago ena me tagagio. Nage ena dali bidiyu, tama eno nago genuai bomode po te nosali pedalubo we bidi dabe pusaibao.

1 Jon 4:10

Dwagi yai homu mabo kolesaga te tama menio: hasia dago bolo God dali dwagi yai homu eyu godolo yai da, te homu egobeo. Te tama menio. Dwagi yai homu mabo kolesaga e tama tiwai: God agai bolo te dwagi yai homu mu da dali elama, tama aga Ogwa e tǫba tagala palama, tama agai aga tigi menama, tama dago dwai sę tigidali sela sąbo bidi bidimainogo tiwai dao.

Bugagia Bidibo Kolesagade Po Asęai Buku 11:30

Te doloba pai bidigo kolesaga te bidibo ula mabo ni tiwai ebao. Tama te wiegi yai homu kolesaga ebo koneani elalubo bidigo, agai te gasa bidi dabe aga dali aselama, bidagasamainu ebo dao.

Godigo Sęba Tagala Palai Bidigo Po 1:24

Tama augwaligo Jisasbolo te gedu haluasa po wai, “Genuai Bidi, nago tigidali bidi dabego homu kolesaga konebo dao. Tama tibaso, Genuai Bidi, te bidi si me deli nago dabolo dąį ilama,

Aisaia 27:6

Te me sogo nosali, te Israel dabe te Jekopgo wąį auwa bidi dabe, augwali te ni wain pedali tǫba pelama, dudili hauwa walama, du hauwa walama, dili elama, dolalubo tiwai yaibao. Tama augwaligo nologode da, Genuai Bidigo augwalibolo wiegi yai sogo me tǫde we bidibolo mawaibao.

1 Pita 3:2

Tama te we dabe augwali Godide wi eyu aga dologode bidibo, te magi dwai sę isiąbo kolesaga te bidi dabe augwaligo subaso da, teda augwaligo homu tulaluama, tama Godigo po mu po dao te homu yaibao.

Polgo Po Pas Rom Dabeba Asęani 15:4

Godigo po tigidali augwaligo polobadu asęani, te augwaligo te po dabolo te wiegi yai bidabo kolesaga ola momainogo asęanio. Tama dago te asęani po nededu geyu, tama tede dago te haniani sęgę tolabo bomo dali, te dwagi yai po mobo mabo po dali somainogo eyu augwaligo te po asęani. Tama dago te bomo me te mobo mabo po me te bukude asęani pode selama, tama dwagi yai homu eyu, dago te Godigo da dali yabo wiegi yai sę bugagia tonaluaibao.

Godigo Sęba Tagala Palai Bidigo Po 9:15

Tama Genuai Bidigo agabolo te po wai, “Nage pao, eno aga dąį ilibaso, agai eno sę yaibao. Sol agai eno nogi te gasa hani dabe we bidibolo ola mawaibao, te genuai gavman bidi dabebolo me, te Israel we bidibolo me eno nogi pusa maiabo bidi dao.

Matyu 21:22

Tama dagego konealubo po dąų olama gedu haluasa po weyu da, teda te nai dagego sainogo gedu haluasa po wabo, te nai dagego saibao,” Jisasgo te po wai dao.

Godigo Nogi Ugwaba Sabo Tęąbi Po Wabo Buku Dabe 145:4

Megi bidalubo we bidi hani augwaligo te gasa nosali pedalubo hanibolo nago ebo sę po pusuyu, tama augwaligo nago nogi ugwaba saibao. Tama augwaligo nago genuai sę yali po miaibao.

Polgo Si Wali Pas Timotiba Asęani - 2TI 1:11

Godigo te wiegi yai gesi po pusubo sęba ena mubaso, tama ena te po pusubo bidi bidiyu, tama ena te Godigo sęba tagala palali sę ebo po ola mabo tisa bidi dao.

1 Korin 10:11

Te sę dabe tigidali augwaliba pedalali, te gasa we bidigo sumainogo ebo sę noma tiwai pedalali. Tama dago me te tobage dwai sę idali weyu gasa bidi dabego te po te Godigo po bukude asęani. Magi baso meni. Te da megi bidibo sogo te tigidali nai silabo sogo pąba yagasai dao.

Polgo Po Pas Rom Dabeba Asęani 9:21

Te sene nigibo bidigo te agai mama tǫ pedai me deli selama, tama te tǫgo te sene si nigali, me deli te wiegi yai sę yabo sene te wiegi yai nigali, tama me deli te olo sę yabo dwai sene nigai. Aga homu naga wali peyu, tama te tiwai ebaso da, te usu da, po meni, te aga sę dao.”

Jems 3:18

Tama tiyu, dago wiegi yai kolesaga eyu, deli homu naga elama bidiyu da, te sę ebo dago te nai ge tǫba bulubo tiwai dao. Tama dago te wiegi yai kolesaga eyu, te deli homu naga ebo te kolesaga ebode te nai ge dwagi yai walobo tiwai yaibao, te doloba pai kolesaga ebo genuai pedalaibao.

Hibru 11:4

Te polobadu bidali bidi nogi Abel agai konealubo po Godide dąų weyu, tama agade tiąluyu agabolo ofa yai. Tama te ofago te aga ama Keingo ofa yali te aiyaba elaluama tama wiegi yai mu yai. Awe, Abelgo Godide tiąluali, tama tego Godigo aga doloba pai bidi nogi yai. Godigo te Abelgo agabolo mani naide te agai godolo yai. Tama nosali Abel isali, tiali goli agai te Godide tiąlubo kolesaga yaligo te po dabolo me ola mabo dao.

