Jeremaia 9:11 - Godigo dwagi yai po buku

¹¹ Genuai Bidigo te po wali, “Te eno Jerusalem dolama, te masigi pesage holali naga elalueibao. Tama te uni yowi dabego pesage pedelaibao. Tama eno te Judago taun tigidali dolama, te taun dabe olo elalu, te bidi meni yaibao.”

Jeremaia 9:11 Referans Kwoze

Aisaia 25:2

Nago te genuai hanu dabe te pobele bage pesage holai dao. Tama te bomai obo dabe elaluai hanu dabe sese dola silai dao. Tama te Israel hani isąwai bagego bomai hanu dabe te boi bidi dabego sese mu dola silai dao. Tama augwaligo ma hodolobo usu egobeo.

Jeremaia 51:37

Eno te Babilon dolama, te masigi du holali pesage naga elalueibao. Te uni yowi dabego bulu pesage dabe naga elalueibao, te bidi tede meni yaibao. Te gasa hani bidi dabego subo sogo da, te augwali dwai noma mu selama, te wi umabo mu yaibao. Augwaligo te Babilonba kęnę po waibao.

Jeremaia 10:22

Odao. Augwaligo te po sela asalio. Te genuai po dągą u wabo te not badu pedelalio, te boi bidi dabe augwa pesage tagalama, te Judago taunba hwįagasu asobao. Te taun dabe te mu dolama, te uni yowigo pesage naga pedelaibao.

Aisaia 34:13

Te sesane yai bono me nosai dabego te kingo be, me gasa be dabe mesegelaibao. Te bulu uni yowi dabe bidagaselama, te badu i wagasobaso, te uni ba dabe te beba piagasaibao wali.

Aisaia 13:22

Tama me, te tuni bidigo bede, me genuai bidi dabego bede dabe te bulu yowi dabe bidagaselama, go weyu yaibao. Mu tama mu, te Babilon dolabo sogo bodolu pąba polo yagasalio.

Maika 3:12

Tialima, te tobolu bidi dabe me, pris me profet, te duga yali sęde naga te Godigo Jerusalem dolaibao wali. Te Jerusalem tigidali nai doado bage te dolama, tama te pobele bage hogomu pesage holobo tiwai yaibao wali. Tama Saion te olo tǫ pedelama, te bidi dabego tede te gi nai bulaibao wali. Tama te bulu dude te dasu nosai pedelaibao, te Godigo be elalubo madi tiaibao wai dao.

Te We Bidi Dabego Jerusalem Hagede Gela Wali 3:47

Te boi bidi dabego da elama, te da wi elama, me da tulalumainu yabo nai dabe ilalio. Tama da sese tama dolama, tagalainu yali.” Dago te tobage gedu haluasa po wainao.

Te We Bidi Dabego Jerusalem Hagede Gela Wali 2:2

Genuai Bidi agai te Israel dabe hobede me ebeo. Menio. Agai augwaligo be nani sese tama dolali. Agai augwali dali sębę elama, tama agai wiegi yai kantri Judago bomai taun dabe aluama, tagalalio. Agai te kantri me, aga tobolu bidi dabe dali, sese tama dolalio, tama augwali hale dwai mu yalio.

Jeremaia 34:22

tialima, ena Genuai Bidi, te eno po obaso, te augwali ma aselama, te Jerusalemba hwįnama, te taun saibao. Tama augwaligo te taun siago ulaibao. Tama eno te Juda taun tigidali dolama, tama te taun dabe olo elalu, tama bidi tede me bidigobe dao,” wali.

Jeremaia 26:18

“Polobadu, te Hesekia Juda king bidali sogo, te profet Maika te taun Moreset bidigo te Juda dabeba te tiwai po pusai, ‘Tigidali Bomo Elalubo Genuai Bidigo te po wai, te Jerusalem nai tigidali dolama, te pobele bage du holobo tiwai pedelaibao,’ wai dao. ‘Te Saion olo tǫ bulu pedelama, te bidi dabego tede gi bulaibao. Tama te bulu dude ni dulu pedelaibao, te Genuai Bidigo be elaluali madi te tama tiaibao.’

Jeremaia 25:11

Te tǫ tigidali dolama, te dwai olo pesage naga elalueibao. Tama te hani we bidi dabe te kingo sę olo ebo bidi tiwai te Babilonde bidaludubadi, te kibu be bidi sese sela olama, nogo si, te 70 yia bidaibao,” wali.

