Dwagi Yai Gesi Po Jongo Asęani 14:12 - Godigo dwagi yai po buku

¹² Eno mu po dagebolo obao, bidigo enaba aga homu muyu da, eno ebo sę te agai me yaibao. Tama agai genuai sę mu yaibao, tama te sęgo eno yali sę aiyaba elaluaibao. Magi basowe? Ena eno Aya God bidibo digi paibao.

Dwagi Yai Gesi Po Jongo Asęani 14:12 Referans Kwoze

Matyu 21:21

Tama Jisasgo po wei ponoyu, augwalibolo te po wai, “Eno mu po dagebolo obao, dagego te Godide konealubo po mu dąų olama, tama dagego homu si me isąbaso da, teda dagego eno e ni kayade yali tiwai sę dagego me ebo te usu yaibao. Tama dagego te sę naga egobeo. Menio. Te dagego e elalubo bulu dubolo te po weyu, ‘Nage hodaluama, nage te tamu ąįba samonao’ po obaso da, teda agai te tiwai yaibao.

Dwagi Yai Gesi Po Makgo Asęani 16:17

Godigo te bomai sę meba te enade homu dąų wabo bidi dabego nogode pedalumainu ilaibao. Te eno nogide augwaligo te dwai haubo noma bidi dabe sela sąbo sę yaibao, tama augwaligo te bidi dabego odisąwai gesi noma po te pusuyu yaibao.

Godigo Sęba Tagala Palai Bidigo Po 16:18

Tama te wegigo agai umabo sogo tama naga tiali. Tibaso, nosali Pol aga hagela mu yali. Pol aga begegi solama, te dwai mobobolo te po wali, “Eno Jisas Kraisgo bomode nagebolo obao,” wali, “te wegi tagalama, nage pao.” Pol agai te po olama, tama te dwai mobogo te wegi polo taga pali.

Godigo Sęba Tagala Palai Bidigo Po 9:34

Pitago agabolo te po wai, “Ainias, Jisas Krais agai nage dwagi yai ma ilibao. Nage ma hodaluao, naga somo belama, teba muao.” Tama Ainias polo hodaluali.

Godigo Sęba Tagala Palai Bidigo Po 19:12

Polgo nami ugwa ugwa kugulu gudai dao, te duga holobo ugwa gebode kęwai dao. Tama augwaligo te tobage ugwa dabe Polgo tulama, tama augwaligo te gasi sai bidi dabe bidibo madigiba selasa pai dao. Augwaligo te ugwa te gasi sai bidi tigiba mubo si, te gasi sia sai dao. Te dwai haubo noma elalubo bidi dabe me, te sogo augwaligo te sę ebo si, te dwai haubo nomago te bidi dabe tagalama, wi pai dao.

Godigo Sęba Tagala Palai Bidigo Po 9:40

Tama Pitago augwali “Buluba piąo,” wali. Tama agai kidu sugunama, Godibolo po wali. Nosali agai isai we tigiba suali, te po wai, “Tabita, nage hodaluao,” wali. Tama te we agai gedu peda sanama, tonono bilali, tama agai Pita sulama, hodasa holama, duagulali.

Godigo Sęba Tagala Palai Bidigo Po 8:7

Tama dwai haubo mobo dabe we bidi hauwa tudi badu polobadu aselama, dagą yagaselama elalu tede bidibadi, tama Filipgo po obaso, te dwai mobo haubo dabe te we bidide bidali taga peyu, moni hwą mu wai. Me badu sągą isai we bidi Filipgo ma dwagi yai ilali, sągą dwai we bidi me.

Godigo Sęba Tagala Palai Bidigo Po 5:15

Jisasgo tagala palai bidi dabego bomai sę mu ebaso, tigidali we bidigo augwa ama me, abe me gasi baso, gologobe wade munama, tų sesegeba selasa asali. Augwaligo homugo Pita te tų sesegedu biliyu, agai giligade bilibo noma te gasi yai bidi tigiba bogibaide ma dwagi yai ilimainu.

Godigo Sęba Tagala Palai Bidigo Po 2:41

Tama we bidi hauwa augwaligo agai wali po homude dąų wai. Tama we bidi hauwa mu 3,000 augwali te sogo baptais selama, tama augwali te Jisasde polobadu homu dąų wai we bidiba wadolagasai.

Godigo Sęba Tagala Palai Bidigo Po 4:4

Tiali goli, augwali sigo po ola mabo po te odali we bidi te augwali hauwa mugo te po mu konealuali. Tama te bidi dabe nedelama, te namba hauwa mu 5,000 yali.

