Jeremaia 51:46 - Godigo dwagi yai po buku

⁴⁶ Dagego haliga dwagila midigi selama, dage te tǫde haniani po dabe sabilibo odama, te dage wi me igio. Te kibu be me delide gasa po pedalu, te gasa kibu bede gasa po pedalu yaibao. Te genuai boi hwįbao weyu, te king mego te gasa kingba hwįbao te po augwaligo waibao.

Jeremaia 51:46 Referans Kwoze

Aisaia 19:2

Tama Genuai Bidigo te po wali, “Te eno te Isip dabego homu hogodolama, tama Isip dabe augwa hasi ma hwįaibao. Te ama hasi ma hwįyu, tama yaibao. Te Isip hanu dabe aga hasi ma hwįyu, tama yaibao. Tama te provins dabe aga hasi tomode ma hwįyu, tama yaibao.

Te Israel me Juda Hani Sigo Tuni Bidigo Po Elalubo Buku Si 19:7

Magi baso meni, ena Genuai Bidi, eno te Asiria king bidigo homu begela tagalama, tama agai po me deli odobo si, teda agai dage tagalama, aga buluba ma begasa paibao,’ wali. ‘Tama aga te Asiria bulude bidibo sogo, tama eno te me badu bidi homu begelama, augwaligo moni ge hwągo aga ela mumai yaibao,’ Genuai Bidi Godigo te tama wali,” Aisaiago te po wali.

Dwagi Yai Gesi Po Lukgo Asęani 21:28

Hasia te sę gagalama pedalubo side, te ebo sogo dage tobolu ugwanu elama, dolaluao. Te side dage Godigo sabo silabo side pąba yagasabao,” Jisasgo te po wai.

Te Israel Tobolu Bidi Dabe 7:22

Tama te 300 bidi dabego te biugel bu wabo te sogo, Genuai Bidigo te Midian dabe esela pabo bidi tiwai ilama, tama augwa abagi dabe ma te bainatgo elali. Tama augwali wi peyu, te Betsita te Serera tǫ pedai badu palio. Tama augwali wi pelama, usu nigi pali bulu te Tabat pąde, te Abel Mehola buluba wi pai.

Jeremaia 46:27

Genuai Bidigo te tama po wali, “Dage Israel, dage Jekopgo hani, dage eno sę bidi me sę ebo we dabe, dage wi me elama, dwai noma me sigio. Mu tama, te eno dage kalabuside bidibo digibulu bulude bidibadi, te eno dage ma saibao. Te dage duga tǫba ma aselama, bugagia bidagameo. Te mena hani me deligo dage wi me iligobe dao.

Jopgo Po Asęani Elalubo Buku 23:16

God Tigidali Bomo Elalubo Bidigo eno bomo silama, tama ena wi mu ilalio.

Bugagia Bidibo Kolesagade Po Asęai Buku 24:10

Te dwai sogogo nage gegelama, tama nago tigi dili te kimi isilibaso da, teda nago bomo te mu meni ebao. (25)

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Jeremaia 46:28

Dage Israel, dage eno hani, dage eno sę bidi, me sę ebo we dabe, dage wi me igimio, magi baso meni, ena Genuai Bidi, ena dage dali bidibao. Eno dage sela sąnama, te augwali dali dage bidigi pali hani dabe te eno augwali mu silimainogo yaibao. Dagego te dwai sę yali dao. Tama eno dage dodolobo sę igi menigi da, te dolo meni da. Tama tibaso, eno dage e tǫde sela sąwaibao. Tiali goli, dage da, eno me siligobeo. Mu tama, eno dwai dene dagebolo mawai, tialima, te eno doloba pai kolesaga wali peyu, te eno dage dodolobo sę yai dao,” te po wali.