Dwagi Yai Gesi Po Jongo Asęani 12:24 - Godigo dwagi yai po buku

²⁴ Eno mu po dagebolo obao, te nai wit wai tǫba tulaluai, te pedama, kulubi holisiąyu da, te agaduba deli bidaibao, te tǫde daumua paibao. Tialima, aga pedama, kulubi pedaliyu da, te agai nai hauwa walaibao. Te ena me tiwai dao.

Dwagi Yai Gesi Po Jongo Asęani 12:24 Referans Kwoze

Godigo Nogi Ugwaba Sabo Tęąbi Po Wabo Buku Dabe 72:16

Te yuyu me wit hauwa te we bidi dabego gide pedalumainu yao, te Lebanonde pedalubo usu tiwai. Tama te we bidi dabe te taunde hauwa pedalumainu yao, te nosa hauwa te tigidali pedaide pedalubo tiwai emainao.

Godigo Nogi Ugwaba Sabo Tęąbi Po Wabo Buku Dabe 22:15

Eno dogoni te wa mu pali, tama eno hamena te pedauwalide agana sai. Naga digi ena tagalama, ama ena mu isainu ebao.

Polgo Po Pas Rom Dabeba Asęani 14:9

Magi baso meni. Krais me isama tama bidibo ula ma sali da, te aga te isali bidi dabe dali te bidibo ula elalubo bidi dabe dali augwaligo Genuai Bidi bidainogo tama tiai dao.

Jopgo Po Asęani Elalubo Buku 14:8

Tagala, aga page sele polobadu holai ma sasia pai me.

Aisaia 28:28

Agai te nai wit ge dabe sabo kolesaga agai mu koneani, te agai te nai dwasianu ge dabego bret nigabo. Te agai te hos dali, me te wilkar si agai te nai wit aga dilide sela sąwainu da, teda agai te hos kibu dali, te wilkar sigo te wit dolama, mia saidali weyu agai bugagia tonalubo dao.