Dwagi Yai Gesi Po Jongo Asęani 10:34 - Godigo dwagi yai po buku

³⁴ Jisasgo te po augwali dali wai, “Dagego bomo yai po asęani bukude te God agai wali po me deli elalubao, e dao, ‘Eno te po wai, “Dage da God dabe dao,” ’ te bukude te asęani po elalubao.

Dwagi Yai Gesi Po Jongo Asęani 10:34 Referans Kwoze

Ma Dobola Sali 7:1

Tama tialima, Genuai Bidigo Moses dali te po wali, “Odao, eno nage te God tiwai te tuni bidigo gedude nigiliyu, tama nago ama Aron, te nagede po sabo bidi tiwai nigilama, tama nago po agai te tuni bidibolo waibao.

Godigo Nogi Ugwaba Sabo Tęąbi Po Wabo Buku Dabe 82:1

God te dagalude genuai kaunsel miting po mibo polalubo bidi bidibao. Te tobolu bidi dabe sisinama, tama God agai homude elalubo po pusubo dao.

Ma Dobola Sali 4:16

Aga te nago pedauwalide po selama, te nago po te we bidibolo mawaibao. Tama agai gedude te nage te God tiwai bidiyu, te nago wabo po agai te we bidibolo pusaibao.

Godigo Nogi Ugwaba Sabo Tęąbi Po Wabo Buku Dabe 138:1

Genuai Bidi, te eno haliga tigidali mugo nageba usu da obao. Te tigidali tibo godigo gedude te eno nago nogi ugwaba sabo tęąbi po obao.

Ma Dobola Sali 22:28

“Tama dagego dwai po God enabolo me wasiąma, tama dagego te dwai po te we bidi augwaligo tobolu bidibolo dagego te Godigo aga dolomainogo, te dwai po me wagio.”

Dwagi Yai Gesi Po Jongo Asęani 8:17

Dagego bomo yai po me deli e tama telaluboo, bidi sigo gasa bidide wali po deli po tiwai naga weyu da, te po mu po dao.

Dwagi Yai Gesi Po Jongo Asęani 15:25

Tama polobadu God agai po obaso, te bidi mego te po bukude asęani, augwaligo bomo yai po bukude. Tama augwaligo megi ebo boi bidi homu ebo sęde, augwaligo te po wali peyu, te po usu nuyu nai gilama walobao. Te polobadu asęani po e dao, ‘Augwaligo olo dali ena dali boi bidi yabo homu yai dao,’ te po wali,” Jisasgo te po wai.

Dwagi Yai Gesi Po Jongo Asęani 12:34

Te we bidi augwaligo Jisasbolo po wei ponoyu, te po wai, “Dago bomo yai pode tama po elalubo dao, Godigo sa muyu, asaiba wali bidi Krais aga bidada peyu, bidada paibao, te po wai. Tama tibaso, magi baso nago te po obawe, augwaligo te Godigo Bidi Mu ugwaba sao, po wai. Te Godigo Bidi Mu wali te de dawe?” augwaligo te po wai.

1 Korin 14:21

Te Godigo bomai pode augwaligo te tiwai po polobadu asęai dao, te gasa konesiąbo pogo wabo kolesagade, “Genuai Bidigo te po wai, ‘Te gasa po wabo bidigo pedauwalide, tama te gasa bidi hanigo pedauwalide te eno po e we bidi hanibolo mawaibao. Tiali goli tebogo me usu egobeo, te augwaligo eno po wali me pogobeo,’ agai te po wai.”

Dwagi Yai Gesi Po Jongo Asęani 10:35

Tama dago koneai, Godigo te bukude asęani po te mu po tigidali sogo mu po dao. Tama te po tomode God agai te gasa we bidi tonalubo we bidi augwali god dabe dao wai. Te we bidibolo God agai po mawai dao.