Dwagi Yai Gesi Po Jongo Asęani 12:47 - Godigo dwagi yai po buku

⁴⁷ Bidi me deligo eno po odolama, wali pisąwani bidi, aga eno po tų ela magobeo. Ena tǫba asali, te eno te tǫde we bidi po tų ela momainogo asobeo. Ena asali eno augwali ma sagasainogo asai.

Dwagi Yai Gesi Po Jongo Asęani 12:47 Referans Kwoze

Dwagi Yai Gesi Po Jongo Asęani 3:17

Godigo aga Ogwa e tǫba tagala palali te e tǫde we bidi po tų dodolomainogo me tagala palobeo. Te menio. God aga Ogwa tagala palali da, te da tǫde we bidi ma dobola sagasomainogo yai.

Dwagi Yai Gesi Po Jongo Asęani 12:48

Bidigo te ena tudiba munama, eno po agai sela sąbo bidi, aga po tų yabo sę elalubao. Eno wali po, te pogo nosali te tǫ dagalu silibo side te eno wali pogo te bidi dali po tų yaibao.

1 Jon 4:14

Tama Aya God aga Ogwa e tǫba tagala palama, tama agai da e tǫde we bidi tigidali ma dobola sabo bidi pedalomainogo yai. Dago te suai dao, tama dago te sę po gasa we bidi dabe augwalibolo pusubo dao.

Dwagi Yai Gesi Po Lukgo Asęani 19:10

Ena Godigo Bidi Mu da, tama Godigo ena tagala palobaso, ena asali. Te olo hagawai we bidi eno gegi asai, te eno augwali tau mayu, ma somainu ebao,” Jisasgo te po wai.

Dwagi Yai Gesi Po Jongo Asęani 5:45

Dagego te eno Godibolo po tų ela mayao po waibao, te homu egimio. Eno te sę egobeo. Dage po tų ela maiabo bidi da Moses dao. Dagego homugo te bidi aga digi dage tau sabo bidi mu dao. Tiali goli agai dage po tų ela maiabo bidi dao.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

2 Pita 3:15

Tama Genuai Bidigo me tonaludu tama agai da dali dua ebao. Tama dagego te kolesaga ebode tama kone palao, te agai da ma sainogo ebao. Tama Godigo wiegi yai homu kolesaga te dago dwagi yai ama Polbolo menama, tama agai me te tobage po dagebolo asęna tolai dao.

Dwagi Yai Gesi Po Jongo Asęani 8:26

Eno dagede wabo po hauwa elalubao, dagego ebo kolesaga hauwa me eno osola sueibao. Tialima, ena tagala palali bidi te agai homu kolesaga te mu tama dao. Tama tigidali po eno Godide odobo po te po naga eno tǫde we bidibolo wabo dao,” Jisasgo te po wai.

Matyu 18:10

Dage dua bugagia dao. Tiyu dagego te homu eyu, e dwasianu we bidi tomode me deli te olo nai tiwai da wagimio, augwalide tagala wagimio. Menio. Eno dagebolo te po obao, te Godigo bidibo madide bidibo ensel te mobo bidi dabe augwaligo sesemane sogo te eno Aya dagalude bidibo subo dao. Tama tiyu, te ensel mobo bidi dabego e tiwai dwasianu we bidi hani tonalubo dao.

Dwagi Yai Gesi Po Lukgo Asęani 9:56

Tama tiyu, aga augwali dali gasa be naniba pali.

Matyu 18:11

[Magi baso meni. Te Godigo Bidi Mu agai te hagawai we bidi dabe augwali ma sagasu asai dao.]” Jisasgo te po wai.