Dwagi Yai Gesi Po Jongo Asęani 13:38 - Godigo dwagi yai po buku

³⁸ Jisasgo po wei ponoyu, te po wai, “Mu dawe? Ena tobade nage ena tau siyu, isabo sisi ebawe? Menio. Eno mu po nagebolo obao, be posisiąbadi, te ba kakaruk po wasiąbadi, sela sogo nago eno nogi dualaibao,” Jisasgo te po wai.

Dwagi Yai Gesi Po Jongo Asęani 13:38 Referans Kwoze

Dwagi Yai Gesi Po Lukgo Asęani 22:34

Jisasgo Pitabolo te po wai, “Pita, eno nagebolo obao, e sogo hulide te ba kakaruk po wasiąbadi, tama nago sela sogo waibao, ‘Eno Jisas nogi konebe.’ Te po nago waibao,” Jisasgo te po wali.

Matyu 26:34

Jisasgo agabolo te po wali, “Eno mu po nagebolo obe dao, e sogo megi hulide, te ba kakaruk po wasiąbadi tama sela sogo nago po weyu, nago ena konebeo te po waibao.”

Dwagi Yai Gesi Po Makgo Asęani 14:30

Tama Jisasgo agabolo te po wai, “Eno mu po nagebolo obao, megi e sogo hulide, te ba kakaruk po si sogo wasiąbadi, tama nago ena konebeo po te sela sogo waibao.” wali.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

1 Korin 10:12

Tama tibaso, dagego duga digi bomogo bugagia dolalubo usu da homu eyu da, teda dage tulaluyu dolidali weyu dage bugagia suao.

Bugagia Bidibo Kolesagade Po Asęai Buku 29:23

Te bidigo hagoma homu eyu, tama aga digi aga nogi ugaba sobaso da, te augwaligo aga nogi aiyaba elaluaibao. Tiali goli, te bidi aga digi aga nogi aiyaba elalubo bidi da, te genuai nogi saibao.

Bugagia Bidibo Kolesagade Po Asęai Buku 28:26

Te bidigo te homu eyu, te aga koneani kolesagago digi te aga tau selama, te tigidali sę ebo usu yaiba homu yali da, teda agade te wiegi yai homu kolesaga me elalubeo. Tiali goli, te bidigo te wiegi yai homu ebo kolesaga wali pobaso da, teda aga bugagia mu bidaibao.

Dwagi Yai Gesi Po Lukgo Asęani 22:33

Pitago Jisasbolo wai, “Genuai Bidi, ena nage dali kalabus paibao. Ena nage dali isabo me sisi yalio,” Pitago te wai, Jisas dali.

Dwagi Yai Gesi Po Jongo Asęani 21:17

Tama bidama gana, tama sela sogo agai Pitabolo te po ma hanalu wai, “Saimon, nage Jongo ogwa dao, ena da nago abagi dawe?” Tama agai Pita dali sela sogo “Ena da nago abagi dawe?” obaso, Pita aga homu sęgę yai. Tama Pita agai Jisasbolo te po wai, “Genuai Bidi, nago tigidali nai koneai dao. Tama nago koneai dao, nage eno abagi dao,” Pitago te po wai. Tama Jisasgo agabolo te po wai, “Nago enabolo homu muani we bidi augwali eno po nago augwalibolo ola mao.

Dwagi Yai Gesi Po Jongo Asęani 16:31

Jisasgo te bidi augwali dali po wei ponoyu, te po wai, “Megi da, dagego duga homu enaba mu muaniwe?

Godigo Sęba Tagala Palai Bidigo Po 11:10

Tama te sę enaba sela sogo sabolagaselama, tama nosali te nai tigidali me dagaluba kegasali.