Dwagi Yai Gesi Po Jongo Asęani 1:18 - Godigo dwagi yai po buku

¹⁸ Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

Dwagi Yai Gesi Po Jongo Asęani 1:18 Referans Kwoze

Kolosi 1:15

God aga te dago susiąbo bidi goli, Krais te God tiwai mu bidiyu tama bidigo gedugo suali bidi bidai. Aga Godigo hasia ogwa dao, te tigidali nigali naigo nogi agai nogigo aiyaba elalubo dao.

Dwagi Yai Gesi Po Jongo Asęani 6:46

Tiali goli, bidi me deligo Aya me gedugo subeo. Te bidi God dali bidilama, asali, te bidigo naga Aya gedugo suai dao.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Dwagi Yai Gesi Po Lukgo Asęani 10:22

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deli agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

1 Jon 4:12

Bidi me deligo God munu me subeo. Dago dena hasi dwagi yai homu dago abagi dali eyu da, God aga da dali bidibo dao, tama aga dwagi yai homu eyu godolo ebo kolesaga te da tomode sese wiegi yai mu pedalai dao.

2 Timoti 6:16

Agaduba deli naga te munu me isisąbo ula page elalubo bidi dao. Aga te genuai nanobo ula tomode mu bidibo, tama da aga pąba pabo te usu me egobeo. Te bidi me deligo aga munu me sube, tama aga me subo usu egobeo. Genuai nogi mu me, bomo me te agade sesemane sogo bidada peyu, bidada paibao. Mu dao.

1 Jon 4:9

God agai Ogwa deli digi mu, tama agai te Ogwa e tǫba tagala palai, tama agai da aga yali sęde te bidibo ula somainogo tiwai. Tebogo da ola mani, God agai da dali dwagi yai homu eyu, da godolo ebo dao.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

Dwagi Yai Gesi Po Jongo Asęani 17:26

Tama nago nogi eno augwalibolo haninai dao. Tama tiyu, te sę nosali me eno mu ela paibao. Magi basowe? Te nago ena godolo mu ebo homu tiwai augwa hasi te godolo mu ebo homu emainogo eno nago nogi augwalibolo haninai dao. Tama ena me augwali dali bidimainogo, eno nago nogi augwalibolo hanilaibao,” Jisasgo te po Godigo aga bidi dabe tau somainogo wai.

Dwagi Yai Gesi Po Jongo Asęani 17:6

“Tǫde bidibo we bidi meba nago sa muyu, tama nago augwali dią sali. Tama nago augwali dią selama, tama nago augwali enabolo mani. Te augwali nago bidi te elaluama, tama nago enabolo mani. Tama augwalibolo eno nago nogi haninai dao. Tama augwaligo nago po bugagia wali pai dao.

Dwagi Yai Gesi Po Jongo Asęani 14:9

Jisasgo Filip dali te po wai, “Bobobage sogo ena dage dali bidali digi, tama nago ena gisiga konebewe? Bidigo ena suali da, te bidi agai Aya God me sualio. Magi baso nago ‘God dabolo ola ma,’ po waliwe?” Jisasgo te po wai.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Bomai Po 4:12

Tama Genuai Bidi te iside bidiyu, dage dali po wabo dagego odai dao, te agai digi po wabo. Tiali goli, te God e tiwai nai me deli da weyu, te agai tigi te dagego me subeo. Mu menio.

Israel Hanigo Namba 12:8

Tialima, eno aga dali po wabo te bidigo aga abagi dali po wabo tiwai wabo dao. Tama eno po agabolo hanilama mu wabo dao, eno po begelama, po digi pogo me wabo menio. Te me agai ena dwasianu suai dao. Tama dage sigo magi baso mu Moses dali dwai po wabo wi ebewe? Te eno sę bidi dali.” Te po wai.

Dwagi Yai Gesi Po Jongo Asęani 12:41

Aisaiago Jisasgo nosali sabo moni bomo suyu, agai moni nogi po odoyu yai dao. Tama tibaso Aisaiago agade te po asęani.