Godigo Nogi Ugwaba Sabo Tęąbi Po Wabo Buku Dabe 79:1

God, te gasa hani dabe dago tǫba asalio, tama augwaligo te naga we bidi dabe da dali hwįani ebao. Augwaligo te nago tedali wiegi yai be dwai ilama, tama meda mu pedelali. Tama augwaligo te Jerusalem dwai mu ilama, dolalio.

Maika 6:16

Dagego te king Omrigo dwai kolesaga wali pali, me aga ogwa king Ahapgo kolesaga me wali pai. Dagego augwali sigo polobadu te yali tobage kolesaga tiwai yali, tialima te eno dage dolaibao, te gasa bidi hani bagego dage tudiba muaibao. Te tigidali bulu pedaide bidibo hani bidigo te dageba gesabidi tuluga selama, tama dwai posobo po waibao,” wai dao.

Maika 1:6

Tialima, Genuai Bidigo te po wai, “Te eno Samaria taun dolama, te pepeli dilide te pobele bage du holobo tiwai yaibao. Tama te ni wain du kulubi bulubo pesage pedelaibao. Te aga be dabe tigidali eno elama, dolaibao,” wali, “tialima, eno te be dabego masigi kakali hogomu, te odogo pesageba gea palaibao,” walio.

Jeremaia 26:9

“Magi baso nago te dwai po te Genuai Bidigo nogide pusubawe? Te Silo dolali tiwai gilama, te be dolaibao po nago me wagio. Te taun dolama, tama tede bidi me bidigobeo, te po me nago obao, te tiwai po nago me wagio,” wali. Te Genuai Bidigo bede bidali we bidi tigidali, augwaliaselama, te Jeremaia bobegela sagasalio.

Jeremaia 25:18

Hasia bolo ena te Jerusalemba pelama, te Juda tigidali taunba me peyu, teking dabeba me tobolu bidi dabe dali pali, te augwaligoąį tumainogo yali, te tǫ kantri Juda mu dolama, te tǫolo mu tama elalumainogo yaibao. Te gasa Israel haniisąwai we bidigo te kantri tǫ Juda sulama, te augwalidwai midigi mu selama, te wi umabo yaibao. Tama te webidi dabego augwa boi dabeba dwai i ola mabo po wabosogo, augwa te tama po waibao, “Dage te Juda dabe dolalitiwai yagameo,” te sę dabe pedelai dao.

Aisaia 44:26

Te eno sę bidigo magi sę yabo po me deli pusubo sogo, tama te sę nosali badu pedelaibao, te po eno wabo sogo da, teda eno te po mu naga pedalumainu ebo dao. Te megi eno te tiwai po obao. Te we bidi dabe te Jerusalemde ma bidigi pelama, bidaibao. Me te Juda dabego taun augwa ma nigaibao. Te megi dolama elalubo hanu dabe te eno ma wiegi yai nigilaibao.

Nehemia 4:2

te aga hai namu dabego gedude te po weyu, tama te Samaria ami bidi dabe gedude me wai. Agai te tama po wai, “Te bomo isąwai dwai hobedagi yai bidi hani te Judago mena sę yainogo ebawe? Augwaligo homugo te augwaligo te taun bagulabo obo ma geselaiba homu eyu eba, agawe? Te augwaligo homugo te Godiba ofa ebogo te be sę ebo te deli sogo naga silaiba homu eyu eba, agawe? Augwaligo te homu eyu, te augwaligo te tomode kakali tibi holali te siago ulali masigi dabe selama te obo banis nigibaso te wiegi yai yaiba weyu eba, agawe?” te po wali.

Kraisgo Geme Dualali Sę Pedelabo Po Jonbolo Ola Mani 18:2

Agai i genuai bomo elama mu weyu, te po wai, “Dolalio, dolalio, te genuai hanu Babilon mu dolalio. Megi te bulu te dwai haubo noma bidi dabego bulu pedalama bidibao. Te dwai meda yai mobo bidi dabe me augwali tede bidibao. Te meda yai ba dabe me, te dwai bulude bidibo ba dabe me, augwali me tede naga kalabus bidibo dao.

Pris Sę Ebo Bomai Po 26:32

Te eno dagego tǫ mu dolaibao, te dagego boi bidi dabego te tǫ selama bidibo sogo, te augwa sulama, te dwai noma mu saibao.

