Jeremaia 52:17 - Godigo dwagi yai po buku

¹⁷ Tama te Babilon dabe te Genuai Bidigo genuai tempel beba pelama, te brasgo nigai genuai bobobage pos si tologali, te bidi dabego brasgo nigai wilkar te ąį ugwadu daide pobegabo nigali nai elaluali me tologolama, sali. Te genuai ąį sabo nai augwaligo te brasgo nigali nai me tologali. Tama augwa te bras tigidali te Babilonba sela pai dao.

Jeremaia 52:17 Referans Kwoze

Daniel 1:2

Godigo te Nebukatnesargo te Jehoiakim me te Juda we bidi hauwa somainu elama, tama te Godigo bede muani wiegi yai nai, te kap, me plet pou dabe meba salio. Tama agai te aga tibo godigo beba digibulu sela pali, te be te tǫ pedai Sinarde elaluali, te Babilon hanude digi dao.

Te We Bidi Dabego Jerusalem Hagede Gela Wali 1:10

Polobadu te God Genuai Bidi te habu selebo po weyu, te Israel hani isąwai bage te moni lotu be tempel tomoba pelamuo po wai dao. Tiali goli, te Jerusalem we bidigo suali, te tobage boi bidi dabe te bomo yai po boliyu, augwali tomoba pelama, tama tede elaluali wiegi wiegi yai nai dabe sese tama wi salio.

Tuni Bidi Dabego Po Elalubo Buku Si 36:18

Tama te Babilon kingo te haniani genuai me dwasianu dis dabe, me Genuai Bidigo tempel bede plet dabe, me Genuai Bidigo bede wiegi wiegi yai nai dabe siyu, me Juda dabego kingo doado bage, me aga ofisa bidi dabego doado bage siyu yali, te king aga ofisa dabego nai dabe sali, tama agai sese tama Babilonba selasa pali.

Te Israel me Juda Hani Sigo Tuni Bidigo Po Elalubo Buku Deli 7:50

Tama augwa te wiegi yai gol selama, te ofa ebo kaneme muabo pou dis dabe, me gasa dis dabe me nigali, tama te lam sula sabo nai me, tama te denami ebo pauda ulabo plet me, te sia tolasa bilabo plet me nigali. Tama augwa te gol selama, tama te Tedali Gasagi Yai Mu Be Habu paliabo sunumi te hinsis dabe nigali, tama te tempel bego moni be habu sunumi hinsis me nigai dao.

Te Israel me Juda Hani Sigo Tuni Bidigo Po Elalubo Buku Si 20:17

Genuai Bidigo te po wai, ‘Bodolu me deli nosali pedalaibao,’ wali, ‘tama te Babilon hani augwali asama, tama te kingo bede te mubo doado bage tigidali sagasaibao,’ wali, ‘tama me te tigidali doado bage te naga wąį nǫųgo polobadu te augwaligo te mone te genuai bakstuade sisinama muani doado bage me. Tama augwaligo te doado bage me deli munalubo sula tagalogobeo. Mu menio. Tama augwaligo te tigidali doado bage dabe selasa, te augwa Babilon buluba paibao,’ wali.

Jeremaia 52:20

Polobadu te king Solomongo sę bidi dabego te bras selama, te genuai bobobage pos si nigali, te genuai tang wę nigilama, tama te nogo si olama, sągągo si bulmakau piksa dabe nigilama, te genuai ąį tang dologode elaluali te dwasianu daide ugwadu muabo nai wilkar elaluai. Te Solomongo po obaso, augwaligo te nai dabe Genuai Bidigo beba muani, polobadu mu. Tialima, megi da, te Babilon dabego te nai dabe alulama, te nai nigali bras sainogo tiali. Te brasgo sęgę te genuai mu, te bidigo skel me egobeo.

Esekiel 40:49

Te sunumi dedawaligo bobobage te 10 mita elaluali. Tama agai genuai te 5 mita olama, hap mita elaluali. Tama te sunumide togobili elaluyu, tama aiyaba te sisinibo pesageba dulubo togobili elaluali. Tama te togobili bogo badu si dali si badu te genuai pos si dolaluali.