Dwagi Yai Gesi Po Jongo Asęani 11:55 - Godigo dwagi yai po buku

⁵⁵ Te Juda bagego bo disąwai nai bret tubo si te pąde dao, te si nogi Pasova. Tama tibaso, we bidi hauwa te haniani bulu bidi hani augwali Jerusalem te buluba hodali, augwa yali dwai sęgę hasia sela sąmainogo yai. Nosali te Pasova nai augwaligo tueibao.

Dwagi Yai Gesi Po Jongo Asęani 11:55 Referans Kwoze

Dwagi Yai Gesi Po Jongo Asęani 12:1

Te Sarere deli elalubadi, te Juda bagego bo disąwai nai bret tubo si, te sogo pedalaibao. Te olo bidibo sogo nogi Pasova dao. Te Pasova sogo pedalisiąbadi, tama Jisas te Betani be naniba pai, te Lasarus aga bulu dao. Te bidi Jisasgo gų pagede hodolali bidi dao.

Dwagi Yai Gesi Po Jongo Asęani 6:4

Tama bo disąwai nai bret tuabo sogo te pąde tama dao, te sogo nogi Pasova, te Juda bagego olo bidibo side wai.

Dwagi Yai Gesi Po Jongo Asęani 2:13

Te Juda bage augwaligo bo disąwai bret tuabo side te pąde tama o, te si nogi Pasova dao. Tama Jisas aga te Jerusalem moni be naniba pai.

Ma Dobola Sali 19:10

Tama Genuai Bidigo Mosesbolo te po wai, “Nago te we bidi augwalibolo te po wagi pelama, megi de do si te augwaligo homu kolesaga me dodolama, tama ugwa wę tedelama, tama augwaligo enaba lotu po wainogo sisilaluao.

Tigidali Nai Gagalama Nigali Side 35:2

Tialima, Jekopgo te aga we waibolo, me te augwali dali bidaluali we bidi tigidalibolo wai, “Dagego duga tibo god dabe tigidali te sela sąyao. Dage te wę bugagia paluama, tama meda meni yai ugwa naga muao,” wai.

Jems 4:8

Tama tiyu, dage God pąba mu peyu tibaso da, aga dage pąba mu aselama, bidaibao. Tama dage te dwai sę me sogo me sogo ebo bidi dabe, duga nogogo dwai sę ebo tagalama, dwagi yai sę naga yao, te bidigo nogo ąįde telabo tiwai te meda meniama dwagi yai tiwai yao. Dagego te Godigo po wabo odobo me te tǫde kolesaga ebo te homu si elalubo, te dwai homu ebo kolesaga dagego homude elalubo te sela sąyao, homu deli naga eyu bidao.

1 Korin 11:28

Te komunion tubo sogo te bidigo aga digi homu bugagia osalama tama usu yali homu eyu da, teda aga te bret me te kapde te ąį tuao.

Godigo Sęba Tagala Palai Bidigo Po 24:18

Tama ena te Moni Lotu Be tempel tomode te sę ebadi, augwaligo ena suali. Te God gedude dwagi yai bidabo lotu sę eno ela silama, augwaligo ena suali. Tama bidi dabe me badu sisinama, po dagą olo dali weyu, te ena dali hwįyu yabo bidi hani me sisinai menio.

Dwagi Yai Gesi Po Jongo Asęani 18:28

Te be tama posobadi, tama augwaligo Jisas ma selama, te bidi Kaiafas agai be tagalama, tama augwaligo Jisas te gavman tuni bidigo beba sela pai. Tama te beba sabolama, tama te Juda bage augwali digi te gavman tuni bidigo be tomoba pabeo. Te gavman bidi te Juda hani isąwai bidi bidibaso, te Juda dabe aga be tomoba pabeo. Te habu selali bolidali weyu, tama augwali te be bulu badu bidali. Augwaligo te homu yai, te habu selali bolisiąbadi, dago te Pasova nai tueibao, te homu yai.

Dwagi Yai Gesi Po Jongo Asęani 13:1

Te olo bidibo si nogi Pasova pedalisiąbadi, deli sogo naga elalubadi, tama Jisasgo koneai, aga e tǫ tagalama, Aya pageba pabo sogo te pąba yagasai. Tama Jisas agai aga te tǫde bidibo we bidi tigidali sogo godolo mu eyu bidai. Megi agai te godolo mu ebo sę tagalobeo. Agai augwali godolo mu ela pidubadi te aga isibo sogoba usu nai dao.

Dwagi Yai Gesi Po Jongo Asęani 5:1

Te nosali te Juda bagego olo bidiyu lotu po wabo si te pedalai. Tama tebo side Jisas Jerusalem hanuba holai.

Dwagi Yai Gesi Po Jongo Asęani 2:6

Te moni masigi sene a naga olama, me badu nogo deli badu munalubo. Tama te tobage sene deli deli augwaligo ąį hauwa pągąwaibao. Godigo augwalibolo dage usu da omainogo, te Juda dabe augwaligo nai tuainogo eyu, hasia bolo augwa nogo ąį polo telawai.