Godigo Nogi Ugwaba Sabo Tęąbi Po Wabo Buku Dabe 44:19

Tiali goli, nago da te uni hasa dabego pesagede dolomainu ebao. Tama nago da te be hulia sai dwai madi mu te mesegelibo tiwai ebao.

Jeremaia 1:15

“Magi baso meni, ena Genuai Bidi, megi da, eno te not badu tigidali king i olama, augwali te augwa ami bidi dabe dali asaibao. Te king dabe aselama, te augwa king dugabo sia sai te Jerusalem taun tomoba pabo sunumi pąba muagasaibao, tama augwaligo bomogo te taun bagua saibao. Tama augwaligo te tobage deli kolesaga naga te Juda dabego gasa taun dabeba me te tama tiwai yaibao.

Jeremaia 4:27

Genuai Bidigo te tama po wai, “Te tǫ tigidali te olo nai tama pedelaibao,” wali, “tiali goli, te eno aga tigidali mu me dologobeo.

Jeremaia 44:2

“Tigidali Bomo Elalubo Genuai Bidi, aga da Israelgo God, agai te tiwai po wali, ‘Duga digi te tigidali dene mabo sę ena Genuai Bidigo te Jerusalemba me te tigidali Juda taunba yali sę suai dao. Megi augwali dolama elalubao, tede bidi me bidibe dao.

Jeremaia 49:33

Tama Hasor te uni yowigo bulu pesage pedelama, te aga dolali sesemane tama elalueibao. Tama te taun olo mu elalu, tede bidi me bidigobeo,” wali.

Jeremaia 50:3

Babilon dolaibao, magi baso meni, bidi hani me deli te not badu pedai tagalama, te Babilonba hwįagasu asaibao. Te boi bidi dabego te Babilon mu dolama, te olo bulu pesage pedelai elalueibao, tama tede bidi me bidigobeo. Tigidali bidi me hasa te Babilon tagalama, te wi paibao.

Te We Bidi Dabego Jerusalem Hagede Gela Wali 1:4

Te taun Saionba pabo sunumi dabe olo elaluyu, hobedai gela oduali. Magi baso meni, te augwalide te genuai lotu wabo genuai sogo dabede te bidi dabe me augwalidu te moni lotu be tempelba me soayu isąma ebaso. Te taun tomoba pabo sunumi dabe olo elalua pali. Tama te pris dabe augwali homu sęgę mu elama, te bidigo dene sobaso gela wabo tiwai elama gela wabo. Te Saion bulu gesi wegi mani sęgę genuai mu tolobao, tama augwaligo te tempel bede balia po me wabo menio. Tama me te taun Saion aga me te dwai dene mu siyu elalubao.

Bomai Po 29:23

Te gi dabe dola silama, dwai olo elaluaibao. Tama te tamu me dwai pauda nai salfa, te ni me nosai isilibo nai si te gide pągąna paibao, tama dagego nai me bulabo usu me egobeo. Tama te nosai dabe me te tǫde me hologobeo. Tama tialima, dagego bulu te Sodom de Gomora si tiwai tama yaibao, te Atma de Seboim hanu si tiwai me. Te hanu dabe Genuai Bidigo polobadu dolai dao, te agai wado elama, tama agai sębę dwai mu yali sogo.

Godigo Nogi Ugwaba Sabo Tęąbi Po Wabo Buku Dabe 107:43

Tialima, dage te wiegi yai homu elalubo we bidi dagego te sę tigidali bugagia homu kone palao. Tama dagego te Genuai Bidiba po hanilama pusuyu, te sesemane sogo da wei mu ebo da po waiyąo.

Jeremaia 8:22

Te tǫ Gileatde te wiegi yai marasin me munalusiąyu eba, agawe? Te augwa dokta me menisiąyu, ebawe? Magi baso te eno we bidi hobedagia te usu ma pedalugobewe?

Jeremaia 16:10

“Jeremaia, nago te po te we bidi dabeba pusubo sogo, te augwaligo nageba te tiwai po waibao, ‘Magi baso Genuai Bidigo te dwai sę tigidali dabolo pedalumainu yaibawe? Dago mena kolesaga dwaliwe? Dago mena dwai sę te God, dena Genuai Bidiba, ebo dawe?’ Te po waibao.