Jeremaia 51:61 - Godigo dwagi yai po buku

⁶¹ Tialima, Jeremaiago Seraiabolo e tiwai po wai, “Nage te Babilonba sabalobo sogo, nago te po tigidali te we bidiba nedao,” wali.

Jeremaia 51:61 Referans Kwoze

Kraisgo Geme Dualali Sę Pedelabo Po Jonbolo Ola Mani 1:3

Eno e po asęani, te nosali gana pedalobo sę po dao. Tama e asęani po gasa we bidibolo nedebo bidi, te bidi dwagi yai homu pemene eyu, bugagia bidaibao. Tama aga nedebo po odobo we bidi me, augwaligo te asęani po odama, tama wali pobaso da, teda augwali me dwagi yai homu pemene eyu, bugagia bidaibao. Magi baso meni. Te sę pedalobo sogo pąba yagasai dao.

1 Tesalonaika 5:27

Ena da te Genuai Bidigo po sela pabo bidi dao. Tama tibaso, eno dage dali e po obao, eno te asęani po te tigidali abagi dabe augwali dali nedao.

1 Tesalonaika 4:18

Te sę pedalama, tama da tigidali te tiwai bidaibao. Tama tibaso, dage tomode we bidi meba augwali isibaso, dagego te pogo duga hasi tau siyu, duga homu dąų walao.

Kolosi 4:16

Dagego e pas nedelama, tama dagego te Laodisia hanude bidibo Godigo po odobo we bidibolo tolao, augwaligo me e po nedemainogo eyu yao. Tama eno te Laodisia we bidibolo asęna tolali pas po, te dagego me selama nedao.

Dwagi Yai Gesi Po Makgo Asęani 13:1

Jisasgo te Moni Lotu Be tempel tagalama sobadi, tama aga wali pabo bidi me deligo agabolo te po wali, “Tisa, po ola mabo bidi, te e Moni Lotu Be tempelde elalubo genuai genuai masigi me te masigigo nigali wiegi wiegi yai be dabe elalubao suao,” te po wali.

Matyu 24:1

Jisasgo te Moni Lotu Be tempel tagalama pobadi, tama aga wali pabo bidi dabe augwali aga pageba asai. Augwaligo te tempel bego haniani be dabe agabolo ola mawainu yai.

Jeremaia 51:60

Jeremaiago te dwai sę tigidali Babilonba pedelabo po asęai, te Genuai Bidigo agaba mani po dabe dao.

Jeremaia 51:62

“Tama nago e tiwai gedu haluasa po wao, ‘Genuai Bidio, nago te po wai dao, nago te tǫ kantri dolama, te bidi me deli, ma te hasa me bidigobeo. Te sesemane sogo te bulu olo elaludaibao, nago te po wali,’ tama wao.