Jeremaia 52:10 - Godigo dwagi yai po buku

¹⁰ Te Babilon dabego te Sedekaiago ogwa dabe me, te Juda tobolu bidi dabe me selama, te augwaligo augwali te Riplaba odasa asai. Tama te bulude Nebukatnesargo po obaso, te augwaligo te Sedekaiago ogwa dabe te Sedekaia aga gedude ela muai. Te augwaligo Juda tobolu bidi dabe me ela muai dao.

Jeremaia 52:10 Referans Kwoze

Jeremaia 22:30

Genuai Bidigo te tama po wali, ‘Te bidide po te tiwai asęao. Te bidi te wai meni yai bidi tiwai elaluali. Tigidali sę agai ebo te wiegi yai me pedalugobeo. Magi baso meni, te aga wai hani dabe me deligo te aga sę yali pesage selama, te Devitgo sia kingde dulalu, te tǫ kantri Juda tonalugobeo,’” wai.

Te Israel me Juda Hani Sigo Tuni Bidigo Po Elalubo Buku Si 25:7

Te Babilon hani ami bidi dabego te king Sedekaiago ogwa dabe me oda sali, tama augwaligo te Ripla hanuba augwali odasa asali. Tama te bulude te king Nebukatnesargo te po wai, tama te augwaligo te king Sedekaiago ogwa dabe te augwaligo te augwa aya Sedekaiago gedugo tonalubadi yaide, augwaligo ela muani. Tama te kingo te po wali, tama augwaligo te king Sedekaiago gedu ge si dia sąyani. Tama augwaligo aga nogo sągą dabe te aligabo bonogo dunama, tama te Babilon buluba kalabusiba mugi pali.

Bomai Po 28:34

Tama tialima, dagego te dwai sę dabe sulama, tama dagego homu kolesaga kone mu tųą paibao, tama meba te polobo bidi pedelaibao.

Tigidali Nai Gagalama Nigali Side 44:34

Tama te wai ena dali ma pisąbaso da, ena te aya pageba ma pogobeo. Eno te tiwai sęgę te eno ayaba pedalubo te eno homude hagela yaibao,” Judago te Josepbolo te po wali.

Tigidali Nai Gagalama Nigali Side 21:16

Tama aga digibulu gana duagi pelama, homu kone palali, ‘Eno te wai isibo subo te ena hagelabo,’ te homu yai. Aga tede dulaludubadi, tama ogwa gela walio.

Esekiel 9:6

Tigidali monu dabe ela muao, te tigidali gesi ogwa bidi me, gesi wegi ogwa we me ela mubadi yao, te ida dabe, te wai puluba me, tigidali mu elao. Tiali goli, dagego te eno augwali gesabidide dąį ilali bidi ma we me deli, te munu me elamuo. Te eno bede bidibo bidi dabe augwali bolo hasia ela muao,” wali. Tama tialima, augwaligo te sę gagalama, hasia augwaligo te Godigo be pąde bidibo tobolu bidi dabe ela muai dao.

Jeremaia 34:21

Tama me, eno te king Sedekaia dali, te aga ofisa dabe dali, te augwali ela muabo boi bidi nogoba mueibao, te Babilon kingo ami dabe nogoba mueibao. Mu tamao, te Babilon dabego dage tagalama palio,