Dwagi Yai Gesi Po Jongo Asęani 14:20 - Godigo dwagi yai po buku

²⁰ Tama te sogo asobo si, dagego koneaibao, ena eno Aya dali bidibo dao, tama dage ena dali bidibo dao, ena dage dali bidibo, te dagego koneaibao,” Jisasgo te po wai.

Dwagi Yai Gesi Po Jongo Asęani 14:20 Referans Kwoze

Dwagi Yai Gesi Po Jongo Asęani 17:26

Tama nago nogi eno augwalibolo haninai dao. Tama tiyu, te sę nosali me eno mu ela paibao. Magi basowe? Te nago ena godolo mu ebo homu tiwai augwa hasi te godolo mu ebo homu emainogo eno nago nogi augwalibolo haninai dao. Tama ena me augwali dali bidimainogo, eno nago nogi augwalibolo hanilaibao,” Jisasgo te po Godigo aga bidi dabe tau somainogo wai.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.

1 Jon 4:12

Bidi me deligo God munu me subeo. Dago dena hasi dwagi yai homu dago abagi dali eyu da, God aga da dali bidibo dao, tama aga dwagi yai homu eyu godolo ebo kolesaga te da tomode sese wiegi yai mu pedalai dao.

Dwagi Yai Gesi Po Jongo Asęani 14:10

“Ena eno Aya dali bidibo dao, te aga ena dali me bidibo dao. Filip, nago te po odama, te mu po dao homu ebo meniwe? Eno dagebolo wabo po, te ena homugo digi me wabo menio. Aya ena dali bidiyu, Aya agai sę mu te sę naga eno ebo dao.

Polgo Po Pas Rom Dabeba Asęani 8:1

Te da Kraisde tialubaso, God agai da aga gedude te doloba pai we bidi dao te po wabo dao. Tama tibaso, Godigo da Krais Jisas dali wadolali we bidi dali po tų eyu tama sęgę dabolo magobeo.

Dwagi Yai Gesi Po Jongo Asęani 10:38

Dagego duga homu eno wali poba musiąwai goli, eno Godigo enabolo yao wali sę eyu da, teda dagego duga homu te yali sęba muiąo. Magi basowe? Te eno yali sęba duga homu mubaso da, te dagego homu bugagia mu koneaibao, God Aya enade bidiyu, ena God Ayade bidiyu ebao, te dagego konemainogo duga homu eno yali sęba muao,” Jisasgo te po wai.

2 Korin 13:5

Dagego sesemane sogo duga digi duga homu usu sela suyu, te duga homu tigidali Kraisba munama agaba homu tialubowe, ma meni yani, te bugagia koneao. Duga digi duga dagalao. Te bidi Jisas Krais dagego homude bidibo te dagego konebewe? Te meni wida, teda dage usu selama, te usu niba kadu wabeo.

Kolosi 1:27

Te Godigo homu e dao: agai aga polobadu dulaluai po agai we bidi mu augwalibolo hania hanilaibao. Tama te dulaluali pogo te gasa hani we bidi tigidali tau sabo po dao. Te dulaluali po wiegi yai mu dao, te bomo yai ula umabo elalubo po dao. Te dulaluali po page e dao: Krais aga digi dage deli delide hodobo bidibao, tama aga tama bidibaso dagego Godigo bomo yai ula dali, genuai nogi dali, bomo dali te meba saibao, tama tede dagego dwagi yai homu eyu bugagia tonalubo dao.

Dwagi Yai Gesi Po Jongo Asęani 16:26

Tama tebo sogo dagego eno nogide aga hanalu waibao. Tama eno dagebolo te po wabeo, ena digi Ayago dage tau sabo po eno hanalu waibao. Te menio. Duga digi te Ayabolo gedu haluasa po dolo wao.

Kolosi 2:9

Magi baso meni. God aga digi sese mu te Kraisgo tigi tomode bidibo dao, tama Krais aga tiwai mu bidibo dao.

