Jeremaia 52:20 - Godigo dwagi yai po buku

²⁰ Polobadu te king Solomongo sę bidi dabego te bras selama, te genuai bobobage pos si nigali, te genuai tang wę nigilama, tama te nogo si olama, sągągo si bulmakau piksa dabe nigilama, te genuai ąį tang dologode elaluali te dwasianu daide ugwadu muabo nai wilkar elaluai. Te Solomongo po obaso, augwaligo te nai dabe Genuai Bidigo beba muani, polobadu mu. Tialima, megi da, te Babilon dabego te nai dabe alulama, te nai nigali bras sainogo tiali. Te brasgo sęgę te genuai mu, te bidigo skel me egobeo.

Jeremaia 52:20 Referans Kwoze

Te Israel me Juda Hani Sigo Tuni Bidigo Po Elalubo Buku Deli 7:47

Te tigidali nai Huramgo te brasgo nigai, augwali te hauwa umabo mu tama dao. Tama tibaso, Solomongo te bidi dabe augwaliba po weyu, te brasgo sęgę dabe osola suabo po me wabe. Tama tiyu, te nai dabego sęgę te bidigo me konebeo.

Te Israel me Juda Hani Sigo Tuni Bidigo Po Elalubo Buku Si 25:16

Polobadu te king Solomongo sę ebo bidi dabego te bras dabe selama nigali bobobage genuai pos side, tama te genuai tank ąį muani me, te dwasianu wilkarde te dwasianu tank wę dabe ugwadu muani. Tama te king Solomongo te po wai, tama augwaligo te doado bage dabe te Genuai Bidigo tempel beba muao wali. Tiali goli, megi te Babilon hani bidi dabe augwaligo te nai dabe auluama, tede muani bras dabe augwaligo sali, tama te brasgo sęgę te bidigo skelim ebo usu me ebe, te hauwa mu elaluali.

Tuni Bidi Dabego Po Elalubo Buku Si 4:18

Huram agai Solomongo po wali pelama, tama agai te nai dabe hauwa mu geselali, tama te nai dabego sęgę bidigo me konebeo.

Tuni Bidi Dabego Po Elalubo Buku Deli 22:14

“Ena te sę dene mu elama, te tama nai sisinani, te 3,500 ton golgo sęgę, me te 35,000 ton silva, te tama sęgę elalubo nai sisinani, te Genuai Bidigo be sę yabo nai da. Tama eno te ain me bras hauwa umabo sisinani, te nai dabego sęgę te bidi dabego te skel ebaso usu egobeo. Tama me, eno te ni dabe me masigi dabe sisinani, tiali goli te nago umabo mu ma sao.” Devitgo te po Solomon dali wai dao.

Te Israel me Juda Hani Sigo Tuni Bidigo Po Elalubo Buku Deli 7:25

Huramgo te omai bulmakau te nogo si olama, sągągo si te brasgo nigali, tama augwaligo te nigali bulmakau tudi daide te tank ąį muani. Te bulmakau dabe tudi badu te tank ąį dologode elaluali, tama augwaligo gesabidigo te tigidali pedaiba tonalua pai. Te bulmakau selago te giliga pedaluboba tonalu, te me selago te giliga dega sabo pedai badu elalu, te me sela te not pedai badu elalu, te me sela te saut pedai badu elalu yalio.

Jeremaia 52:17

Tama te Babilon dabe te Genuai Bidigo genuai tempel beba pelama, te brasgo nigai genuai bobobage pos si tologali, te bidi dabego brasgo nigai wilkar te ąį ugwadu daide pobegabo nigali nai elaluali me tologolama, sali. Te genuai ąį sabo nai augwaligo te brasgo nigali nai me tologali. Tama augwa te bras tigidali te Babilonba sela pai dao.