Dwagi Yai Gesi Po Jongo Asęani 15:1 - Godigo dwagi yai po buku

¹ Te Jisasgo te po me aga wali pabo bidi dabebolo pusuyu, te po wai, “Ena da, te du walobo bono ni wain tigi mu tiwai dao. Tama eno Aya da, te bono ni wain gi page bidi dao.

Dwagi Yai Gesi Po Jongo Asęani 15:1 Referans Kwoze

Jeremaia 2:21

Hasia nage te wiegi yai wain ni eno bulai tiwai elaluali. Nage te ni wain polasa mu wiegi yai yano mu pedalubo tiwai yali. Tiali goli, magi baso megi da, nage begelama, enaba tudi ola menama, te buside dwai wain ni tiwai pedelaliwe?

1 Korin 3:9

Magi baso meni, da si te Godigo deli sę naga ebo sę bidi dao, tama dage te Godigo gi tiwai dao. Tama dage te Godigo be tiwai, aga te be sędu bidibao.

Aisaia 60:21

Te sogo te nago we bidi tigidaligo doloba pai kolesaga naga eyu, te eno augwa tǫ da olama, sa muani tǫ te augwa saibao, tama augwa tede sesemane bidada paibao. Te ena nogogo digi eno augwali te deli hani we bidi pedalumainu ilali, tama augwali te eno bulai ni nologo tiwai pedelali. Eno tama tiali, te gasa hani we bidi dabego sulama, te enaba genuai nogi momainogo tiai dao.

Aisaia 4:2

Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.

Dwagi Yai Gesi Po Jongo Asęani 6:55

Magi basowe? Eno tigi te tubo nai mu dao, tama eno kaneme te mu tubo ąį dao,” Jisasgo te Juda bage dali wai.

Jeremaia 12:10

“Te gasa tǫ kantri polalubo bidi dabe aselama, te eno wain gi dolaibao. Te augwaligo eno wiegi yai gi agalama, te gi te wa pai pesage naga ilaibao.

1 Jon 2:8

Me ma, megi eno dagebolo te asębo bomo yai po page meba te gesi po dao. Tama te eno asębo bomo yai po te mu po dao, te dago konebao, te Kraisde me, te dagede me, tede dago te bomo yai po te mu po dao dago subo dao. Magi baso meni, te ula mu te pedalama bidiyu, tama te ulago te be hulia si elaluali silibao.

Dwagi Yai Gesi Po Makgo Asęani 12:1

Tama Jisasgo te po meba begelama, te Juda dabego genuai bagebolo wai. Agai te po wali, “Te bidi me deli agai te bono du wain gi bulama, tama obogo bagulali. Tama agai te wain bono du ąį sabo agabo madi nigilama, tama te gi tonaluabo bidigo bobage sigi be me deli sę yani. Tama agai te gi te bisnis sę yainogo ebo bidi dabe mebago nogoba muai. Tama aga digi te aga digibulu bulu habuba palio.

Matyu 21:33

“Dagego te gasa po digi po begelama wali po me odao. Bidi me deligo genuai tǫ elalubo bidigo agai te bono du wain gi bulama, tama obo bagulali. Tama te gi tomode agai te wain bono du agayabo te tank nai nigilali, tama te gi tonalubo bidigo bobobage be me me deli sę yani. Tama agai te gi te sę yabo bidi meba augwaligo nogoba muani, te augwaligo te gi tonalubo sę eyu, te gi nai meba naga somainogo yai. Tama te gi page bidi aga digi digibulu bulu me deli teba pai.

Hosea 10:1

Te Israel dabego doado bage hauwa elalu, tama augwali te nai hauwa mu walobo wiegi yai ni wain tiwai yalio. Augwaligo te wiegi yai nai doado bage umabo mu pedelama, tialima augwa te tibo godigo alta, me ni pos te umabo umabo digi nigilama, tama augwa te ni pos bugagia mu me au ilai dao.

Dwagi Yai Gesi Po Jongo Asęani 6:32

Tama tibaso Jisasgo augwalibolo te po wai, “Mu tama eno dagebolo obao. Polobadu Mosesgo dagebolo mani nai te dagalu bret te dage mabeo. Menio. Eno Aya Godigo da te dage dagalu bret mu dage megi mabo dao.

