Jeremaia 52:16 - Godigo dwagi yai po buku

¹⁶ Tialima, meba Juda te tigidali nai mu sǫą paibaso, augwali bidalumainogo tagalama, te wain gi dabe me gasa gi dabe tonalumainogo yai dao.

Jeremaia 52:16 Referans Kwoze

Te Israel me Juda Hani Sigo Tuni Bidigo Po Elalubo Buku Si 25:12

Tialima, me badu Juda hani we bidi dabe augwali te me badu te tigidali doado bage dabe meni yai we bidi dabe, tama te augwali te bidi Nebusaradango augwali tagalama, tama augwali bidaluyu, tama augwaligo te wain gi dabe me, me te gasa gasa gi dabe me augwaligo tonaluali.

Esekiel 33:24

“Tǫde bidio, Israel dabego taun polo dolalio. Tiali goli, te we bidi te taunde me bidibao. Augwaligo e tama po wabo dao, ‘Abraham aga te bidi deli goli dao, tama Godigo te tǫ tigidali tama agabolo mawai dao. Tiali goli, megi da, dago we bidi hauwa te elalubao. Tama tilama, Godigo te tǫ mu tama dabolo mawai yali bogo.’ Augwaligo te po wabo dao.

Te Israel me Juda Hani Sigo Tuni Bidigo Po Elalubo Buku Si 25:8

Te Babilon king bidi Nebukatnesar aga te Babilonde king bidi bidibadi, agai kibu be te bidi sese deli pąde, te 19 yia, aga king bidi bidama, tama te nogo a wabo poluago dei te nogo a olama, te me badu nogogo si, te 7 dei, megi e kibu be tomode tama, te king Nebukatnesar te Babilon king bidigo aga sę ebo gavman ofisa bidi me deli, aga te Jerusalem buluba asali. Te bidi Nebusaradan agai te king tonalubo ami soldia bidi dabe tonalubo tobolu bidi dao.

Jeremaia 40:2

Tama te sogo Nebusaradango Jeremaiabolo te tiwai po wali, “God, nago Genuai Bidigo, te po hanilama weyu, te dwai nai te tǫ kantriba pedelaibao wali.