Dwagi Yai Gesi Po Jongo Asęani 12:35 - Godigo dwagi yai po buku

³⁵ Tama Jisasgo augwalibolo te po wai, “Dwasianu sogo me te ula dage dali bidaibao. Te hulia sabo dageba asidali weyu, megi dagego te ula elalubo si, te ulade dage bidao. Te hulide pabo bidi aga mena pabowe te agai konegobeo.

Dwagi Yai Gesi Po Jongo Asęani 12:35 Referans Kwoze

Dwagi Yai Gesi Po Jongo Asęani 12:46

Ena e tǫba asali, te ula tiwai dao. Magi basowe? Tigidali bidi enabolo homu muani bidi augwali te hulide bididali weyu, ena te tǫde ula tiwai asai dao.

Dwagi Yai Gesi Po Jongo Asęani 16:16

“Te nosali ganama dagego ena ma osogo sugobeo. Tama bidama, nosali ma dwasianu sogo dagego ena ma sueibao,” Jisasgo te po wai.

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

Dwagi Yai Gesi Po Jongo Asęani 11:10

Tiali ma, bidi hulide bilibo bidi, aga tulamubo dao. Magi basowe? Ula menio, te aga te pabo tų hulia sai elalubo,” Jisasgo te po wai.

Dwagi Yai Gesi Po Jongo Asęani 12:36

Megi ula dagede elalubao. Tama tibaso, duga homu tigidali te ulaba muao. Tama tilama, dage te ula tiwai pedalama, bidaibao,” Jisasgo te po augwalibolo wai. Jisasgo te po olama, tama agai augwali taga peyu, geme duala sigi pai.

Dwagi Yai Gesi Po Jongo Asęani 7:33

Tialima, Jisasgo te po wai, “Dwasianu sogo ena dage dali bidaibao. Te silibo si, ena te ena tagala palai bidi pageba ma paibao.

Aisaia 2:5

Asao, Jekopgo wąį dabe dage, da Genuai Bidigo da mani uladu pinao.

2 Korin 3:14

Tiali goli te Israel dabe augwaligo homu mu puna peyu, kone tuą pali. Tama tigidali sogo augwaligo te Godigo te we bidi tau sabo poloba dąų wali po naga te bukude nedeyu iduai, te ugwa nami tiwai me augwa homude elalubadi, te megi e sogoba usu nagasoba. Menio. Te Krais delide naga Godigo te homu mesegaluali ugwa nami dagala sąbo dao.

Jeremaia 23:12

Tama tibaso, te eno augwaligo sunumi te mu kikila palama, te hulia sabogo augwali mesegalueibao. Te eno augwali bomonama pogwa palama, te augwali tula mueibao. Ena Genuai Bidi, eno te augwali dolabo sogo bodolu muai elalubao, tama te sogo eno dwai dene augwaliba mawaibao,” wali.

Dwagi Yai Gesi Po Jongo Asęani 11:9

Jisasgo te Godigo bodolu mani sogo naga te aga isaibao po augwalibolo ola momainogo agai po nogo habu sugunama te po wali, “Te giliga nanobadi yaide, te ula elalubao. Tama siade bilibo bidi tulamubo menio. Magi basowe? Te ulade dao, agai aga pabo tų bugagia suagameo.

Galesia 6:10

Tama tibaso, dago te dwagi yai kolesaga ebo tų subaso da, teda dago te tigidali we bidi tau sao. Tama te Kraisde augwa homu tigidali muani we bidi te augwali dago hani we bidi tiwai dao. Tama tibaso, dago bomonama, tama augwali te dwagi yai kolesaga eyu, hauwa sogo tau sao.

Dwagi Yai Gesi Po Lukgo Asęani 18:37

Tama augwaligo agabolo wali, “Te Nasaret bulu bidi nogi Jisas ela sobao,” wali.