Biblia Todo Logo
Bib sou entènèt

- Piblisite -




Jeremaia 51:41 - Godigo dwagi yai po buku

41 Genuai Bidigo e tiwai po wai, “Tigidali tǫde we bidi hanigo Babilonba genuai nogi mawai, tiali goli, te boi bidi dabego hwįagaselama, saibao. Te gasa hani we bidi dabego subaso da, te augwali midigi dwai mu saibao.

Gade chapit la Kopi




Jeremaia 51:41
15 Referans Kwoze  

tama tetigidali not badu bidibo tǫ kantri king dabeba me mobadiyaibao, te augwali digibulu bidibo, ma te pąde bidibome, te tagalao. Eno te tigidali king te tigidali tǫ kantribamenama, te augwali tumainogo yaibao. Tama nosali, te Babilon kingo me tumainogo yaibao.


Genuai hanu Babilon te genuai mu elama, tama sawi mu elama, tama tigidali gasa hanu dabe aiyaba elaluali. Te Babilon bulu we bidi dabego augwa hanugo wiegi yai nogide mu gana pabo dao. Tiali goli, Godigo Babilon dolaibao, te agai Sodom de Gomora si dolali tiwai dolaibao.


Te taun Damaskusde bidali bidi me deligo te po wali, “Te taun da, genuai nogi elalubaso, te ena wiegi yai pemene yali. Tiali goli, te boi bidi dabe teba pedalubaso, te magi baso te we bidi augwali te taun tagalama, wi pabewe?” te po wali.


Tama agai te tama po wali, “Iya, Babilon te genuai taun mu, tama te polalubo mu da. Te ena king bidi ede bidimainu eyu, te eno bomogo digi, eno te taun hodolali, te eno genuai bomo me genuai nogi te tigidali hani we bidiba ola mani dao,” kingo te po wai.


King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.


Agai nago te tigidali tǫde bidibo we bidi hani, me tigidali hasa sibi, me ba sibi, te tonalumainu ebo bidi nigali. Te nade te augwaligo te tobolu golgo nigali tiwai, te nage digi dao.


‘Te tamu ąį pąde bidibo taun we bidi dabe, augwaligo nage dolali po odama, te augwali dwai noma mu salio. Tama augwaligo king dabe me wi umagi mu eyu, te augwaligo gesabidi gasagi yai mu hasegelali.


Eno te Babilon dolama, te masigi du holali pesage naga elalueibao. Te uni yowi dabego bulu pesage dabe naga elalueibao, te bidi tede meni yaibao. Te gasa hani bidi dabego subo sogo da, te augwali dwai noma mu selama, te wi umabo mu yaibao. Augwaligo te Babilonba kęnę po waibao.


Te boi bidi dabego te Babilon sabo sogo, te genuai u pedelama, te tǫ mumunu yaibao. Tama te Babilongo gela wabo te genuai umagia mu pedelama, te gasa hani we bidi augwaligo odaibao,” wai dao.


Babilon te hama me deli tiwaigo te gasa tǫ kantri dabe pepeda sąbo tiwai yali. Tialima, megi da, dage te Babilongo boi bidi dabe, dagego te Babilon pepeda sąnama dolao. Te gasa tǫ pedai kantri hani we bidi augwaligo aga subo sogo da, te augwali midigi dwai mu saibao,” te po wai dao.


Tama Genuai Bidigo te tama tibo si da, dagego te Babilon tuni bidide elalubo po page hanilama waibao. Te hanilabo po da, e tama dao. “Suao. Bomai tuni bidi polo tulalualio. Mena tama tibaso te tobage bomai sę ebo bidi dolaliwe? Genuai Bidigo tama te we bidi dabe dwai sę ilali bagego bomo silalio. Tama te augwali wi mu ilali bidi dolalio.


Tialima megi da, te be te genuai nogi te elalubao. Tiali goli dagego ena tagaliyu da, teda te be dolaibao. Tama te bidi dabe augwali te pesagedu asiyu augwaligo sulama, augwali noma saibao. Tama augwaligo hanalu waibao, ‘Magi baso Genuai Bidi te bulu dali, te be dali si dolaliwe?’ po waibao.


Tama te bulude dabe Genuai Bidigo dage subigila besela pomainogo yaibao. Tialima, te dwai sę dabe dage tigide pedalobo sulama, te we bidi augwali noma dwai mu saibao. Tama nosali augwaligo dage gisugu dwai menama, tama nosali augwaligo dage posobo po waibao,” Mosesgo te po wali.


Swiv nou:

Piblisite


Piblisite