2 Timoti 1:17

Tama tibaso, eno agai ena dali yali sęde homugo kone paluyu, tama aga genuai nogi me aga wiegi yai ula yai bomo me te si ugwaba muyu, tama eno e po obao: “Aga te Tuni Bidi tigidali sogo bidibao. Aga me isibo meni, gamonaibao. Tama bidigo aga me subo menio. Agaduba deli naga te God mu dao. Genuai nogi me bomo me te agade sesemane sogo mu bidada peyu, bidada pomainao. Mu dao,” eno te po obao.

Ma Dobola Sali 23:21

Tama dua dao, dagego agai po bugagia odolama wali pao. Dagego agai po sela sągio, magi basowe, ena digi ena aga dali mu bidiyu, tama agai te po sela sąbo we bidigo dwai kolesaga te sela sągobeo.

Tigidali Nai Gagalama Nigali Side 16:13

Hagargo te homu yai, ‘Sesemane sogo Godigo ena sudu geyu, tama megi eno aga suali, tiali goli, te ena bidibo ula me elaluba, isibeo,’ te homu yali. Tama agai te agabolo po wali Yawe nogi gasa me wali, “Nage da, te ena subo God dao.”

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Te We Bidi Dabego Jerusalem Hagede Gela Wali 2:12

Te wai bǫų dabe augwali nasi ebaso, augwa idabolo nai me ąį momainu gela weyu ebao. Augwali te taun sunumi dabede subigila tuloluama, munalua pabo suali, te ami bidi dabe te boide sili wąbi dolama, munalua pabo tiwai elalualio. Tama augwa ida dabego te wai bǫų dabe nogo daide muna sabo si da, te wai bǫų dabe augwaligo bidibo ula sia salio.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Bugagia Bidibo Kolesagade Po Asęai Buku 8:30

Te Genuai Bidigo te sę dabe yali sogo, ena aga dali bidali, tama agai ena te kolesaga konea pai bidigo te sę tonalubo bidi tiwai nigilali. Tigidali side eno aga wiegi yai homu pemene ilali, magi baso meni, eno te agai nigai nai dabe suyu, te wiegi yai homu pemene yali. Eno te tǫ sulama, te we bidi dabe bidalubode te wiegi yai homu pemene yali, tama ena te Genuai Bidigo gedude sesemane sogo wiegi yai homu pemene elama bidibao,” wiegi yai doloba pai homu kolesagago te po wali.

Tigidali Nai Gagalama Nigali Side 18:33

Yawego te Abraham dali po ola silama, tama aga palio. Tama Abraham aga beba ma geasa pai.

Dwagi Yai Gesi Po Jongo Asęani 13:23

Te augwali tomode bidi me deli te Jisasgo aga dali dwagi yai homu eyu tama mu godola pabo, te bidi aga pąde bidai.

Ma Dobola Sali 24:10

Tama augwaligo Israel dabego God suai. Tama agai sągą dologode genuai sisi yai nai me deli, te be sai tiwai nai elaluai, tama te dagalu ula tiwai mu elaluai.

Dwagi Yai Gesi Po Jongo Asęani 3:11

Eno mu po nagebolo obao, dago e wabo po da te dago koneani po obao, tama dago po pusali da, te dago suali sę po dao. Tiali goli dagego dago wali po te dagego tudiba muanio.

2 Korin 4:4

Magi baso meni. Te e tǫde tibo god Satan agai te Kraisgo poba augwa homu begi pisąbo bidi dabe augwaligo homu kone tuą palali. Magi baso meni, Krais aga da te God tiwai mu dao, tama agai dabolo Godigo noma mu hanilibo dao. Tama te Kraisgo genuai bomo yai ula waselabo wiegi yai gesi po, te po te giliga nanobo tiwai dao. Tiali goli te hagayabo we bidi augwaligo te pogo nanobo ula suidali weyu, Satan agai augwaligo homu kone puna palama tuą palali.