Jeremaia 52:13 - Godigo dwagi yai po buku

¹³ Tama agai te augwaligo Genuai Bidiba lotu wabo tempel be, me te Juda kingo be, me te Jerusalem gegunai bidi dabego be, tigidali isigo ula silali. Te genuai dila pai be me deli digi te Babilon dabego me ulubeo.

Jeremaia 52:13 Referans Kwoze

Maika 3:12

Tialima, te tobolu bidi dabe me, pris me profet, te duga yali sęde naga te Godigo Jerusalem dolaibao wali. Te Jerusalem tigidali nai doado bage te dolama, tama te pobele bage hogomu pesage holobo tiwai yaibao wali. Tama Saion te olo tǫ pedelama, te bidi dabego tede te gi nai bulaibao wali. Tama te bulu dude te dasu nosai pedelaibao, te Godigo be elalubo madi tiaibao wai dao.

Godigo Nogi Ugwaba Sabo Tęąbi Po Wabo Buku Dabe 79:1

God, te gasa hani dabe dago tǫba asalio, tama augwaligo te naga we bidi dabe da dali hwįani ebao. Augwaligo te nago tedali wiegi yai be dwai ilama, tama meda mu pedelali. Tama augwaligo te Jerusalem dwai mu ilama, dolalio.

Tuni Bidi Dabego Po Elalubo Buku Si 36:19

Tama te Babilon ami bidi dabego Genuai Bidigo be sia uluyu, me kingo be me sia uluyu, me Jerusalemde genuai genuai be dabe sese tama isi ulali. Tama augwaligo te taunde tigidali wiegi wiegi yai nai dabe sese tama dolama tagaliyu, me te taungo obo aluama tagaliyu yali.

Amos 6:11

Magi baso meni. Genuai Bidigo po obaso, te tigidali genuai be me, dwasianu be dali, te subigila todogola pelama, olo pobele bage hogomu pedelaibao.

Amos 2:5

Tialima, eno isi te Juda tǫba tula palama, te Jerusalemde bomai be dabe isigo dela silimainu ilaibao,” te po wai dao.

Te We Bidi Dabego Jerusalem Hagede Gela Wali 2:7

Genuai Bidigo te aga tempel be, me tede elaluali ofa maiabo altaba tudi mu ola mani. Agai te boi bidi dabego te Jerusalem taun siyu, me agai tempel be hųgiyu emainu sula tagalalio. Tama me te boi bidi dabe augwali te Genuai Bidigo tempel be tomoba pelama, tama augwaligo te be tomode subigila hae me po dabe wali. Polobadu dago tede wiegi yai homu eyu, Godiba lotu po wedu geai goli, megi da, augwaligo hae bomonama wedu geai. Magi baso meni, augwaligo te be sai dao.

Te Israel me Juda Hani Sigo Tuni Bidigo Po Elalubo Buku Si 25:9

Tama agai te Genuai Bidigo tempel be me, tama me te Juda hanigo king bidigo be me, tama me te Jerusalemde bidibo genuai bidi dabego be dabe tigidali sia tulama, tama siago dela pela silali. Te Babilon hani augwaligo mu te be me tulube.

Matyu 24:2

Tiali goli agai po augwalibolo wei ponoyu, te po wai, “Awe, dagego te haniani be dabe tigidali suao. Eno mu po dagebolo obao, augwaligo e gasa masigi daide ugwadu manama elalubo masigi dabe, te me gogolama me sula tagalogobeo. Te tigidali augwali pebedelama, te tǫba aiyaba sąsąwaibao.” Jisasgo te po wai.

Sekaraia 11:1

Dage Lebanon, dagego da te isi aselama te dagego ni sida dabe ulagasomainogo sula tagalao.

Esekiel 24:21

te dage Israelba te po pusao wali, Godigo te tama po wali, ‘Dagego God eno moni tempel bede wiegi yai homu pemene eyu, tama dagego te po weyu, te bomai dila pai be mu da, wali. Tama te be dagego godolo mu ebao. Tiali goli, eno te be dolaibao. Te dage hani wai dabe te Jerusalemde me bidalubo te boi hwįnama dolaibao.

Jeremaia 38:23

Eno te na subaso, te eno koneani, mu tama, te Babilon dabego nago we wai tigidali sela paibao. Te nage me augwalide wi pabo me usu egobeo. Menio. Te Babilon kingo nage pageabi yaibao. Nago te Genuai Bidigo po sela sąbaso da, teda Babilon dabego te taun siago ulaibao,” Jeremaiago te po wai dao.

Jeremaia 34:22

tialima, ena Genuai Bidi, te eno po obaso, te augwali ma aselama, te Jerusalemba hwįnama, te taun saibao. Tama augwaligo te taun siago ulaibao. Tama eno te Juda taun tigidali dolama, tama te taun dabe olo elalu, tama bidi tede me bidigobe dao,” wali.

