Dwagi Yai Gesi Po Jongo Asęani 10:6 - Godigo dwagi yai po buku

⁶ Jisasgo te po begelama, augwali dali wai. Tialima, augwaligo Jisasgo te wali po page augwaligo konebeo.

Dwagi Yai Gesi Po Jongo Asęani 10:6 Referans Kwoze

Aisaia 56:11

Augwali te nai hauwa tuabo homu ebo yowi tiwai bidali, te dwasianu pągąsiąbo ąǫ yai. Augwali te sipsip tonalubo bidigo aga sę ebo konesiąbo tiwai yali. Deli deligo te augwa homu wali pelama, te aga tau sabo nai naga homu koneai dao.

Bugagia Bidibo Kolesagade Po Asęai Buku 28:5

Te dwai kolesaga ebo bidi dabego, te doloba pai kolesaga te magi nai da te homu elama, te augwaligo konesiąyu ebao. Tiali goli, te Genuai Bidi wali pabo homu ebo bidi dabego da, augwaligo te doloba pai kolesaga page mu konebo dao.

Godigo Nogi Ugwaba Sabo Tęąbi Po Wabo Buku Dabe 82:5

“Dagego kolesaga me konebeo, tama dage kolesaga me konesiąyu, tama umuna pai mu dao. Dage te hulide biliyu, tama te we bidi dabego doloba pai kolesaga wali me pabeo.

Dwagi Yai Gesi Po Jongo Asęani 16:25

Te Jisasgo te po wai, “Te eno te po begelama, dage dali wai dao. Nosali eno po begelama, dage dali ma wagobeo. Te meni. Eno po hanilama, Ayade po dage dali waibao.

Matyu 13:51

Te Jisasgo augwalibolo hanalu wali, “Te eno megi pusali po page tigidali dagego koneaniwe?” Tama augwaligo agabolo te po wai, “Awe.”

Daniel 12:10

“Te sęgę dabe pedelali te hauwa we bidi dąų waliyu, te doloba pai kolesaga emainu yai, tama augwa te magi meda meni yai wiegi yai mu te God geduba pedalumainu yaibao. Tama te wiegi yai homu kolesaga koneai elaluali we bidi, te augwaligo naga te sę dabe page koneaibao. Tiali goli, te dwai we bidi dabego te sę page koneainu ebaso, usu me egobeo, tama te augwaligo dwai kolesaga hauwa mu ebo sę yaibao,” wali.

Godigo Nogi Ugwaba Sabo Tęąbi Po Wabo Buku Dabe 106:7

Te Isipde te wąį nǫų dabego te nago yali genuai sę dabe te bugagia me konesiąwai. Nago augwali hauwa sogo tau sali, te nago augwali wei mu ebo homu te augwaligo koneai. Tiali goli, augwa te homu tagalu, tama augwali te nosa elaluali tamu ąįba sabolali sogo, augwa te nage Tigidali Bomo Elalubo Godiba hagoma yai dao.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.

1 Korin 2:14

Tiali goli te Tedali Mobo Bidi elalusiąbo bidi da, agai te Godigo Mobogo olo mabo nai dabe sogobeo, aga usu egobeo. Magi baso meni, agai homugo te page meni yai nai dao, tama agai te naide te page bugagia konegobeo. Te naide po dago te Tedali Mobo Bidide naga sali, tama te Tedali Mobo Bidi meni yani bidi da, agai te po page me dagalogobeo.

Dwagi Yai Gesi Po Jongo Asęani 8:43

Magi baso dagego eno po homugo bugagia konebewe? Te page tama dao. Dagego bomo elama, dagego eno po sabo homu ebo menio.

Dwagi Yai Gesi Po Jongo Asęani 8:27

Augwaligo Jisasgo aga Ayade po wabo te augwaligo me konebeo.

Dwagi Yai Gesi Po Jongo Asęani 7:36

Agai dabolo te po wai, ‘Dagego ena gegebo sę yaibao, tiali digi dagego ena sugobeo.’ Agai te po me wai, ‘Dage ena bidabo buluba me pogobeo.’ Jisasgo te wali po page mena tamawe?” te Juda dabe tobolu bidi dabe augwa hasi te po wai.

Dwagi Yai Gesi Po Jongo Asęani 6:60

Te bidi Jisas agai te bret dagaludu dulali po olama, tama aga wali pabo we bidi hauwa augwaligo te po odolama, augwa hasi tomode te po wai, “Te pogo dabolo sęgę mabo, dago te po magi elama, wali pogowe? Mena bidigo te po odolama, wali pabo usu egowe?” augwaligo te po wali.

Dwagi Yai Gesi Po Jongo Asęani 6:52

Te Jisasgo te wali pode te Juda bage augwa hasi bomo elama, konila yali. Augwali me badugo te po hanalu wali, “Mena tama tibaso, te bidi aga tigi da menama, tama dago tueibawe? Te sę ebo usu egobeo,” Juda bage augwaligo te po wai.

Matyu 13:34

Te ola mabo po tigidali tama odubadi, Jisasgo te we bidi augwalibolo te po digi po begelama naga wai. Agai te po me deli haninama augwalibolo me pusubeo. Menio. Agai po digi po begelama naga augwalibolo te po wai dao,

Dwagi Yai Gesi Po Makgo Asęani 4:34

Agai te po te we bidi augwalibolo hanilama me pusubeo. Menio. Agai te po begelama naga pusali. Tama aga te wali pabo bidi dabe naga aga dali bidibadi, agai te po page tigidali hanilama augwali dali pusuyu yai dao.

Dwagi Yai Gesi Po Jongo Asęani 16:29

Jisas aga wali pabo bidi augwaligo te po wai, “E, megi nago po te begelama po wabeo, tama nago po hania obao.

2 Pita 2:22

Tama augwaligo ebo kolesaga te dago wąįgo polobadu wali mu po tiwai dao, “Te yowi ma geasa pelama, aga bugali bogu ma tugi pai.” Tama gasa po me weyu te po wai, “Te kibu aga wę pauwai digi, tiali goli te kibu aga pelama te tǫ pu yai digi pebege ma piligi pabo dao.”