Dwagi Yai Gesi Po Jongo Asęani 11:28 - Godigo dwagi yai po buku

²⁸ Te we Martago te po olama, aga ama Maria i wagi pai. Te po dua digi wai, “Po ola mabo bidi aselama, bidibao, agai nage i wai dao,” te po wai.

Dwagi Yai Gesi Po Jongo Asęani 11:28 Referans Kwoze

Dwagi Yai Gesi Po Jongo Asęani 13:13

Dagego enabolo po ola mabo bidi da weyu, tama Genuai Bidi dao wabo dao. Ao, dagego te po mu po dao. Ena te bidi tama dao.

Dwagi Yai Gesi Po Jongo Asęani 11:20

Tama Martago Jisas asobo po odai, tama agai te be nani tagalama, tama Jisas tiąba pai. Tialima, Maria aga te be tomode bidai.

Dwagi Yai Gesi Po Makgo Asęani 10:49

Tama Jisas dolagaselama, tama te po wai, “Te aga i olama asomainao.” Tama augwaligo te gedu widai bidi i olama, tama augwaligo agabolo te po wai, “Nago haliga bomo emainao. Nage hodaluao. Agai nage i obao.”

Dwagi Yai Gesi Po Jongo Asęani 21:7

Te bidi me Jisas agai godolo ebo bidi, agai Pitabolo te po wai, “Te aga dago Genuai Bidi dao,” te po wai. Tama Saimon Pita aga ugwa dabe pebeda munama, te sę yai. Tama agai te po odai, “Te bidi aga dago Genuai Bidi dao” wabo, te po odobaso, Pita aga ugwa bea selama, tama aga te ąįba samonai.

Dwagi Yai Gesi Po Jongo Asęani 20:16

Jisasgo agabolo te po wai, “Mariao.” Tama Maria aga ma begelama, Jisas dali agai Hibru pogo weyu, “Rabonai,” te po wai. Te po page e tama wai, “Po ola mabo bidio,” te po wai.

Dwagi Yai Gesi Po Jongo Asęani 10:3

“Te sipsip tonalubo bidi asobaso, te sipsip tomogai tų tonalubo bidi agai te tų dalama, tama te sipsip tonalubo bidi tomoba pelama, tama agai aga kibu sipsip nogi deli deli i wabo dao. Sipsip dabe i olama, tama aga polasa pobaso, tama te sipsip dabe augwali aga wali buluba soabo dao, te tubo noswai gegemainogo tebo dao.

Dwagi Yai Gesi Po Jongo Asęani 1:45

Filip pelama, Natanielbolo te po wagi pai, “Te bidi polobadu Mosesgo te bomo yai po bukude asęani po dali, tama Godigo polobadu po ola mani profet bidi dabe me, augwaligo te bidi dali po asęai, te bidi dago suai. Te bidi Jisas aga Nasaret bulu bidi Josepgo ogwa dao,” Filip agai te po wai.

Dwagi Yai Gesi Po Jongo Asęani 1:41

Tama polo agai aga ama Saimon gegegi pai, tama agabolo te po wali, “Dago te Mesaia bidi suali,” Andrugo aga ama Saimonbolo te po wai. (Dago te nogi Mesaia wali begelama, tama te nogi poai Krais dao, Godigo sa muyu asaiba wali bidi dao.)

Dwagi Yai Gesi Po Lukgo Asęani 22:11

Dage sigo te be page bidibolo wao, ‘Po ola mabo bidigo nagebolo te po walio, “Nago be tomode te ena dali, eno bidi dabe dali, dago te Pasova nai tuabo be habu menadewe?” ’

Dwagi Yai Gesi Po Makgo Asęani 14:14

Aga te be me deli tomoba pabo si da, teda dage sigo te be page bidi agabolo te tiwai po waiyąo, ‘Te Tisa, po ola mabo bidi, agai te po wali, “Te eno ena wali pabo bidi dabe dali te Pasova nai tuabo madi te be habu nigilali te menade elalubowe?” te po wao.

Matyu 26:18

Tama agai te po wai, “Dage te moni hanu tomoba pelama, tama dage te bidi me deli bidibo digi pelama, agabolo te po wao, ‘Te po ola mabo bidi agai te po walio, “Eno bodolu mani sogo te pąba yagasalio. Nago bede te eno nai Pasova te ena wali pabo bidi dabe dali tuaiba,” te po walio.’ Te be page bidibolo te po wao,” Jisasgo te po wai.

Sekaraia 3:10

Tama te bubuga pedalobaso da, teda dage deli deli duga abagi dabe i olama, dage dali bidagasomainu yagameo. Tama dage duga wain gi dabede dulaluyu, me duga fik ni dologode dulaluyu yagameo. Tama dage tigidali homu nagame elama, tama bugagia mu bidiagameo,’ Genuai Bidigo te po wali,” ensel bidigo enabolo te Genuai Bidigo po tama pusali.

Hibru 12:12

Godigo te dago ebo kolesaga dodolobo sę tama yaligo da, teda dagego agai po wali pabo kolesagade dage te bomo kimi isali bidi tiwai eyu biligimio. Te meni. Te dagego nogo te olo walalubo tiwai elalubo, te tagalao, dagego bomo ma sao. Tama te sągą kidu isai tiwai ebaso da, tagalama, te duga bomo elama dolaluao. Dage Godigo po wali pobadi, te dolo wiegi yai kolesaga naga yao, te bilibo bidi agai te dwagi yai dolo tųdu naga pabo tiwai yao. Te dage tomode bidibo bidi me deli aga Godigo po wali pabode bomo meniama tama aga tulaluidali weyu, dagego aga tau somainogo eyu, te dolo wiegi yai kolesaga naga eyu bidao.

1 Tesalonaika 5:11

Tama tibaso, duga hasi te pogo duga abagi dabe augwali homu kolesaga dąų waliyu, tau siyu, te po augwalibolo ola mao, tama megi dagego te ebo sę tiwai tama naga yao.

Dwagi Yai Gesi Po Jongo Asęani 11:29

Tama te Juda dabe Maria dali be tomode bidai. Augwaligo Mariabolo mumanobo po weyu bidai. Mariago te Martago pusali po odolama, aga polo hodaluama, Jisas bidibo digi pabo gagalai. Jisas te be nani Betani sabalisiąbadi, aga Martago hasia tiąba aselama, suali madigi me bidai. Tama te Juda bage augwaligo Maria polo hodaluama, buluba pabo suyu, tama augwaligo te homu yai, ‘Aga gų pageba gela wainogo pabo,’ te homu yai. Tama augwali aga wali pai.