Jeremaia 6:24 - Godigo dwagi yai po buku

²⁴ Te Jerusalem we bidi dabego te tiwai po wali, “Dago te boi bidi asabo po sabilibo po odolama, te da wi eyu, te dago nogo sągą dili kimi meni ebao. Da hobede mu elama, dwai dene mu ebao, te wego aga wai ame nainu ebo sogo te genuai tigi dene ebo tiwai gilama ebo dao.

Jeremaia 6:24 Referans Kwoze

Jeremaia 50:43

Babilon kingo te boi hwįabo boi bidi dabe asobo u wabo odama, aga te wi mu elama, te aga nogo sągą dili kimi meni yaibao. Aga wi elama, te kone palobo dwai mu yaibao, te wego wai ame nainu tigi dene ebo tiwai mu pedelaibao,” te po wai.

Jeremaia 49:24

Te Damaskus taun we bidi dabe te bomo mu meni yani. Augwali te we me deli wi painogo ebo tiwai yali, tialima aga te wi dwai mu elama, te aga usu ebeo. Augwali te genuai dene me sęgę elaluali, te wego wai tega painu dene ebo tiwai yai dao,” wali.

Jeremaia 4:31

Eno odali, te wego wai ame nainogo te gela wabo tiwai odali. Te wego hasia wai ame nabo sogo, te aga genuai dene yaibao. Te taun Saiongo gela obao. Aga homu hę mu weyu, te aga nogo bomo sainu debalu te tiwai po waibao, “Hobede mu dao, ena mu dolobao. Te boi bidi dabego ena elama, ena isainu ebao,” wai dao.

Jeremaia 30:6

Magi basowe? Te bidi dabego wai ame nabo dawe? Tialima, magi baso eno suali tigidali bidigo augwa haligaba nogo mubawe? Augwaligo te tama tebo te wego wai ame nainogo dene genuai ebaso ebo tiwai ebao. Magi baso augwaligo gesabidi te gasagi yai tedali dwai mu pedaliyu, te bidigo wi umabo ebo tiwai ebawe?

Jeremaia 13:21

Nago te naga abagi meba pedalumainu ebo sę dene yali. Tiali goli, nosali augwaligo nage aiyaba elaluama, te nage tonalubaso, tama te sogo nago magi po waibawe? Te nage dene genuai saiba homu yaibao, te wego wai ame nainu dene sabo tiwai yaibao.

Aisaia 28:19

Te dwai kolesaga dabego dage munu me taga pogobeo. Menio. Te augwali geninama mu dageba tigidali sogo hulide me ulade dageba me pedalidu geaibao,” wali. Ma, dagego Godigo te wiegi yai po page dagego bugagia mu koneyu da, dage noma selama, wi mu yaibao.

Aisaia 21:3

Te nade suali naigo ena wi ilama, didibili ilali. Tama eno tigide dene genuai me yali, te we sibigo wai sainu dene ebo tiwai yali. Eno wi mu elama, eno homu mu doali. Tama eno magi nai me suyu, me po me odoyu yabo homu me ebe.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Jeremaia 22:23

Augwaligo nago be te wiegi yai Lebanon ni sidago sę yani, tama nage bugagia dugulaluali. Tialima, hobede ya, te nago dene te wego wai ame nainogo dene ebo tiwai ebaso, te nage dwai gela mu waibao,” wali.

Godigo Nogi Ugwaba Sabo Tęąbi Po Wabo Buku Dabe 48:6

Augwali te dwai noma mu selama, tama augwali genuai dene sali, te wego wai ame nayu ebo dene tiwai gilama yai.

Daniel 5:9

Tialima, king Belsasar te wi dwai mu elama, tama aga gesabidi te tedela mu hasegeligi palio. Tama te gegunai bidi dabe te moni homu mu yai, magi baso meni, te augwaligo magi sę deli me yabo usu me isąwanio.

Jeremaia 48:41

Te boi bidi dabego te taun dabe me, te bomo elama, boi hwįbo pesage me saibao, tama te sogo te Moap ami dabe wi elama, homu si yaibao, te we dabe augwali te wai ame nainogo ebo sogo tigi dene ebo tiwai yaibao.

Esekiel 7:17

Te augwaligo nogo bomo kimi meniama, te augwaligo sągą didibili dogia paibao.