Dwagi Yai Gesi Po Jongo Asęani 10:22 - Godigo dwagi yai po buku

²² Te kedau side, Jerusalem moni hanude te Juda bagego olo bidibo si pedalali. Te olo bidibo si page e dao. Polobadu boi bidi mego te habu selali bolama, tama te Moni Lotu Be tempel dwai meda ilai, habu selali nai te be tomoba mugi pali. Tama nosali te Juda dabe augwaligo te be ma dwagi yai ilama, tų ma dawai. Nosali tigidali kibu bede te sogo ma konemainogo eyu, te side augwaligo olo bidibo sogo dao wai.

Dwagi Yai Gesi Po Jongo Asęani 10:22 Referans Kwoze

Dwagi Yai Gesi Po Jongo Asęani 10:21

Meba bidigo te po wai, “Te bidi Jisasde dwai haubo noma bidi bidigi sogo da, teda agai te tobage po wagi menigi da. Dwai noma bidigo gedu widai bidi gedu pedalaibawe?” Juda bage mebago Jisasde te po wai.

Dwagi Yai Gesi Po Jongo Asęani 10:23

Tama te olo bidibo side Jisas aga te Moni Lotu Be tempel moni mabode bilali. Tama te be mabo te polobadu genuai nogi yali bidi Solomon agai nigali be mabo dao.

Te Israel me Juda Hani Sigo Tuni Bidigo Po Elalubo Buku Deli 8:63

Solomongo te bidi sese umabo te 22,000 bulmakau omai, me te bidi sese umabo te 120,000 sipsip dali meme dali sela aselama, tama te God dali deli homu pedalubo ofa yali. Te kolesagade, te king dali, te tigidali Israelgo me te tempel be te Genuai Bidigo be mu da weyu, te sa muyu, te tama sę pedelali.

Tuni Bidi Dabego Po Elalubo Buku Si 7:5

King Solomongo te omai kau kibu te 22,000 sesiyu, me 120,000 sipsip kibu sesiyu elama ofa yali. King aga we bidi dabe dali augwaligo te ofa yali te be te Godigo be dolo mu dao olama sa muyu, te ofa yali.

Esra 6:16

Tama tialima, te pris dabe me, te Livai dabe me, tama gasa Israel we bidi tigidali te Juda tǫba ma asalio, tigidali te wiegi yai homu pemene elama, tama te be te Godigo be da olama, te tedali gasagi yai be sa muai dao.

Dwagi Yai Gesi Po Makgo Asęani 3:22

Te Juda dabego bomai po page koneani bidi dabe augwali te Jerusalemde bidaluali tama meba edaba dulama, tama augwaligo Jisasde te po wai, “Te dwai haubo noma bidi dabego tobolu bidi nogi Belsebul, tego Jisasde dagana siyu bididubao. Tama te Belsebulgo agabolo mani bomogo Jisasgo te dwai haubo noma bidi dabe sela sąbo dao,” augwaligo te po wai.