Dwagi Yai Gesi Po Jongo Asęani 16:7

Tiali goli, eno mu po dage dali obao. Dage tau somainogo, dage eno taga peyu, ena pobao. Ena pisąyu da, te Tau Mabo Bidi dageba asogobeo. Tialima, ena peyu da, te bidi eno dage bidibo digi tagala palaibao.

Godigo Sęba Tagala Palai Bidigo Po 2:33

Tama Godigo Jisas ma hodolama, aga dolo nogo badude muani, tama te nogi yai bidi bidibo madi. Tama Godigo agabolo aga Dwagi Yai Mobo mawai, te aga aya Godigo polobadu mawaibao olama polo po dąų walai. Tama megi Jisas agai Godigo Dwagi Yai Mobo dabolo olo mu menama, e dagego suali sę me, odali po me pedalali.

Dwagi Yai Gesi Po Jongo Asęani 7:39

Jisas agai te ąį po te Godigo Mobo Bidide wai. Augwa homu dąų olama, Jisasba mubo we bidi teba Godigo Mobo Bidi nosali asaibao. Tiali goli te sogo Jisas aga bomo dali moni nogi dali sisąbadi, God agai Mobo Bidi te we bidibolo mabe, te nosali mawaibao.

Dwagi Yai Gesi Po Jongo Asęani 7:33

Tialima, Jisasgo te po wai, “Dwasianu sogo ena dage dali bidaibao. Te silibo si, ena te ena tagala palai bidi pageba ma paibao.

Polgo Po Pas Rom Dabeba Asęani 15:19

Tama agai eno nogode te haniani bidigo me isąwai bomai sę yai. Tama Tedali Mobo Bidigo me enabolo sę bomo yali. Te tigidali sę agai yai, te gasa hani dabe hodolama, tama augwaligo te Godigo po wali pomainogo yalio. Tama tiyu, eno te sę Jerusalemde gagalama, tama eno Kraisde wiegi yai gesi po tigidali augwalibolo pusali, tama ena bilali te tigidali habuba te digibulu mu bulu nogi Ilirikum dąį egi pelama, tama te sę ela silai dao.

Godigo Sęba Tagala Palai Bidigo Po 6:7

Tama tibaso, we bidi dabe hauwa augwaligo Godigo po odama, konealuali. Te Jerusalem hanude te Jisas wali pabo we bidi hauwa mu yali. Tama te pris bidi hauwa me augwaligo Jisasgo po wali pali.

Godigo Sęba Tagala Palai Bidigo Po 4:16

Augwa hasi te po hanalu wai, “Dago te bidi side magi sę yaibawe? Jerusalem tigidali we bidigo koneai, te dwagi yai bomai sę te bidi sigo yali, tama dago mena tama dualogo menio.

Dwagi Yai Gesi Po Jongo Asęani 14:28

Dagego eno mani po odai dao, eno dage taga peyu, ena pelama, tama ena dage bidibo digi ma asaibao. Dagego ena godolo mu egi sogo da, teda ena Aya pageba ma pabode dagego dwagi yai homu egi da. Magi basowe? Aya God aga genuai bidi mu dao, tama ena aga dali usu menio.

Godigo Sęba Tagala Palai Bidigo Po 4:33

Jisasgo tagala palai bidi dabego te po tigidali we bidibolo pusai, ‘Genuai Bidi Jisas gų pagede ma hodaluali,’ te po bomai mu. Godigo te Jisas konealubo we bidi tigidalibolo moni dwagi yai sę yali.

Dwagi Yai Gesi Po Makgo Asęani 11:13

Agai te ni kaya me deli te dwasianu digibulu gana dolalu, tama yabe te hauwa elalubo suali. Aga te ni pąba pelama, te du meba walai elalubowe naga gegainu yai. Tama aga te ni pageba sabolali, tiali goli tede te nai du walai elalubo me deli subeo. Menio. Te yabe naga elaluali. Magi baso meni, te ni fikgo du walobo sogo pedalubeo.

Dwagi Yai Gesi Po Jongo Asęani 4:37

Te tiwai eyu, tama tǫde bidibo we bidigo polobadu wali po mu po tamao, ‘Bidi me deligo gi nai bulai, tama gasa bidi mego agai te nai sai.’

Dwagi Yai Gesi Po Jongo Asęani 5:20

Aya Godigo homugo aga Ogwa mu godola pabo, tama God agai ebo sę tigidali aga Ogwabolo ola mabo dao. Aya agai bomai sę me nosali aga Ogwabolo ola mawaibao. Tama te sęgo eno hasia yali sę aiyaba elaluaibao. Tama tibaso, dage noma siyu, homu hauwa yaibao.