Jeremaia 22:14

Agai te tama po waibao, ‘Eno te be moni bage sę yaibao. Tama te bede te genuai be habu ugwadu elalueibao.’ Agai te be windo genuai nigilama, te agai te wiegi yai ni nami sida dabe selama, te be daga badu payali. Tama aga te wiegi yai mama yai pengo au ilibo dao.”

Jeremaia 7:14

Mu dao, eno te tempel be dąį ilali, te dagego enaba lotu weyu, te dagego konealubo homugo te bego dage tau selama, bugagia bidimainu homu yali. Tialima, ena, Genuai Bidi, eno po dolo dagebolo obao, eno te be dolaibao, eno te Silode ena te be dolali tobage kolesaga tiwai yaibao. Tama me, te eno duga wąį nǫų dabeba mani tǫ me dolaibao.

Te Israel me Juda Hani Sigo Tuni Bidigo Po Elalubo Buku Deli 9:8

Megi da, te tempel bego genuai nogi elalubao, tiali goli te dolaibao. Tama tedu asobo bidi augwaligo sueibao. Te augwali midigi dwai mu selama, te moni wi mu yaibao. Tama augwa te kęnę po waibao, ‘Magi baso Genuai Bidigo te tǫ me, te be dolaliwe?’

Jeremaia 6:5

‘Tagalao. Augwaligo augwa digi seselalumainogo eyu, augwaligo te masigigo nigai boma pai genuai be dabe elaluali goli, dago hulide pelama, te be dabe dolinao,’ te po waibao,” wali.

Jeremaia 21:10

Ena Genuai Bidi, eno po dolo obao, eno te Jerusalem bugagia elalumainaohomu me egobeo. Menio. Eno te taun dolabo homu ebao. Eno te Babilon kingo te taun somainogo yaibao, te agaiaga ami dabebolo te taun isigo ula olama, tama te tauntigidali mu dolaibao,” te po wai dao.

Jeremaia 21:14

Ena Genuai Bidi, eno po dolo obao, te eno dwai dene dageba mawaibao, te duga yali dwai kolesaga wei ponaibao. Te eno te Jerusalem taunde sia pedalumainu ilaibao, te moni bulu tomode isi dabo tiwai eyu, tama te isigo kingo be deyu, te Jerusalem tigidali be daibao,” te po wai dao.

Jeremaia 32:29

te augwaligo isi nogolama, te taun siago tigidali ulaibao. Tama te isigo te we bidi ugwaba holama, augwa be pedude te wiegi yai denami ilibo ofa te tibo god Balba iduali alta isigo daibao, te gasa god dabeba te wain ofa geludali. Tama te kolesaga idualigo te we bidi augwaligo ena haliga sębę dwai mu iliduai dao,” wali.

Te We Bidi Dabego Jerusalem Hagede Gela Wali 2:5

Genuai Bidigo Israel dabe dali boi bidi homu elama, tama augwaligo kantri mu dolama, tagalalio. Awe, agai bomai taun dabe doliyu, me augwaligo te wiegi yai bomai be dabe aluama, tagaliyu yalio. Te tigidali Juda bulu sese tamade agai te we bidi homu sęgę emainu mu ilama, tama augwali gela geninama mu uduali.

Te We Bidi Dabego Jerusalem Hagede Gela Wali 2:6

Genuai Bidigo aga tempel be mu dolama, mu tagalali, te bidigo te gi be dolama, hųgila tagalabo tiwai tama yalio. Agai te Israel dabe augwali teba pelama, tama agaba augwaligo lotu po wagi pabo digi dolama, tagalalio. Tama te tiali kolesagago te Genuai Bidigo te lotu po wabo genuai sogo, me Sabat, si tama silalio. Tama te we bidi, augwali te Jerusalemde bidali we bidi, augwaligo agaba te lotu wabo sogo dabe ma lotu weyu ebeo. Genuai Bidigo te king me, pris dabe dali, agai sębę genuai mu yalio, tama agai augwali augwa sęde sela sąwanio.

Esekiel 16:41

Tama te abagi dabego nago be dabe isi ulaibao. Tama te we hauwago nageba te ebo sę augwaligo sueibao. Nago te dwai kolesaga ebo eno mu silimai hagede ebaso, tama nago te bidi dabe nage dali piagasomainu homu bega sabo sę me egobeo.

Te We Bidi Dabego Jerusalem Hagede Gela Wali 2:8

Genuai Bidigo te genuai wiegi yai taun Saiongo masigigo nigai boma pai obo aluama, tagalabo homu yalio. Agai te obo bugagia mu usu sai, te obo dolai hagede. Tama agai te sę ebode gagamua sabeo. Agai te tigidali badu te obo dabe dali, te bobobage taua be dabe dali, te sese tama mu dolama, tagalali, tama sese tama mu dolama, mu elalubao.