Dwagi Yai Gesi Po Jongo Asęani 1:26 - Godigo dwagi yai po buku

²⁶ Tama Jongo augwalibolo po wei ponoyu, te po wai, “Eno augwali olo ąįgo naga te baptais mabo dao. Tialima, dage tomode bidi me deli te dolalubao. Tama dagego te bidi konebeo.

Dwagi Yai Gesi Po Jongo Asęani 1:26 Referans Kwoze

Dwagi Yai Gesi Po Lukgo Asęani 3:16

Tama tibaso, Jongo augwali tigidalibolo te po wali, “Eno dage da ąįgo naga baptais mobao. Tiali goli ena ela holai bidi deli nosali asobao. Eno agai sągą nadoba pedabo me usu me egobe. Tama te bidi agai te Godigo Tedali Mobo Bidi dage me badubolo mawaibao, te baptais mabo tiwai. Agai dage me badubolo sia mawaibao, te baptais mabo tiwai.

Dwagi Yai Gesi Po Makgo Asęani 1:8

Eno dage węgo naga baptais mani dao. Tiali goli agai dagebolo Godigo Tedali Mobo Bidi dobawaibao, dage dali bidimainu tama tiaibao,” Jongo te we bidi dabebolo te po wai.

Matyu 3:11

“Te eno dage olo ąįgo baptais mabo te dage homu begelai elalubo te dąį tiwai dao. Tiali goli ena tudi badu nosali asobo bidi, te agai bomogo eno bomo aiyaba elaluaibao. Ena da, te wiegi yai bidi meni, tama tiyu eno agai sągą nadoba tolabo te usu egobeo. Agai dage te Godigo Tedali Mobo Bidi me te sia dali si dagebolo mawaibao, te baptais mabo sę tiwai.

Dwagi Yai Gesi Po Jongo Asęani 8:19

Tama tialima, augwaligo Jisasbolo te po wai, “Nago aya mena bidibowe?” Jisasgo te po wei ponoyu, te po wai, “Dagego ena page kuna konebeo. Tama dagego eno Aya me dagego konebeo. Dagego ena konegi sogo da, teda dagego eno Aya me konegi da,” Jisasgo te po wai.

1 Jon 3:1

Te goba! Ayago da dali dwagi yai homu eyu godolo mu yali kolesaga te moni genuai mu pedalali. Suao. Godigo aga digi da te agai wai dabe dao wai. Mu tama, da Godigo wai dabe dao. Tama da Godigo wai dabe tama bidiyu, tama tǫde bidi dabe augwaligo God konesiąbaso, tama augwaligo da me konebeo.

Godigo Sęba Tagala Palai Bidigo Po 11:16

Tama eno tama homu yali, polobadu Genuai Bidigo dabolo te po wai, ‘Jon agai te we bidi ąįgo baptais mobao. Tialima, nosali Godigo agai Dwagi Yai Mobo Bidi dagebolo mawaibao,’ wali.

Dwagi Yai Gesi Po Jongo Asęani 17:25

Aya, nage doloba pai bidi mu dao. Tama tǫde we bidi augwaligo nage konebeo. Tiali goli, eno da nage koneai dao. Tama e bidi dabe augwaligo konebao, te nago ena tagala palama, ena asai dao.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Dwagi Yai Gesi Po Jongo Asęani 16:3

Tama augwaligo Aya konesiąyu, tama augwaligo ena me konesiąyu ebaso, te sę dage dali yaibao.

Matyu 3:6

Tama augwaligo augwa yali sęgę dabe pusuyu, tama Jongo augwali te Jordan ąįde baptais mani.

Godigo Sęba Tagala Palai Bidigo Po 19:4

Tama Pol agai te po wali, “Te polobadu te we bidi augwa dwai sę me, dwai kolesaga me tagalama, tudiba menama, homu begelama, te Jon agai te we bidibolo baptais mani. Tama tilama, agai augwalibolo te po wai, ‘Te ena nosali asobo bidi, te bidi dagego homugo mu koneao,’ wali. Tama eno dagebolo te po obao, te bidi da te Jisas da,” Pol agai te po wai.