Dwagi Yai Gesi Po Jongo Asęani 15:15 - Godigo dwagi yai po buku

¹⁵ Genuai bidi agai aga sę ebo bidibolo te sę yao po naga wabo dao. Agai te bidibolo te sę yabo po page ola mabo menio. Tiali goli, eno Ayago ena dali wali po tigidali, te po eno dage dali wai dao. Tama tibaso, eno dage sę ebo bidi da wabo nogi naga ma wagobeo, eno dage dali abagi dabe dao wabo.

Dwagi Yai Gesi Po Jongo Asęani 15:15 Referans Kwoze

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Matyu 13:11

Agai po wei ponoyu te po wai, “Godigo agai we bidi tonalubo sę geme dualaluali po page haninama te agai dagebolo ola mawai dao. Tiali goli e bidi dabebolo te geme dualali po page te haninai menio.

Jems 2:23

Tama tiyu, Abraham agai tama tiai, tama nosali Mosesgo te Godigo po meba te bukude agai asęai, “Abraham agai te Godigo pode konealubo po dąų wai. Tama tibaso, Abraham aga te Godigo gedude wiegi yai doloba pai bidi mu pedalai,” Mosesgo tama po asęai. Tama me, te Godigo Abrahamde dali te po wai, “Aga eno abagi dao.”

Kolosi 1:26

Tigidali sogo polobadu te po page tigidali bidi hanigo gedude dulaluai. Tialima megi God agai aga we bidi mubolo te po page hania waselai dao.

Kraisgo Geme Dualali Sę Pedelabo Po Jonbolo Ola Mani 1:1

Te eno megi asęna tolobo po, polobadu te po geme dulaluai, tama Godigo te po Jisas Kraisbolo waselama ola mani. Te Kraisgo aga sę ebo bidi dabebolo te nosali gana pedalobo sę hania hanilainogo tama Godigo agabolo te sę ola mani. Tama agai aga ensel mobo bidi me deli te Jon enabolo tagala palama, tama ena agai sę bidi, tama te tagala palali ensel mobo bidigo te waselali po enabolo ola magasai.

Efesus 3:5

Tama te tigidali sogo polobadu Godigo te geme dualali po hania me haninai menio. Tiali goli megi Godigo Mobo Bidi agai te po page te God aga po wagi pabo bidi dabe dali, te Godigo po ola mabo bidi dali sibolo te geme dualaluali po haninama ola mawai.

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

2 Pita 1:1

Ena da Saimon Pita dao, te bidi Jisas Kraisgo sę ebo bidi dao, te ena agai tagala palai bidi me deli dao. Tama eno e pas asęna dagebolo tolobao. Te Jisas Krais aga te dago God dao, te aga da te da ma dobola siyu dwagi yai buluba muabo bidi dao. Tama aga doloba pai bidi mu bidiyu, tama da tigidali dali deli homu naga elama, tama agai te dagebolo te agaba duga homu tigidali muabo kolesaga mawai dao. Tama te dagebolo mani kolesaga te agai dabolo mani kolesaga tiwai si dao, te wiegi yai dila pai kolesaga mu dao.

Galesia 4:6

Tama dage agai wai puluba bidibaso, God agai Ogwago Mobo Bidi dago homuba tagala palama, tama dago i weyu, te po agabolo wabo da, “Aya, Aya.”

Dwagi Yai Gesi Po Jongo Asęani 12:26

Niwai bidi me deligo eno sę yainogo ebo bidi, te bidi aga ena wali asao. Tama ena bidibo bulu, te bulude naga eno sę ebo bidi ena dali bidaibao. Bidigo eno sę ebo bidi, te eno Ayago te genuai nogi mawaibao,” Jisasgo te po wai.

Dwagi Yai Gesi Po Jongo Asęani 8:26

Eno dagede wabo po hauwa elalubao, dagego ebo kolesaga hauwa me eno osola sueibao. Tialima, ena tagala palali bidi te agai homu kolesaga te mu tama dao. Tama tigidali po eno Godide odobo po te po naga eno tǫde we bidibolo wabo dao,” Jisasgo te po wai.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

1 Pita 1:11

Tama Kraisgo Mobo Bidi agai augwaligo homu tomode hanilama, te po widu geai, “Te Godigo sa muani nosali asaibao wali bidi Krais agai dene selama, tama nosali agai te genuai bomo yai ula me saibao,” te po wai. Tama augwaligo te pode homu konea peyu, te po hanalu wai, “Te sę nisu pedalaibawe, mena side pedalaibawe?” te po wai.

