Dwagi Yai Gesi Po Jongo Asęani 13:19 - Godigo dwagi yai po buku

¹⁹ Te age dolobo sę pedalisiąbadi, megi eno dagebolo te obao. Tama tibaso, nosali te sę pedalobaso da, teda dagego te mu koneaibao, te ena da Godigo tagala palai bidi dao.

Dwagi Yai Gesi Po Jongo Asęani 13:19 Referans Kwoze

Dwagi Yai Gesi Po Jongo Asęani 14:29

Te sę pedalisiąbadi, megi eno dagebolo e po wai dao. Tama tibaso, nosali te sę pedalobaso da, teda dagego enade te duga homu mumainogo yaibao.

Aisaia 43:10

“Tialima, dage Israel, dage te eno po odolama, pusubo bage dao. Eno dage sa muyu, dąį ilama, te ena sę bidi bidimainu yalio. Tama tiyu da, te dagego ena koneama, enaba homu dąų weyu, tama te tiwai dagego bugagia koneyu, te ena deli naga te God mu da omainu ebao. Polobadu te god me deli me pedalisiąma, te aga polasa bidiyu, te ena nosali badu me elalubeo. Tama nosali me, te god me deligo ena bidali pesage me hasegelegobeo.

Dwagi Yai Gesi Po Jongo Asęani 16:4

Tialima dagebolo eno te sę pedalabo po megi wai dao. Magi basowe? Nosali te sę pedalobo si, tama dagego eno te sęde polobadu wali po dagego homugo ma koneagameo,” Jisasgo te po wai. “Te polobadu ena dage dali bidibaso, tama eno te po dage dali wabeo,” Jisasgo te po aga sę bidi dabe dali wai.

Aisaia 48:5

Tama tialima, polobadu mu eno te dageba pedelabo nai po hanilama pusali, tiyu dagego te po waidali, te dagego tibo god dabego, te piksa dabe dagego te nigo me aingo nigibo nai dabego te nai dabe pedalumainu yali da po waidali,” te po wai.

Dwagi Yai Gesi Po Jongo Asęani 8:58

Jisasgo augwalibolo te po wai, “Mu po eno dage dali obao. Polobadu Abraham tede bidu ame nesiąbadi yaide, te sogo ena bidai dao, megi tama me ena bidibo dao,” Jisasgo te po wai.

Matyu 24:25

Odiąo, te sę pedelasiąbadi eno dagebolo te po hasia bolo wai dao.

Matyu 11:3

Tama augwaligo agabolo te po hanalu wagasai, “Nage da, nage te sa muyu asaibao wali te bidi dawe, ma dago gasa bidi asobo tonaluaibawe?” augwaligo te po hanalu wali.

Malakai 3:1

Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.

Dwagi Yai Gesi Po Jongo Asęani 1:15

Te we bidi baptais mabo bidi Jon agai te we bidibolo agai po weyu i tama wai, “Polobadu eno te po wai, ‘Nosali bidi me asobo bidi agai eno nogi aiyaba elaluaibao. Magi basowe? Ena ame nesiąbadi, aga polobadu mu bidai. Tama tibaso, agai nogigo eno nogi aiyaba elalubo dao,’ eno te po wai. Tama megi te bidi e dao, eno dagebolo polobadu wali po gilama,” Jongo te po wai.

Dwagi Yai Gesi Po Lukgo Asęani 21:13

Te dagego Godigo po wabo tų nigilu te ebao.

Aisaia 41:23

Tama te nai dabe pedalubo sogo, te dago koneyu, te dage god mu da te homu yaibao. Dagego te da wi yabo sę me deli iyąo te wiegi yai nai, ma dwai nai, te sę yao. Tama tialima, te dago dagego bomo sueibao.

Dwagi Yai Gesi Po Jongo Asęani 4:26

Jisasgo te we agabolo te po wai, “Te ena tama dao, megi nage dali eno te po obao.”

Dwagi Yai Gesi Po Jongo Asęani 8:28

Tama tibaso, agai augwalibolo te po wai, “Nosali dagego Godigo Bidi Mu ni pedaide daganama, te ugwaba sela muaibao. Te tebo sogo da, te dagego koneaibao, ena te ena digi dao. Te sogo me dagego koneaibao, eno haniani sę eyu, eno homu wali pisiąyu te sę yalio. Eno po Ayago ena ola mani po naga wabo dao.