Dwagi Yai Gesi Po Makgo Asęani 14:1

Te sogo te Juda dabego olo bidiyu, te bo disąwai bret nai tuabo sogo nogi Pasova, te tuabo side te pedelabo bodolu si elaluali. Tama te genuai pris dabego me te bomai po page koneai bidi dabe augwaligo te po wai, “Mena tama tilama, te dago Jisas geme pageabi elama, tama aga ela muaibawe?”

Matyu 26:1

Te Jisasgo te po wali tigidali silama, tama te sogo agai aga wali pabo bidi dabebolo te po wali,

Godigo Nogi Ugwaba Sabo Tęąbi Po Wabo Buku Dabe 26:6

Genuai Bidi, eno nogo wę telayu, te eno dwai sę me yali menibaso, te nageba ola mayu tiali. Tama eno nago alta bagulubo sę eyu, tama eno nageba lotu po wabo dao.

Jopgo Po Asęani Elalubo Buku 1:5

Tama te wai pulubago nai ula tubo si ela silibo si da, teda augwali sisi elaluama, te Jopgo augwali i olama, aselama, te aga wai dabe Godigo gedude dwagi yai ma emainogo te ofa nai mayu yai. Aga kigamu hulide mu hodaluama, te nai sese bugagia mu demainu ebo dao. Te bidi agai te nai ofa aga wai dabe deli delide usu nama ulubo dao. Augwaligo te nai da tula silibo si, Jopgo tama sę naga ebo dao. Magi baso meni, agai te homugo tibo dao, agai wai dego dwai sę eyu, augwa homude Godibolo dwai po me waliwe weyu, tibo dao. Tama te kolesaga Jopgo hauwa sogo idu geai dao.

1 Samuel 16:5

Tama Samuelgo te po wali, “Ena te Genuai Bidiba naga ofa ilagasu asali. Dage te duga digi te God gedude wiegi yai bolo ilama da, tama nosali dage ena dali asama, te ofa yagasao,” wali. Tama aga te Jesiba pelama, tama te Jesi dali aga ogomani me te Genuai Bidi gedude dwagi yai ilama, tama augwaliba hanalu te ofa yaboba asao wai.

Israel Hanigo Namba 9:6

Tiali goli, bidi meba augwaligo te isai bidi tigi nogo tulama yaligo augwali Godigo gedude wiegi yai menio. Tama tibaso, augwaligo agai te bubuga mude nai ula tubo usu egobeo. Tama te nai tubo bubugade augwali Moses de Aron si pageba pelama,

Israel Hanigo Namba 9:10

e tama po walao wali, “Te dage dugago me, ma duga wąį wai bǫų dabego te bidi isai bidi dabe nogo polo toulama, tama te Pasova tubo sogo eno gedude meda yaibaso da, teda tagalao. Te polua deli silama, tama nosali dagego te Pasova bubuga kone palobo nai te sogo uliagameo. Tama me dage hani meba digibulu bulu bilibaso da, teda augwaligo me tubo nosali usu yaibao.

Matyu 26:2

“Dagego koneani, si sogo naga bidilama, tama te bo disąwai nai tubo si nogi Pasova te pedelaibao. Tama augwaligo te Godigo Bidi Mu te boi bidi dabego nogoba munama, tama augwaligo aga te ni pedaide walaibao,” wali.

Dwagi Yai Gesi Po Lukgo Asęani 22:1

Te olo bidibo sogo me pąba yagasaibao. Tama te sogo te Juda dabe augwaligo ‘Te polobadu mu Godigo dago wąį nǫų dabe mu ela soyu, elisąwani sogo da’ weyu, augwaligo te sogo bo disąwai nai bret tubo dao. Te olo bidibo sogo nogi Pasova dao.

Godigo Sęba Tagala Palai Bidigo Po 21:24

Naga dali te bidi me si me si nama bidi me nage hodobo te Moni Lotu Be tempel teba pao. Tama dagego te Juda dabego lotu po wabode te kolesaga ebode God gedude dwagi yai yaibao. Godibolo nai mabode nago te bidi me si me sibolo nago masigi mao. Tama augwa tobolu nisi poala sąyagameo, te augwaligo bomai po bodolu God dali sai tiwai. Nago te tibo si te Juda hanigo subo si, nage Juda dabego bomo yai po wali pobao waibao. Augwaligo nage te sę ebo sulama, augwaligo nage dago bomo yai po dabe bolobo menio koneaibao.

Godigo Sęba Tagala Palai Bidigo Po 21:26

Tama te po obaso, do kigamu Pol agai te bidi me si me si nama bidi oda selama, Moni Lotu Be tempelba pali. Tama augwaligo te Juda hanigo God gedude dwagi yai kolesaga ilabo lotu wali. Tama nosali augwali te Moni Lotu tempel Be tomoba pelama, tama Pol agai te lotu po wabo tobolu bidibolo te po walali, “Te Sabat deli silibo si, nosali da te Godigo gedude dwagi yai ilabo lotu silaibao. Silama, te da deli deligo te Godibolo ula mabo nai dabe magasaibao,” te po wai.