Biblia Todo Logo
Bib sou entènèt

- Piblisite -




Jeremaia 9:5 - Godigo dwagi yai po buku

5 Tigidali bidigo te augwa abagi dabe tibo po ola mayu ebao, te mena bidi me deligo te mu po me wabeo. Te augwa tibo po wabo te konea selama, te augwa homu me begelisiąma, te augwa haniani dwai kolesaga ebo me tagalogobeo.

Gade chapit la Kopi




Jeremaia 9:5
32 Referans Kwoze  

Dagego te tǫ pedai kantri bulu bidi dabe aiyaba elaluama, te we bidi dabe kalabus elama, tama augwaligo dagego nai doado bage dabe nigibo sę dene mu yali. Tiali goli, isigo te nai tigidali dela silibaso, tama te yali sę olodali tama ela tagalaibao. Te Tigidali Bomo Elalubo Genuai Bidigo te sę pedalomainu ilaibao. Te po wai dao.


“Te Jerusalemde bidibo mone hauwa elalubo bidi dabego te magi nai meni yai bidi dabego doado bage anoma elama, sali. Te dage tigidali te tibo po wabo bidi naga dao,” wali.


Dage te god dabe gegebo sę dene mu eyu, te dagego bomo silibao. Tialima, dage tede gę neyu, te tiwai po me weyu, ‘Dago bomo te odolali silibao,’ po wabeo. ‘Dago te tebo kolesaga tagalinao,’ dagego te po wabeo. Menio. Te duga dwai homu ebo kolesaga te bomonama mu pedaliyu, te dage kekasa mu pobao wabo dao.”


Nago dwai sę yali. Nago te tobage pogo naga yali dwai sę aiyaba mesegelainu elama, halubo po tiwai te obao. Nago po te ili po wabo bidigo po tiwai.


Bidi meba augwaligo dwai sę dali dwagi yai sę dagalabo homu te isali tiwai dao. Tama tibaso augwaligo augwa ebo sę dagalisiąyu tama augwali tibo po wabo bage dao. Tama “Eno mu po naga obao,” wai goli, augwaligo te dwai haubo noma bidi dabego tibo po naga ola mabo dao.


Te God agai dage te gesi noma we bidi nigaligo da, teda dagego dwai tibo po wabo kolesaga tagalama tama munu me egimio. Te menio. Tama dage tigidaligo duga hasi tomode mu po naga wao. Magi baso meni. Dagego koneani, da tigidali te deli tigide naga wadolama bidibo dao.


Tialima, Genuai Bidigo te tiwai po obao, “Eno we bidi dabeo, eno mena dwai sę dageba yaliwe? Eno mena sę elama, dageba sęgę maniwe? Ae, tegoba, dagego enaba po wei ponao,” te po obao.


Tiali goli, ena odolali sę dene yali. Isigo te pobele bage dela silabo usu meni yai dao.


Augwaligo wabo pogo te augwa abagi dabe dolaibao, te bidigo bidi ela muabo ene enebo tiwai ebao. Augwali te tibo po wabo bidi dabe dao. Te augwa pedauwalide te augwa abagi dabeba dwagi yai po obao, tiali goli, te haligade augwaligo te augwali dolabo homu ebo dao.


Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”


Te dage dolaibao. Dagego te gasa bidi dabe ili po walama, sęgę te soba. Te sęgę dabe dage tigi dagana selama, tama dagego sela sąbo usu egobeo.


Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.


Te augwaligo po wabo te hasamanigo kele poa pai tiwai mu elama, tama augwaligo pedauwalide te bidi dolabo po te hasamanigo dwai nabi tiwai elalubo dao.


Te bidi dabego po te mu poa pelama, tama te bainat hwągo ena togobo tiwai ebao. Te augwaligo dwai pogo enaba ponama wali, te bidigo enesigiba ene nanama, te bidi usu sabo tiwai gilama ebo dao.


Dagego te dwai po, me te tibo po sesemane sogo wabo sę ebo dao.


