Jeremaia 6:17 - Godigo dwagi yai po buku

¹⁷ Tama Genuai Bidigo te po wai, “Eno te dage tau sabo tonalubo bidi nigilai dao. Tama eno te po wali, te sęgę pedelainu ebo sogo augwaligo te bu wabo nai biugel bu wai da obaso da, teda dagego bugagia odaluiąo.” Tialima, augwa te po wali, “Dago te tonalubo bidi dabego po me odogobeo,” po wai dao.

Jeremaia 6:17 Referans Kwoze

Jeremaia 25:4

Hauwa sogo polobadu Genuai Bidigo profet dabe, te aga sę bidi dabe, dageba tagala paludu geai, tialima, dagego hagoma eyu, te augwaligo poba olo sagana mubeo.

Aisaia 58:1

Genuai Bidigo enabolo te tiwai po wali, “Nago genuai po dągą mu olama, i wao, dua digi i me wagio. Nago bomonama i wabo, te bu wabo nai biugel bu wabo tiwai yao. Te eno we bidi dabeba weyu, te Jekopgo hani dabe, te augwa dwai sęgę me dwai kolesaga po wao,” po wali.

Sekaraia 7:11

“Tiali goli te we bidi augwali tobolu gagea pelama, augwaligo po odabo homu hagela yali. Augwaligo augwa homu kolesaga dąų ola selama,

Aisaia 21:11

Te Genuai Bidigo te nai dabe me te hanu Dumade pedalabo po mani. Te bulu Idomde bidibo bage augwaligo i olama, hanaluyu, te po wali, “Tonalubo bidi, me sogo te hulialubo silaibawe? Mena sogo mu aga silaibawe?”

Habakuk 2:1

Eno Genuai Bidiba te eno homude elalubo po walama, tama agai po enaba wei mabo tonalubao, te eno agai po wei ma ponainogo ebao. Eno aga tonalubo, te ami dabe te tauaba holama, te boi bidi dabe asobo tonalubo tiwai yaibao.

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

Hosea 8:1

Genuai Bidigo enabolo te po wai, “Te boi hwįmainu biugel bu wao,” wali. “Te boi bidi dabe polo aselama, te eno tǫba hwįagasaibao, te ba kemodage polo te tǫba bola dulama, te hasa bolo ela sigulubo tiwai yaibao. Magi baso meni. Eno te ena we bidi dabe dali dąų walali po te augwaligo togolama, te bolama, tama augwaligo eno bomai po sela sąwani.

Aisaia 62:6

O Jerusalem, te nago masigigo nigai genuai obo ugwadu daide eno te tonalubo bidi muai, tama augwaligo pedauwali te giligade hulide me pania sogobeo. Eno augwaliba te tiwai po wali, “Dage te Genuai Bidiba i wabo bidi dabe, dagego toma me nogobeo. Menio.

Jeremaia 6:18

Tialima, Genuai Bidigo te po wali, “Dage gasa hani we bidigo, odiąo. Dage sisinagasobaso, te eno dagebolo eno te Israel dabeba yabo sę dabe po walaibao,” te po wali.

Jeremaia 7:28

Te nago augwaliba te tiwai po wao, ‘Te dage hanigo te Genuai Bidi, duga Godigo po wali me pisąyu, te Godigo augwali dodolomainu me ebeo. Augwaligo te mu po wabo kolesagadu munu me wali pabeo. Augwaligo te kolesaga mu tagalobo dao.’ Te po wao,” wali.

Sekaraia 1:4

Dagego duga wąį dabego yali sę tiwai igimio. Te eno poloba profet dabego augwalibolo te dwai kolesagaba tudi ola mao po obadi, augwaligo te dwai kolesagaba tudi ola mawai menio. Tiali goli augwaligo eno po odai menio.

Jeremaia 8:5

Tialima, te Jerusalem we bidigo ena tagalama, te augwali ma begasa asobeo. Augwaligo ena sesemane sogo tudiba muyu ebao. Te augwa tibo kolesaga wali pabo bomo eyu, te augwali enaba ma begasa asabo homu me ebeo.

Jeremaia 18:12

Tialima, Jeremaia, te we bidi dabego nago po wei ponoyu, te tama po waibao, ‘Tagalao, da hagela ebuo. Dago dena homu kolesaga digi wali paibao. Da deli deligo hagoma eyu, te dena dwai homu naga wali piduaibao,’ augwaligo te po waibao,” wali.

Esekiel 3:7

Tiali digi, te Israel dabego da, me tegobeo. Te augwali me deligo nago po wali me pogobeo. Augwaligo te eno wabo po digi me odisąwaibao, te magi elama augwaligo nago po odaibawe? Magi baso meni, augwaligo tobolu te masigi dila pai tiwai elalu, te tigidaligo po naga sela sąbo bidi dao.