Kolosi 1:19

Magi baso meni. God aga digi homugo agai homu kolesaga sese te aga ogwago elaluyu, tama ogwa aga tiwai mu bidaibao.

Dwagi Yai Gesi Po Jongo Asęani 6:56

“Bidigo eno tigi dali eno kaneme dali tubo bidi da, aga enade bidiyu, tama ena agade bidiyu, te bidi dadi si mu kęą pai elalueibao.

2 Korin 5:17

Tama tibaso niwai bidi Kraisba wadolobo si da, teda Godigo aga gesi noma bidi mu ilama pedalaibao. Bugagia odao. Megi te bidigo ebo poloba kolesaga tigidali silalio, tama gesi kolesaga pedalai dao.

Dwagi Yai Gesi Po Jongo Asęani 17:11

Tama megi da ena tǫde ma bidigobeo. Tialima, augwali da tǫde me bideibao. Tama ena da nage bidibo madigi asobao. Aya, nage magi dwai sę me isiąwai bidi, nago augwali tonaluao. Nago enabolo nago bomo mawai dao. Tama te bomogo nago augwali tonaluao, augwali me deli homu naga elama, bidimainogo yao. Dadi si deli homu elama bidibo gilama, te tiwai augwali me te emainao.

Dwagi Yai Gesi Po Jongo Asęani 16:23

“Te sogo dagego ena dali magi nai me hanalugobeo. Eno dage dali mu po obao, dagego gedu haluasa po weyu, Ayago magi nai me dagebolo mao eno nogide weyu da, teda Aya agai dagebolo mawaibao,” Jisasgo te po wai.

Efesus 2:10

Tama God aga digi agai da gesi noma ma nigilai. Agai da Krais Jisas dali wadolama, tama da tǫde bidibo sogo tigidali dago we bidi tau sabo sę naga ela bilimainogo eyu, agai da gesi noma ma nigilai. Tama dago te we bidi tau sabo sę yabo te sę agai polobadu sisi yai.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Dwagi Yai Gesi Po Jongo Asęani 17:7

Megi da augwaligo konebo, tigidali nai nago enabolo mani nai te nage pagedu te nai asai.

2 Korin 12:2

Ena te Kraisgo bidi bidiyu, tama kibu be nogo si olama sągągo me si me si polobadu Godigo ena te dagalu sela wali sigi mu teba ugwaba sela holali. Te ena teba pobadi ena tigi dali bidaliwe, ma ena tigi tagalama te eno noma bidi naga teba paliwe, te eno me konebeo. Godigo naga koneanio.

2 Korin 5:19

Dago pusubo po e tama tiwai: God agai te Kraisgo yali sęgo te tigidali we bidigo te boi bidi sę ebo kolesaga tagalama, tama aga dali abagi homu pedalomainogo yai. Agai te augwaligo yali dwai sęde homu kone ma ebeo. Tama agai dabolo te boi bidi dabe aga dali abagi homu ilabo po pusubo sę dabolo mawai dao.

Polgo Po Pas Rom Dabeba Asęani 16:7

Te eno siade da wali po dagego te bidi si Andronikus dali Junias sibolo wao. Augwali si eno Juda hani deli tama ena dali me sogo polobadu kalabuside bidai dao. Augwali si te Godigo po sela pabo bidi augwali tomode nogi elalubao, tama augwali si ena dali polama Kraisde wadolama bidai.

Dwagi Yai Gesi Po Jongo Asęani 14:11

Eno tamadi tama e po wali, ‘Ena eno Aya dali bidibo dao, te aga ena dali me bidibo dao.’ Tama dagego te po odoyu, tama duga homu te poba begi pao. Te meni eyu da, eno te yali sę dagego sulama, teba duga homu begi pao, te ena dali, eno Aya dali hodobo bidibo dao, te poba homu begi pao.