Dwagi Yai Gesi Po Jongo Asęani 15:12 - Godigo dwagi yai po buku

¹² Eno bomo yai po e tama dao: duga hasi godolo mu eyu, bidiąo, eno dage dali godolo mu yali gilama.

Dwagi Yai Gesi Po Jongo Asęani 15:12 Referans Kwoze

1 Jon 4:21

Tama te bomo yai po dago God agade sai, te po tama wai: niwai bidigo God dali te dwagi yai homu eyu godolo ebo bidi, agai aga ama dali me dwagi yai homu eyu godolo mu yao.

Dwagi Yai Gesi Po Jongo Asęani 13:34

Eno dagebolo gesi bomo yai po mobao, dagego duga hasi dali dwagi yai homu eyu, augwali godolo mu yao. Eno dage dali dwagi yai homu eyu, godolo mu yali gilama, tilama duga hasi dali me dwagi yai homu eyu, augwali godolo mu yao.

1 Pita 4:8

Tama dagego genuai hasia yabo sę e dao, te dage bomo eyu, te duga hasi te dwagi yai homu eyu godolo mu yao. Tama te we bidi godolo mu ebo kolesaga, te tebogo te augwaligo ebo dwai sę sula tagalabo kolesaga dao.

1 Jon 3:23

Tama agai bomo yai pode tama wai: dago konealubo po agai ogwa Jisas Kraisgo nogide dąų olama, tama dago gasa we bidi dabe augwali dali dwagi yai homu eyu godolo mu yao, te agai dabolo polobadu wali po tiwai.

Polgo Po Pas Rom Dabeba Asęani 12:10

Dage da, te deli hani bage dao. Tama tibaso, te deli hani we bidi dabego yabo kolesaga bomo eyu, tama duga hasi duga ama dede abe dede augwali dali dwagi yai homu eyu godolo mu yao. Dage tigidali deli deligo duga nogi aiyaba elaluyu, te gasa bage augwali nogi naga ugwaba sao.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

1 Tesalonaika 4:9

Te eno duga abagi dabe augwalibolo dagego dwagi yai homu ela mabo, te po eno meba asęgobeo. Magi basowe? God agai te duga hasi dali dwagi yai homu mabo te kolesaga dagebolo ola menama, tama te kolesaga dagego koneyu bidibao. Tama eno dagebolo te po ma ola magobeo.

1 Tesalonaika 3:12

Tama dagede, dago homugo Genuai Bidi agai te dagego duga hasi godolo mu ebo sę genuai mu ilimainogo dago hanalobo po wabo dao. Tama me agai dagego te gasa we bidi tigidali augwali dali godolo mu ebo sę genuai mu eyu pągąna palomainogo dago hanalobo dao. Tama te dago dage dali godolo ebo sę gilama dagego te tiwai emainogo dago Genuai Bidi hanalobo po wabo dao.

2 Tesalonaika 1:3

Dago abagi dabe, sesemane sogo dago Godibolo usu da weyu, dago dagede homu kone palu gedu haluasa po wabo dao. Tama dago Godibolo nage usu da po wabo si, te usu si ebo dao. Magi basowe? God agai dage tau selama, tama dagego Jisasde po konealubo kolesaga mu genuai mu yai dao, tama dage deli deligo dwagi yai homu duga abagi dabe dali ebo dao, tama dagego te kolesaga ebo mę ela pabo dao.

Malakai 1:2

Genuai Bidigo te tama po wali, “Te eno dage godolo mu eduali, tama megi me ebo dao,” wali. Tiali goli, te Israel dabe augwaligo e tama po wei ponani, “Nago da godolo ebo mena tama yaliwe?” Tialima Genuai Bidigo te po augwaliba wei ponani, “Odiąo. Polobadu Iso me Jekop te ama nami si dao. Te eno Jekop dali, dage te agai wąį nǫų dabe dali godolo homu yai dao.

Dwagi Yai Gesi Po Jongo Asęani 15:17

Te Jisas agai te po me wai, “Te eno bomo yai po e dao, duga hasi dwagi yai homu eyu, godolo mu eyu, bidiąo.

2 Jon 1:5

Nage we, megi eno nagebolo e po ma obao, da tigidaligo dena hasi abagi dali dwagi yai homu eyu godolo yao. Eno gesi bomo yai po nagebolo asęna mabeo. Menio. Te dago Godigo po odobo gagalali sogo dago te bomo yai po odai dao.