Dwagi Yai Gesi Po Jongo Asęani 12:15 - Godigo dwagi yai po buku

¹⁵ “Te dage Jerusalem hanu tomode bidiyu te bulu du nogi Saion tede bidibo bage, dage wi egio. Suao. Dagego tuni bidi asobo, aga kibu donki waide dualasa asobao,” te po polobadu bukude tama po asęani.

Dwagi Yai Gesi Po Jongo Asęani 12:15 Referans Kwoze

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Aisaia 62:11

Nage Jerusalem, nago te tiwai koneao, Genuai Bidigo te tigidali tǫde we bidiba weyu, nageba te po pusumainogo yali, “Saion, suao. Te nago we bidi dabe ma sabo bidi, aga asobao. Suao. Te agai aga we bidi dabe odasa asu, te aga te boi hwįnama, te wiegi yai nai sali tiwai yali dao,” te po wao.

2 Samuel 16:2

Tama Devitgo agaba hanalu wali, “Magi baso nago te nai dabe sesaliwe?” Tialima, Sibago te tama po wei ponani, “Te e donki dabe te nago sibi dabego dugulasa bilabo donki dabe dao. Tama te bret, me te nedu du, te nago hanigo tumainu ebo nai da. Tama te wain wę da, augwa te kemi tǫ wa paide bilalu, tama augwa tigi te hagela ebaso tumainu yabo wę dao,” Sibago te po wali.

Maika 4:8

Taun Jerusalem, God nagede bidiyu, te naga we bidi dabe tonalubao, te kibu sipsip page bidigo te sipsip dabe tonalubo tiwai ebao. Tialima, nosali nage te polalubo taun pedaliyu, te hasia polasa tǫ kantri elaluali tiwai ma pedelaibao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Te Israel me Juda Hani Sigo Tuni Bidigo Po Elalubo Buku Deli 1:33

teda te kingo te tama po augwaliba wali, “Dagego te Solomon te eno donkiba duagulao po walama, tama dage dali, te ena tonalubo ami bidi dabe daligo, aga te wę Gihonba selasa piąo,” po wai.

Te Israel Tobolu Bidi Dabe 12:14

Agai ogwa dabe te bidi sese si te 40 elaluali, tama te ogwago wai dabe te 30 elaluai. Tama augwali te donki dabe te 70 donkide dualasa bilali. Apdon te Israel dabego tobolu bidi bidibadi, te kibu be 8 bidai dao.

Te Israel Tobolu Bidi Dabe 5:10

“Dage te tedela yai donki te sadelde duabo genuai bidi dabe, tama dage te sągągo bilibo olo bidi dabe, dagego te nai po page pusao.

Bomai Po 17:16

Te tuni bidi dolo siyu, tama agai ami bidigo hos kibu hauwa me selamo dao. Tama agai te bidi dabe te hos abelemainogo Isipba tagala palamuo. Magi baso meni, God Genuai Bidigo te po wai dao, ‘Eno we bidi te Isip buluba ma pelamuo,’ po wai dao.

2 Samuel 15:1

Tiali goli nosali, Apsalomgo te wiegi yai karis me deli me, te hos meba me selama, tama te aga meba me painogo ebo sogo, aga te karisde dualasa peyu, te polasa pabo bidi te bidi sese si olama, nogo si, te 50 bidi me salio.

Dwagi Yai Gesi Po Jongo Asęani 12:14

Tialima Jisas aga nagamea pai homu eyu, tama gasa kibu hos nogi donki, te donki wai selama, tama te donki wai tudide dualasa pai. Te yali sę te Godigo bukude wali po egilama, te po tama wai,