Jeremaia 52:28 - Godigo dwagi yai po buku

²⁸ Te Nebukatnesargo kalabus igibu sela pali we bidi namba, e tiwai dao. Te kibu be 7 aga king bidali sogo, agai te 3,023 Juda we bidi sela pai dao.

Jeremaia 52:28 Referans Kwoze

Tuni Bidi Dabego Po Elalubo Buku Si 36:20

Tama te Babilon kingo te we bidi te boide elisąma yali we bidi sese tama te Babilonba kalabus elama selasa pali. Tama te Juda we bidi augwali te Babilon king dabego olo sę ebo bidi we bidada pidubadi, te kantri Persia boma pai mu pedaliyu, tama te kantri Babilon aiyaba elalubo sogoba usu nagasali.

Esra 2:1

Te Israel dabe hauwago te Babilon tǫ pedai tagalama, tama Jerusalemba ma pali, tama te gasa Juda pedai badu me pai, tama augwa hanigo page buluba palio. Te Israel dabe te Babilonde sesabi mu elama, bobobage sogo mu bidalio, te king Nebukatnesargo bidali sogo te Juda haniba hwįgi pelama, tama we bidi hauwa kalabus elama, tama augwali te Babilonba sela pai dao.

Nehemia 7:6

Te kibu be hauwa polobadu te king Nebukatnesargo te Israel we bidi hauwa selama, te Babilonba kalabus mugi pali. Tama nosali hauwa we bidi te Babilon tagalama, tama te Jerusalemba ma asali, te gasa Juda tǫ badu me asai. Tama augwali te augwa wąį nǫų dabego taun tǫba bidagasai dao.

Jeremaia 52:29

Te aga kibu be 18 te king bidibo sogo, agai te 832 Jerusalem we bidi sela palio.

Esekiel 12:11

Nago te nage dali bidalubo we bidi dabe augwaliba te tama po walao. Nago te tiali sę page te Jerusalem dabeba pedelabo piksa begelama, ela mabo sę yali. Boi bidi dabe te Jerusalemba pelama, te augwali selama, te augwali gasa tǫ kantriba odasa pelama, te kalabus bidi dabe pedelabo sę tiwai page ola mani dao.

Jeremaia 13:19

‘Augwaligo te taun dabe obo sunumi paliaibao, te tǫ distrik Negev te Juda pedai te saut badu elaluai, te augwali sunumi dayabo bidi meni yaibao. Magi baso meni, te boi bidi dabego te tigidali Juda selama, te gasa tǫ kantriba kalabus sę igi paibao.’”

Te We Bidi Dabego Jerusalem Hagede Gela Wali 1:5

Te boi bidi dabego ugwa ela holobaso, augwaligo Jerusalem tonalubo dao. Tama augwaligo magi naide moni homu me ebo meni. Magi baso meni. Te Jerusalem dabego augwalibolo sęgę maiabo usu isąbaso. Jerusalemgo Genuai Bidi tudi ola mayu, tama dwai sę hauwa mu yali. Tama tibaso, Genuai Bidigo agai te genuai dene tolomainu tagalali. Tama te boi bidi dabego te Jerusalemgo wai bǫų dabe te hwįbode selama, kalabus elama, tigidali digibulu buluba dabe kalabus elama, odasa pali.