Taitus 1:5

Eno nage taga soayu, tama nage te Krit moni tǫde bidibadi ena soai dao, nage eno taga soali te po pagede tama dao: eno homugo nago te tigidali dodoloyu silisąwani sę te sę nago dodolomainogo tiwai dao. Tama tiyu, nago tigidali hanu deli delide te Godigo po wali pabo we bidi hani augwa tobolu bidi nigilao, te eno polobadu nage dali wali po gilamao.

Kolosi 1:6

Tama te gesi wiegi yai po pusubo bidi dabe augwali te tigidali tǫba tedali pelama, tama tede bidibo we bidibolo te po pusama, tama tebogo te we bidi dali dwagi yai sę ebo dao, te ni aga du bugagia walobo tiwai ebo. Te dage tomode me te tiwai yai dao. Hasia dagego te Godigo olo tau sabo wiegi yai kolesaga po odama, tama te kolesagago dage tau selama, tama te kolesaga dagego kuna konebo dao. Tama te sogo gagalama tama megi e sogoba usu nagasama te wiegi yai pogo dage tomode aga du bugagia walobo dao.

Polgo Po Pas Rom Dabeba Asęani 1:5

Te aga nogi delide naga te Godigo da olo mu tau sabo wiegi yai kolesaga eyu, tama aga nogide me agai ena te po sela pabo sę bidi nigilali. Te Krais aga nogi tobade Godigo tama tiali, te Juda hani we bidi dali naga meni, te tigidali tǫde bidibo we bidigo konealubo po agade dąų weyu tama agai po wali pomainogo tama tiai dao.

Godigo Sęba Tagala Palai Bidigo Po 10:41

We bidi tigidali augwaligo aga sube. Da polobadu Godigo agai po pusu maio olama dąį ilai bidi, dago naga aga suai dao. Aga hodaluama, da aga dali hodobo bidu, nai me, ąį me tuai dao.

2 Timoti 2:7

Tama tede Godigo ena te agai po sela pabo sę bidi mubaso, tama eno agai po pusubo sę elalubao. Eno mu po naga obao, eno tibo po me wabeo, te Israel hani isiąwai bidi dabebolo po ola mabo tisa bidi agai ena nigilali, te eno augwalibolo te Godigo mu po dali te Kraisde konealubo po augwa homugo dąų wabo kolesaga me eno ola momainogo yali.

Kolosi 1:23

Tialima dage, dagego bomo elama, te Godigo gesi dwagi yai pode homu kęą pai we bidi bidiyu tama dolaluao. Te bugagia sę yai be aga tǫba tuluali ni tigi augwali te tǫde mu dąų obaso, te be peme egobeo. Te tiwai me dagego duga homu agai pode kęą pai we bidi bidao. Dagego polobadu te po odoyu, tama te Godigo dagebolo nosali maiabo naide dagego dwagi yai homu eyu tonalubo gagalali. Megi dage te tonalubo kolesaga tagaligio. Te gesi dwagi yai po augwaligo tigidali tǫde we bidibolo pusigi pai dao, tama ena Pol, ena te gesi dwagi yai po pusubo sę ebo bidi pedalai dao.

Maika 5:7

Tama te Israel hani meba te boi bidi dabego me dolisąwai bage, augwali te gasa hani hauwa tau sabo bidi pedelaibao, te Genuai Bidigo te hulide tulubage segeni wę te nosaiba tulumainu tagala palobo tiwai eyu, te olo tulubagego te ni dabe wiegi yai pedalumainu ebo tiwai yaibao. Tama augwaligo te sę te Genuai Bidigo bomode naga yaibao, te augwaduba bomogo digi te tegobeo.

Tigidali Nai Gagalama Nigali Side 18:18

‘Te agai hani wai dabe te augwali genuai bomai hani pedelaibao. Tama tigidali tǫde bidalubo we bidi augwaligo enabolo hanaluyu, te eno wiegi yai sę augwalibolo eyu, tama dwagi yai po augwali dali wao po waibao, te eno Abraham dali wiegi yai sę elama, dwagi yai po wali gilama tiaibao.

Polgo Po Pas Rom Dabeba Asęani 1:13

Eno ama dedeo, eno homugo dagego e po bugagia koneiąo, hauwa sogo eno te dage bidibo madi asaibao homu yali. Tiali goli sesemane sogo nai me deligo te ena tų palialubo dao. Te eno sęgo gasa bulude bidibo Juda hani isąwai we bidi augwali tau selama te augwaligo Godigo po wali pabo we bidi pedalali, tama eno dage tomode me te tau sabo sę egi pabo homu hauwa sogo yai dao.

Godigo Sęba Tagala Palai Bidigo Po 1:8

Me ma, e dagego koneagameo, te Godigo Mobo Bidi dageba asobo si, teda Godigo dage bomo ilaibao. Tama duga enade po te we bidi dabebolo pusa maiyąo, te Jerusalem be nanide me, te Judia tǫ pedai tigidalide me, te Samaria tǫ pedai tigidalide me, te moni digibulu tǫ pedai dabede me te po pusa mao,” te po wali.

Matyu 7:7

“Te dagego gedu haluasa po Godiba hanalu da, teda agai dagego te hanalubo nai te dageba mawaibao. Dagego te nai gegebo sę idu da, teda te nai dagego sueibao. Tama dagego be tuba eliyu bebego wedu da, teda Godigo dagebolo te tų dalaibao.

Dwagi Yai Gesi Po Jongo Asęani 15:5

Te Jisasgo te po me wai, “Ena da, te bono ni wain tigi dao, te dage da te bono ni waingo nologo dao. Bidi ena dali wadolama bidiyu, ena aga dali wadoloyu bidaibao. Tama te tiwai bidi agai du hauwa walaibao. Tibaso, dagego ena dali wadoloyu bidisiąyu da, teda dagego te eno dwagi yai sę me egobeo, usu egobeo.