Jems 1:1

Ena Jems dao. Ena God dali, Genuai Bidi Jisas Krais dali sigo sę ebo bidi dao. Dage te Israel bidi hani nogo si olama, sągą badu si wali bidi hani bage, dagede eno homu kone paluyu, eno te pas asęna tolobao. Dagego duga page bulu tagalama, tedela pelama, gasa haniani buluba polobadu bidigi pai. Tama eno dage dali dwagi yai homu eyu, e pas toloyu, dage tao obao.

Filemon 1:16

Tama megi aga te olo sę ebo bidi naga ma egobeo. Menio. Da bidi sela Genuai Bidi Jisasde wadolobaso, te bidi Onesimus aga da te da sigo ama mu dao. Tama megi aga dago ama mu gagawali, dago dwagi yai homu aga dali ebo dao. Te eno digi aga dali te eno ama mu te homu eyu, aga dali wiegi yai homu ebo dao. Me ma, nago eno ebo homu aiyaba elaluyu, tama nago te homu eyu, aga nago sę ebo bidi bidiyu, te me nago ama dao, tama nago aga dali dwagi yai homu elama, godolo mu yao.

Dwagi Yai Gesi Po Jongo Asęani 17:26

Tama nago nogi eno augwalibolo haninai dao. Tama tiyu, te sę nosali me eno mu ela paibao. Magi basowe? Te nago ena godolo mu ebo homu tiwai augwa hasi te godolo mu ebo homu emainogo eno nago nogi augwalibolo haninai dao. Tama ena me augwali dali bidimainogo, eno nago nogi augwalibolo hanilaibao,” Jisasgo te po Godigo aga bidi dabe tau somainogo wai.

Dwagi Yai Gesi Po Jongo Asęani 15:20

Eno tamadi wali po dagego bugagia ma koneao. Eno dagebolo te po wai, ‘Te nogi meni yai sę ebo bidi agai aga genuai bidigo nogi aiyaba elalugobeo.’ Tama te tiwai me, te tǫde we bidi augwaligo ena dali dwai sę yaligo da, teda dage eno sę ebo bage dali me augwaligo dwai sę yaibao. Tama augwaligo eno po wali pigi sogo da, te dagego po me augwaligo wali pigi dao.

Dwagi Yai Gesi Po Jongo Asęani 13:16

Tama te sę page ola mayu, eno dagebolo mu po obao, sę ebo bidi agai aga genuai bidigo nogi aiyaba elalugobeo. Tama te po sela pabo bidigo aga tagala palali bidigo nogi aiyaba elalugobeo.

Jutgo Asęani Pas 1:1

Ena Jut da, ena te Jisas Krais agai sę ebo bidi da, tama ena Jems aga amanu dao. Tama eno e po dage Godigo i wali we bidibolo asęna tolobao. Tama God dago Aya agai dage dali dwagi yai homu eyu, tama godolo mu ebo dao. Tama Jisas Krais me agai dage palibo dao. Augwali sigo dage dali tama tiyu, tama dage bugagia bidibao.

Dwagi Yai Gesi Po Jongo Asęani 4:19

Wego Jisasbolo te po wai, “Genuai Bidio, megi eno koneanio, nage da te Godigo nosali yabo sę po ola mabo profet bidi deli dao.

Dwagi Yai Gesi Po Lukgo Asęani 10:23

Tama aga wali bilibo bidi dabeba ibaba gelama, geme te po wali, “Te dagego megi subo sę tiwai te bidi dabe augwaligo me subaso da, te dwagi yai homu pemene iyąo.

Bugagia Bidibo Kolesagade Po Asęai Buku 18:24

Te abagi hauwa elalubo bidi da, te aga dolaibao. Tiali goli, te bidi mebago te gasagi yai abagi mu elalu, tama te abagigo augwali dali te bugagia mu kęą pelama, te deli haliga mu yaibao. Te abagigo ebo kolesagago te ama nami augwa si tomode ebo kolesaga te aiyaba elalubo dao.

Dwagi Yai Gesi Po Jongo Asęani 16:12

“Te eno po hauwa dagebolo maiabo me elalubo. Tialima, te po dagego megi sogobeo, te sęgę yai po mu dao.

Polgo Po Pas Rom Dabeba Asęani 7:15

Hauwa sogo eno ebo kolesaga page te eno me konesiąma ebao. Tama eno homugo godolo mu elama yainogo ebo kolesaga, te eno ebo meni. Tiali goli eno homugo hagela mu yali kolesaga, te eno ebo dao.

1 Korin 2:16

Awe, te Godigo po bukude po me elalubo e tiwai wabo, “Dego te Genuai Bidigo homu konebaso, te agai Genuai Bidi mobo mabo usu egowe? Bidi meni,” te asęani po tama wabo. Tiali goli te Kraisgo homu kolesaga dago elalubo dao.