Te dwai bidi suao, agai te gasa bidi dali dwai sę yabo homu beasi elalubao. Agai te tobage dwai sę yabo sisi elama, tama te sesemane sogo tibo po wabo dao.


Nosali augwali sigo te tigidali bulubadu bidaluali bidi dabe augwali gedu paliali. Tama gedu widai bage tiwai osogo bidiyu, tama augwaligo te be sunumi gegabo usu me isiąwai dao.


Nago te wiegi yai kolesaga wei me isiąyu, nago te dwai kolesaga naga wei ebo dao. Nago te mu po wabo kolesaga wei meni yai. Nago te tibo po wabo kolesaga naga wei ebo dao.


Te nago augwaliba te tiwai po wao, ‘Te dage hanigo te Genuai Bidi, duga Godigo po wali me pisąyu, te Godigo augwali dodolomainu me ebeo. Augwaligo te mu po wabo kolesagadu munu me wali pabeo. Augwaligo te kolesaga mu tagalobo dao.’ Te po wao,” wali.


Te sęgę dabede te me deli te tiwai elalubao. Te naga hani dabego digi te nageba dwai sę yabo po mia salio. Te nage augwaligo nage pobeasa pabo tiwai elama, te pąde nage pageabi yainu ebo tiwai yaibao. Te augwaligo nage dali wiegi yai po obadi, te tagalao, nago augwaligo poba homu kęą pelamu dao,” wali.


Dage Israelgo te wit wai ge bulaibao, tialima te inayani nai tau yali sabo sogo, dagego te sesani yai bono naga elalubo sueibao. Dage odolali sę dene elama, te magi nai me deli dagego me sogobeo. Dagego te Genuai Bidi eno haliga sębę naga saibao. Tama dage dwai hale mu siyąo,” wali.


Te husugu bidi augwa tigiwali hasegelama, te mamamonu tigiwali hasegelaiba, agawe? Ma, te uni husugu yai pusi te augwa tigi dodobolo pali sela sąwaiba, agawe? Mu menio. Te tiwai tama, te nago naga dwai kolesaga me hasegelama, te wiegi yai kolesaga wali painogo ebaso, usu me egobeo.


Ena Genuai Bidi, eno tigidali bomo elalubao, eno obao, te boi bidi dabe augwaligo te Babilon bagulali obo tai nidigi pali alulama, te deli me elalugobeo. Tama augwaligo te taun tomoba piduali genuai bobobage sunumi isigo ulaibao. E tiwai dao. Tigidali hani we bidigo odolali sę dene yali. Te augwaligo nigali nai tigidali te isigo daibao,” te po wai dao.


Tialima, Genuai Bidigo po nago e tiwai po pusao, ‘Babilon da, te e buku tulaluali tiwai yai elama, te aga ugwaba ma pedalugobeo, magi baso meni, ena Genuai Bidi, eno aga dwagila mu dolaibao. Te Babilon we bidi augwali mu tulaluaibao,’ nago te po wao,” Jeremaiago te po Seraiabolo wali. Te Jeremaiago po eba silagasobao.


Da tigidaligo Aya te deli naga elalubao. Te God deli naga te agai da nigali. Tialima, magi baso dago te dena abagi dabe dali dąų wali po bolobo dawe? Tama magi baso dago te dena wąį nǫų dabe dali dąų wali kontrak po te dago wali pabewe?


Te Josua aga deli hani me te augwali isila pali, tama gesi noma we bidi pedelai. Te gesi hani we bidigo te Genuai Bidi konesiąyu, tama agai te Israel dabede yali sę me te munu me konesiąyu gegeda pali.


Te doloba pai bidi dabego sę yabo homu kolesaga te dolo naga dao. Tiali digi, te dwai sę ebo bidi dabego da, te sesemane sogo te we bidi tibo po ola maiabo haniani kolesaga yabo homu ebo dao.


Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.


Swiv nou:

Piblisite


Piblisite