Dwagi Yai Gesi Po Jongo Asęani 11:11 - Godigo dwagi yai po buku

¹¹ Jisasgo te po ma wadolama, te po wai, “Dago abagi Lasarus godege pibao. Tialima, eno aga hodoligi paibao,” Jisasgo te po aga wali pabo bidi dabe dali wai.

Dwagi Yai Gesi Po Jongo Asęani 11:11 Referans Kwoze

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Dwagi Yai Gesi Po Jongo Asęani 11:13

Jisasgo wali po “Lasarus godege pibao,” te po page aga isai dao wali. Tialima, geda muyu, augwaligo homugo aga olo godege piali, te homu yai.

1 Korin 15:51

Dagego odiąo. Eno geme dualali po me deli dagebolo pusubao: te da tigidali me isigobeo. Tiali goli Godigo da tigidaligo tigi te hasegelama te gasagi yai tigi me pedalaibao,

Godigo Sęba Tagala Palai Bidigo Po 7:60

Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.

Matyu 27:52

Tama gų page palialuali tų dala pelama, tama Godigo we bidi hauwa, polobadu augwali isali, megi augwali tigi elalubadi tama ma hodalualio.

Efesus 5:14

Tama tialigo da, te po me elalubao: “Nage pila mubo bidi, hodaloao, tama nage te gų pagede ma hodaloama, tama Krais agai wiegi yai ula nage mawaibao.”

Dwagi Yai Gesi Po Makgo Asęani 5:39

Tama aga te be tomoba pelama, tama augwalibolo te po wali, “Magi baso dagego te genuai po kulukulu weyu, te gela weyu ebawe? Te wai te aga mu isibeo. Aga te godege naga piali dao,” agai te po wai.

Matyu 9:24

Tama te sulama, Jisasgo augwalibolo te po wai, “Dage we bidi tigidali buluba piąo. Te wegi isibe dao, aga olo pila mubao.” Tama Jisasgo te po obaso, te bede bidali we bidi aga dwai gisugu mawai.

Ma Dobola Sali 33:11

Tama Genuai Bidigo Moses dali po miani, te bidigo aga abagi dali po mibo tiwai gilama yai. Augwa si te po ola silama, tama Moses aga te bidibo pesageba ma asiyu yai. Tiali goli, Mosesgo sę ebo ogwa bidi, te Josua, te Nungo ogwa, aga te tomode me bididuai. Agai te Sisinibo Ugwa Be munu me taga pisąwai dao.

Jems 2:23

Tama tiyu, Abraham agai tama tiai, tama nosali Mosesgo te Godigo po meba te bukude agai asęai, “Abraham agai te Godigo pode konealubo po dąų wai. Tama tibaso, Abraham aga te Godigo gedude wiegi yai doloba pai bidi mu pedalai,” Mosesgo tama po asęai. Tama me, te Godigo Abrahamde dali te po wai, “Aga eno abagi dao.”

1 Korin 15:34

Dagego te wabo pabo kolesaga tagalama tama dolo homu kolesaga yao. Dagego dwai sę ebo tagaliąo. Dagego odao. Dage tomode meba augwaligo te Godigo te isai we bidi ma hodalugobe po wabo bage, augwaligo God kuna konebeo. Te dage hale ilainogo eyu eno te po dagebolo obao.

1 Korin 15:18

Tama me elalubao, te Kraisde konealubo po dąų olama isali we bidi dabe, augwali me hagawai dao.

Dwagi Yai Gesi Po Jongo Asęani 11:3

Tama tibaso, aga abe sigo Jisas bidibo digi po ola tolai. Augwali sigo te po wai, “Genuai Bidi, nago godolo mu yali bidi aga gasi salio,” te po wai.

Dwagi Yai Gesi Po Jongo Asęani 3:29

Tama tibaso, bidi me deligo we sobaso da, te we te bidigo sali we dao. Tama te bidi aga abagi dolaluyu, aga abagigo po odobao. Tama we sali bidigo po wabode, tama aga abagi megi tama dwagi yai homu ebo dao. Tama te tiwai, Jisas aga sę megi e baso, tama ena dwagi yai homu mu ebao.

Aisaia 41:8

“Tialima, dage Israel, dage te Jekopgo hani da, eno dage sa muyu, dąį ilama, te dage eno sę bidi bidibao. Dage te bulai wai eno abagi Abrahamgo hani dao.

Tuni Bidi Dabego Po Elalubo Buku Si 20:7

Dago God, nago koneani, da Israel dabe naga abagi Abrahamgo hani wąįgo wai puluba dao. Tama da naga we bidi mu dao. Nago e tǫde polobadu bidali we bidi nago sela sąwai dao, tama nago e tǫ te dago wąį dabebolo mawai dao. Te dago tǫ tigidali sogo elalua pomainogo tiai dao.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

Te Israel me Juda Hani Sigo Tuni Bidigo Po Elalubo Buku Si 4:31

Te Gehasi polasa pelama, tama te Elisago tolasa bilibo dono te wai gesabidi badu mugi pali, tiali goli magi nai me deli pedalobeo, mu menio. Tama tibaso, Gehasi ma begasa pali. Tama agai te augwali tųde sisinani sogo, agai te Elisabolo e tiwai po tama wai, “Eno te nago te po wali gilama yali, tiali goli te wai hodalobeo,” wali.

Dwagi Yai Gesi Po Jongo Asęani 11:10

Tiali ma, bidi hulide bilibo bidi, aga tulamubo dao. Magi basowe? Ula menio, te aga te pabo tų hulia sai elalubo,” Jisasgo te po wai.

Dwagi Yai Gesi Po Jongo Asęani 11:12

Augwaligo te po wai, “Genuai Bidi, aga piyu da, te aga usu ma yaibao.”