Dwagi Yai Gesi Po Jongo Asęani 13:9 - Godigo dwagi yai po buku

⁹ Po wei ponoyu, Pitago te po wai, “Genuai Bidi, eno sągą naga ąį telagio. Nago eno tobolu me, nogo me ąį telayao,” te po wai, Pitago.

Dwagi Yai Gesi Po Jongo Asęani 13:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 51:7

Nago eno sęgę sela sąnama, ena meda meni yai pedelaio. Nago ena ąį tedelama, ena meda isiąwai mu pedelaio, tedela yai kedau ebo nai sno te tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 51:2

Nago ena tigidali ąį telayao, tama dwai kolesaga enade ma elaludalio. Eno sęgę sela sąnama, ena dwagi yai pedelama bidaio.

1 Pita 3:21

Tama te ąį te augwaligo dage baptais mani ąį tiwai dao. Tama Jisas Krais aga te gų pagede ma hodalobaso, Godigo te baptais mani ąįgo dage tau siyu ma dobola sali. Te ąįgo te dagego tigide elalubo meda sela sąyu, tama dage tau siyu ma dobola sabo menio. Te meni. Te dagego te doloba pisiąwai sę idali weyu, tama dagego Godibolo te da tau sao po weyu, tama augwaligo dage baptais mawai dao. Tama te tiwai ebogo dage tau siyu ma dobola sabo dao.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Godigo Nogi Ugwaba Sabo Tęąbi Po Wabo Buku Dabe 26:6

Genuai Bidi, eno nogo wę telayu, te eno dwai sę me yali menibaso, te nageba ola mayu tiali. Tama eno nago alta bagulubo sę eyu, tama eno nageba lotu po wabo dao.

Matyu 27:24

Tama megi da Pailatgo koneani, agai po usu ebeo. Menio. Tama wąbi genuai hwįainogo yai. Tama agai augwali ola momainogo agai wę te poude meba selama, tama aga nogo te we bidigo gedude wę telawai. Tama nogo wę teladubadi agai te po wai, “Te e bidi elibo da, te eno sęgę menio. Te duga sę naga dao.”

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

Dwagi Yai Gesi Po Jongo Asęani 13:8

Pitago agabolo te po wai, “Nago eno sągą ąį munu me telagobeo. Te menio,” te po wai. Tama Jisasgo te po wai, “Eno nago sągą ąį telasiąyu da, teda nage ena wali pabo bidi bidigobeo,” te po wai.

Dwagi Yai Gesi Po Jongo Asęani 13:10

Jisasgo te po wai, “Bidi aga ąį mu pauwai bidi te meda menio. Aga tigi ma ąį paugobeo, sągą naga ąį telaibao. Tama te tiwai dage meda meni yai bidi dabe da. Tiali goli, dage tomode te bidi me deli digi aga te meda yai bidi bidibo,” Jisasgo te po wai.