Jeremaia 52:1 - Godigo dwagi yai po buku

¹ Te Sedekaia Juda king pedelali sogo, agai kibu be te 21 yia elalubadi, tama aga te Jerusalem king bidali te kibu be 11 kibu be bidai. Aga ida, te Hamutal, te gasa Jeremaiago wegi, aga te Lipna taun we me deli dao.

Jeremaia 52:1 Referans Kwoze

Te Israel me Juda Hani Sigo Tuni Bidigo Po Elalubo Buku Si 24:18

Te bidi Sedekaia agai kibu be te 21 kibu be elalubadi, tama aga te Juda hanigo king bidi nigilali. Tama aga te Jerusalem taunde aga king nigilama bidali kibu be te 11 kibu be bidai. Aga ida nogi da, agai nogi Hamutal, Jeremaiago wegi da, aga aya te taun Lipna bulu bidi da.

Josua 10:29

Te silama nosali, Josua aga ami bidi dabe dali augwaligo te Makeda hanu tagalama, te Lipna hanuba pelama, tama augwaligo te hanude bidibo bidi dabe augwali dali hwįgi palio.

Tuni Bidi Dabego Po Elalubo Buku Si 36:11

Te Sedekaia aga king pedelali sogo agai kibu be 21 elaluali, tama aga Jerusalemde king bidibadi nogo si olama deli tama kibu be bidali.

Te Israel me Juda Hani Sigo Tuni Bidigo Po Elalubo Buku Si 8:22

Tama tialima, te Juda dabe augwaligo te Idom hani aiyaba me elalube, tama tialima, te Idom hani augwa digi augwa bulu tonalu bidali, tama bidada asu, megi tama te po asębo bodoluba usu nagasali. Tama te tibo bodolu sogo te Lipna hanude bidibo we bidigo me te po sela sąbo kolesaga eyu, te hagoma yali, tama augwali te Juda hani dologode munu me bidibeo.

Josua 15:42

Te e tama hanu dabe me elaluali, Lipna, Eter, Asan,

Te Israel me Juda Hani Sigo Tuni Bidigo Po Elalubo Buku Si 23:31

Te bidi Joahas aga kibu be te 23 kibu be usu nama, tama augwaligo aga te Juda hanigo king bidi nigilama bidali. Tama aga te Jerusalemde king bidi nigilama bidali, polua sela digi bidai. Aga ida nogi da, Hamutal da, te we aga bulu te Lipna bulu taun bidi Jeremaiago wegi da.

Aisaia 37:8

Te Asiria ami ofisa bidigo po odali, te king Senakeripgo te taun Lakis taga pali po odali. Tialima, te ami ofisago te Jerusalem taga peyu, ma begasa pelama, tama te king te taun Lipnade boi hwįdubadi suali, tama aga pelama, aga sugi palio.

Jeremaia 21:1

Genuai Bidigo po Jeremaiabolo mawai, te king Sedekaiago bidi si agaba tagala palali sogo. Te bidi si nogi e tiwai, Pasur, aga te Malkiago ogwa, te pris Sefanaia, aga te Maseago ogwa. Augwali sigo Jeremaiabolo e tiwai po walio,

Jeremaia 51:59

Te kibu be me si me side te Sedekaia Juda king bidali sogo, Jeremaiago po me deli Babilonba ola tolali. Te sogo king Sedekaia Babilonba pai hagede yali, te Seraia, aga ofisa me deli, te aga dali painogo yali. Seraia aga te Neriago ogwa, te Maseago wąį nǫų dao. Tama Jeremaiago po Seraiabolo mawai dao.

Te Israel me Juda Hani Sigo Tuni Bidigo Po Elalubo Buku Si 25:1

Te king Sedekaia agai homugo te Babilon king bidigo aga tonalubo hagela yali, tama teyu, aga te Babilon hanigo king aga dologode munu ma bidigobe homu yali. Tama tialima, te king Sedekaia agai kibu be te te 9 yia, te ugwadu polua nogo si, te 10 mun, tama te king bidi bidali, tama te nogo si wabo poluade te dei nogo si dei, te Babilon king Nebukatnesargo te agai te tigidali ami soldia bidi dabe selama, tama te Jerusalem bulu taun bologobea sagaselama, tama augwaligo te taun sainogo te boi hwįani. Tama augwaligo te Jerusalem taun bologobea selama, tama augwaligo te tǫ selama, te taun obo pąde munama, tama du ilali, tama augwali teba doligiluama, boi hwįainogo tama tiai dao.

Jeremaia 39:1

Te nogo si polua, te kibu be 9 te Sedekaia Juda king bidali sogo, te Babilon king Nebukatnesargo aga ami tigidali selama, te augwali aselama, Jerusalem bagulama, te taun sainogo boi hwįanio.

Habakuk 1:17

Te Babilon dabego augwa boi bidi dabe hobede dwasianu me ebo menio. Tiali goli, Genuai Bidi, nago augwaligo hwįnama, tama meba kantri dabe dolomainu sesemane sogo sula tagalaiba, agawe?