Dwagi Yai Gesi Po Lukgo Asęani 13:6

Te po olama, Jisasgo augwalibolo e po digi po pusali. Agai te po wali, “Bidi mego agai wain gide ni haga elaluali. Tama nosali te bidigo te ni du walaliwe naga suagasali. Tialima, haga du walobeo.

Matyu 20:1

“Magi baso menio. Te Godigo we bidi tonalubo kolesaga te bidi me deligo tǫ hauwa elalubo bidigo yali kolesaga tiwai dao. Te kigamu digi mu te bidigo aga du walobo bono gide sę yabo bidi sesa biligi pai.

Solomon 7:12

Te kigamu digi mu te da hogodasa peyu, te wain ni dabe sueibao. Te augwali kulubi pedelama, te augwa yabe diligi naniwe, ma meniwe, te homu ebao. Tama dago te nai du wiegi yai walobo ni dabe sueibao. Te augwa plaua dabe diligi naniwe, ma meni yaliwe? Da te wain gide bidalu, te eno te tiwai nagebolo ola mobaso, te eno nage godolo mu eba homu yagameo.

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Dwagi Yai Gesi Po Jongo Asęani 1:9

Te ula da te ula mu dao. Tama aga te sogo tǫba dulai, tigidali we bidi ula mawainogo yali.

Dwagi Yai Gesi Po Jongo Asęani 1:17

Te bidi nogi Moses agai da Juda dabego wąį mu augwalibolo agai Godigo bomo yai po ola mawai. Tiali goli, Jisas Krais agai genuai olo tau sabo sę dali mu po dali si magasai.

Aisaia 61:3

Te Saionde gela udubo we bidi dabeba eno te nagame yai haliga dua eyu, pemene ebo homu me selasa asaibao, te augwa bomo silali bageba tama tiwaibao. Augwali homu dene ebaso, te sia keli augwa toboluba muani. Tiali goli, eno te nai hasegelama, tama dwagi yai au yabo nai augwaliba mueibao. Awe, eno augwaligo tigiba te wiegi yai denami ebo wel mawaibao, tama augwali homu dene ebo tagalama, dwagi yai homu pemene eyu bidaibao. Te augwa bomo ma selama, te Genuai Bidiba pemene ebo balia waibao. Augwa tigidali te doloba pai kolesaga naga ebo sę bomo yaibao. Te gasa bidi dabego sueibao, augwali te Genuai Bidigo digi bulali ni kali tiwai elalubao, tama augwaligo Genuai Bidigo nogi ugwaba saibao.

Esekiel 19:10

“Dage si, duga ida aga te wain ni tiwai augwaligo te ąį sesege pąde bulali. Tama te ni genuai pedelama, tama nologo hauwa elama, te nai du hauwa walali.

Matyu 15:13

Agai po wei ponoyu, te po digi po begelama te po wai, “Eno Aya dagalude bidibao, agai gi tiwai elalubao. Tama tigidali nai dabe te agai digi me bulusąwani nai da, te nai tigidali deli deli agai te sele dabe dali page guda sąwaibao.

Dwagi Yai Gesi Po Jongo Asęani 15:2

Tama enade wadolali nologo, te nai walisiąwai nologo te tigidali eno Ayago togolama, sela sąbo dao. Tialima, nai walobo nologo tigidali agai te dwai sewa yali nologode elaluali yabe te pęą sąyu sela sąbo dao, tama aga nai genuai walomai hagede tiwai.

Polgo Po Pas Rom Dabeba Asęani 11:17

Tama augwali te gide elalubo ni oliv tiwai bidiyu, tama Godigo te ni oliv nologo meba dwali togolama sela sąnama, tama agai dage olo ni oliv nologo te bulude elalubadi selama, tama dage te gide elalubo ni olivgo nologo togwali pesagede wadolali. Tama dagego augwali hasegelama, tama megi dage bugagia bidibao. Tama dage te elalubo dwagi yai ni olivba wadolobaso, tama dage dali te ni aga nologo mu dali te dagego te ni oliv pedalidu asobo ąįgo ili sabo dao, te nigo bomo me dagego sabo dao.