Dwagi Yai Gesi Po Jongo Asęani 11:10 - Godigo dwagi yai po buku

¹⁰ Tiali ma, bidi hulide bilibo bidi, aga tulamubo dao. Magi basowe? Ula menio, te aga te pabo tų hulia sai elalubo,” Jisasgo te po wai.

Dwagi Yai Gesi Po Jongo Asęani 11:10 Referans Kwoze

Jeremaia 13:16

Dagego Godiba genuai nogi mao, duga Genuai Bidi dao. Tiyu, agai dagego bulu be huli elama, te duga bulu duba bilibo sogo, te dage tula muna muna paibao. Te giliga dageba nanomainao homu godolo ebadi, tialima, Genuai Bidigo te be posali ula hasegelama, te dwai be hulia sai pedelaibao.

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.

Kolesaga Koneai Bidigo Pusali Po Elalubo Buku 2:14

Te homu kolesaga mu konea pai bidi dabego te augwa wali pabo sunumi bugagia sueibao, tiali goli te wabo pabo homu kolesaga tiwai ebo bidi dabe te hulide bilibo tiwai yaibao. Te mu da wali, tiali goli eno gasa nai me koneanio. E tiwai da. Te homu kolesaga konea pai bidi silagasobo gilama tiwai, te wabo pabo homu kolesaga ebo bidi me te tiwai gilama silagasu ebo dao.

Godigo Nogi Ugwaba Sabo Tęąbi Po Wabo Buku Dabe 27:2

Te dwai sę ebo bidi dabe ena pąba aselama, tama dolainu usu sobaso da, te bidi dabe augwa digi sągą tǫ dedageba tuloliyu, habala paliyu, augwa digi augwa ma dolaibao.

Matyu 13:21

Tiali goli aga da te sele meni yai nai tiwai dao. Tama tibaso, aga homu daide naga te odali po te dwasianu sogo naga elaluaibao. Tama nosali bidi mebago te Godigo po aiyaba elaluabo homu eyu da, teda te bidibolo augwaligo sęgę menama, tama dwai kolesaga agabolo eyu, tama agai konealubo po dąų wali te polo tagalama, tama tulalubo dao.

Dwagi Yai Gesi Po Jongo Asęani 11:9

Jisasgo te Godigo bodolu mani sogo naga te aga isaibao po augwalibolo ola momainogo agai po nogo habu sugunama te po wali, “Te giliga nanobadi yaide, te ula elalubao. Tama siade bilibo bidi tulamubo menio. Magi basowe? Te ulade dao, agai aga pabo tų bugagia suagameo.

Dwagi Yai Gesi Po Jongo Asęani 11:11

Jisasgo te po ma wadolama, te po wai, “Dago abagi Lasarus godege pibao. Tialima, eno aga hodoligi paibao,” Jisasgo te po aga wali pabo bidi dabe dali wai.