Dwagi Yai Gesi Po Jongo Asęani 12:28 - Godigo dwagi yai po buku

²⁸ Aya, naga nogi genuai emainao, eno homugo tama te ebo dao,” Jisasgo te po wai. Te po olama, tama dagaludu po me deli duali, “Eno ena nogi genuai yai dao. Tama eno nogi genuai ma ilaibao,” dagaludu po asiyu, te po Jisas dali wai.

Dwagi Yai Gesi Po Jongo Asęani 12:28 Referans Kwoze

Matyu 26:42

Aga si sogo ma pelama, gedu haluasa po te aga dene sabode te tiwai po wai, “Eno Ayao, tama te kapgo ena ela soabo usu me egobe da homu elama, tama eno te kap selama, te ąį tumai da wida, teda nago naga homu kolesaga wali naga pao.,” te po wai.

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Matyu 3:17

Tama pedauwali me delide te dagaludu i weyu, te tiwai po wai, “Te aga eno Ogwa dao. Eno aga godolo mu ebao. Tama eno homu agade te pemene wiegi yai ebo dao,” te po wai.

2 Pita 1:17

Tama da aga dali bidibadi te aga Aya Godigo aga nogi ugwaba siyu, tama te wiegi yai ula agaba mawai. God aga te hasia polalubo dagalu ulade bidiyu, agai te po wali, tama te dagaludu wali po Kraisba dulama te po wai, “Te eno ogwa dao, eno aga godolo mu eyu, tama eno homu wiegi yai aga dali mu ebao.”

Efesus 3:21

Te dwasianu sę menio. Tama tibaso, da God agai po wali pabo we bidi, da Krais Jisasde wadolai we bidi hani dago Godigo genuai wiegi yai nogi ugwaba siyu, te tigidali bidada pabo sogode me, te tigidali sogo te tiwai wiegi yai kolesaga me mu ela pidubadi geao. Te tebo kolesaga me tagaligio. Te mu po dao.

Efesus 3:10

Tama polobadu agai homude yabo sę dualaluai. Tiali goli megi agai te agai po wali pabo we bidibolo haninama ola mani. Te gasa we bidi me augwaligo te Godigo po wali pabo we bidigo pedauwalidu te po odama tama Krais wali peyu tama aga hani bage pedalomainogo eyu, agai aga po haninama ola mani. Tama tebogo augwaligo te Godigo wiegi yai sę ebo kolesaga te dagalude bidibo ensel mobo bidi tobolu bidi dali, te polalubo bidi dabe augwalibolo te wiegi yai ebo kolesaga page waselemainogo yai. Tama te wiegi yai kolesaga page te ensel mobo bidi dabebolo tama waselama, tama augwaligo Godigo haniani sę ebode wiegi yai homu kolesaga mu elalubo te augwaligo hania koneaibao.

Efesus 2:7

Agai te sę da dali magi baso yaliwe? Woo, agai da dali dwagi yai homu eyu, da godolo mu ebaso, tama agai Krais Jisas tagala palali, da tau somainogo yai. Agai da olo tau sali, te dago abelegobeo. Tama agai da olo tau sali kolesaga te mu genuai mu tama dao, te we bidi tigidali augwaligo kuna konemainogo, tigidali sogo nosali, te Godigo da Krais dali ma hodolali.

Dwagi Yai Gesi Po Jongo Asęani 18:11

Tialima Jisasgo Pita dali te po wai, “Nago te kago hwą aga bulubo beba ma bulama muao. Eno Aya agai enabolo bodolu mani, te ena tigide dene saibao. Te augwaligo ena dali yabo sę nago te bodolu didigili painogo ebawe?” Jisasgo Pita dali te po wai.

Dwagi Yai Gesi Po Jongo Asęani 11:4

Jisasgo te po odama, te po aga wali pabo bidi dabebolo wai, “Te gasi page tama telalubuo. Te gasigo sę te bidi Lasarus isibo gasi naga menio. We bidi augwaligo Godigo ula yai bomo sumainogo eyu te bidi gasi yai. We bidi augwaligo Godigo Ogwa me nogi ugwaba somainogo eyu, te gasigo Lasarus sai,” Jisasgo te po wai.

Dwagi Yai Gesi Po Jongo Asęani 9:3

Jisasgo te po wei ponoyu, te po wai, “Te bidi aga sęgę dali aga aya de ida sigo sęgę dali tede menio. Te sę pedalali, te Godigo bomo te bidide hania pedalobo te we bidi dabe augwaligo sumainogo yai.

Dwagi Yai Gesi Po Lukgo Asęani 9:35

Te pǫ tomode po me dagayu te po wali, “E eno Ogwa dao. Agai eno sę emainu sa muani Ogwa dao. Dagego agai wabo po odao.”

Dwagi Yai Gesi Po Lukgo Asęani 3:22

Tama Godigo Tedali Mobo Bidi dagaludu dulali. Te Godigo Mobo Noma Bidi ba hi tiwai aga toboluba dugayagasali. Dagalu badu i weyu, te po wali, “Nage eno homu kęąlubo Ogwa mu dao. Eno nage dali dwagi yai homu elalubao,” te po wai.

Dwagi Yai Gesi Po Makgo Asęani 14:36

Agai te po wali, “Aya, nago te tigidali sę ebo usu dao. Eno homugo nago enaba megi te pedalainu ebo te dene dagala samainu homu ebao. Tiali goli nago te eno homu wali me pelamuo. Menio. Nago te naga homu wali naga pao,” Jisasgo te po wai.

Dwagi Yai Gesi Po Makgo Asęani 9:7

Tama te dagalu pǫ me deli pedelama, te augwali mesega sagasali. Tama te pǫ tomodu te pedauwali me delidu te po waida wai, “E bidi da, te eno Ogwa da, eno aga godolo mu ebao. Dagego agai po odiąo,” wai.

Dwagi Yai Gesi Po Makgo Asęani 1:11

Tama te dagalude pedauwali me delidu bomonama i weyu, te po wai, “Nage eno Ogwa dao. Eno nage godolo mu ebao. Eno homu nagede wiegi yai ebo dao,” te po wai.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Matyu 11:26

Awe, Aya, nago te tiwai yaibao homu elama, tama tede dwagi yai homu eyu, nago tama tiwai naga yai dao.” Jisasgo te po aga Ayabolo wali.