Jeremaia 7:2 - Godigo dwagi yai po buku2 “Nage pelama, ena Genuai Bidigo tempel be sunumiba doligi pelama, tama eno po te enaba lotu wagi soyu tomoba soabo te Juda dabeba pusao. Nago augwaliba te po weyu, ena Genuai Bidigo poba olo bugagia muao po wao. Eno po e tiwai dao. Gade chapit la |
“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.
Aga te Genuai Bidigo be tomoba doligi pelama, tama Jeremaiago po te bukude elalubo po tigidali nedelama, te tigidali we bidigo odali. Barukgo te buku nedebo sogo, aga te be habu sunumi me deliba doligi pali, te Gemariago be habu, te Safango ogwa. Polobadu Safan te kingo kuskus sę ebo bidi bidali. Te be habu te sisinibo pesage ugwadu elaluali, te Genuai Bidigo be sunumi pąde, augwa nogi eyu Gesi Sunumi Dao wai.
Tialima, eno homugo eno nagebolo te asęao wali buku nago selama, tama te Genuai Bidigo beba nage pelama, tama Genuai Bidigo te po te we bidi dabeba nedao. Nage te nai habu selebo genuai side me deli pagameo, magi baso meni, te Juda taun we bidi dabe Genuai Bidigo beba te side pelama bidibadi, tama augwaligo me te po odomainao.
Tialima, ena Jeremaia, eno te Genuai Bidigo po wali pelama, tama ena te bulu Tofetba pelama, tama agai te po pusali. Te nosali, eno te bulu Tofet tagalama, ena Jerusalem hanu tomoba pelama, te Genuai Bidigo beba peyu, tama ena te bidi sisinibo genuai pesageba doligi palio. Tama eno te tigidali we bidiba te tama po pusalio,
Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.
“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”
“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”
Jisasgo aga dali po wei ponoyu, tama po wai, “Eno we bidibolo mani te po eno bulu ulade hania wai dao. Eno te we bidibolo po ola mabo sę eyu, tama te bomo yai po ola mabo be tomode te sę eno yali, ma te Moni Lotu Be tempel, tede me eno te sę yai dao. Te be dabede te Juda bage sisinibo bulude eno augwalibolo eno po hania ola mawai dao. Tama eno po geme dualama bulu tomode me wabeo.
“Nage pelama, Genuai Bidi eno te po te Jerusalem dabeba pusugi pao,” wali. “‘Eno homugo dage homu konealudu, dage eno we bidi hani pedelali sogo dagego duga homu enaba kęą pai. Te sogo dagego ena godolo mu yali, te gesi tamadi sai wego aga bidi godolo mu ebo tiwai yali. Te Isip tǫ kantri tagalama, dagego te dwai masigi kemi olo tǫ bulude, te bidi dabego gi bulusiąwai pesagede bilali goli, te dagego ena wali piduai dao.