Jeremaia 51:39 - Godigo dwagi yai po buku

³⁹ Tialima, ena Genuai Bidi, eno po dolo obao, te augwaligo dwai kolesaga yabo haliga hogodobo sogo da, te eno genuai nai tuabo daa me deli pedelama, te augwa ąį hauwa tulama, gęǫ eyu, pemene eyu, i hae weyu yaibao. Te nosali augwali mu godege pilama, te augwali munu ma hodalugobeo.

Jeremaia 51:39 Referans Kwoze

Jeremaia 51:57

Te king, agai nogi da Tigidali Bomo Elalubo Genuai Bidi dao, agai te tama po wali, “Eno te Babilon genuai bidi dabe gęǫ page ilaibao, te ofisa bidi dabe, me kolesaga koneai bidi dabe, me gavman bidi dabe, me tobolu bidi dabe, me ami bidi dabe, te kolesaga umuna palobo sę ilaibao. Te augwali mu godege pilama, te munu ma hodalogobeo.

Jeremaia 25:27

Tialima, Genuai Bidigo enabolo te tiwai po wali, “Jeremaia, nago te we bidi hani dabeba te po mao. Ena Israelgo God, ena Te Tigidali Bomo Elalubo Genuai Bidigo eno te tama po dagebolo obao, ‘Dagegotuįyao. Te umabo hauwa tulama, te dage gęǫelama, buguyu, te tǫba tulaluama, te dage munu mahodalugobeo. Magi baso meni, eno te boi bidi dabedageba hwįmainogo tagala palama, te dage dolaibao,’ wali.

Nahum 3:11

Dage Ninive dabe, dage me te Isip dabe yali tiwai pedelaibao. Dage te bomai ąį tulama gęo page ebo bidi tiwai eyu, te dagego homu kolesaga te umuna pelama, te dage tulalueibao. Te dage duga boi bidi dabede wi painu yaibao.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Daniel 5:30

Tialima, te sogo hulide naga tama, te Midia dabe aselama, te Belsasar ela muagasali, te Babilon king dao.

Jeremaia 48:26

Genuai Bidigo te tiwai po wali, “Moapgo ena dali hagoma ebaso, te eno homugo te boi bidi dabego aga elalumainogo homu elama, te aga bomai ąį tulama, gęǫ page ebo bidi tiwai pedalumainogo ilimainao. Te aga bugali bogu daide pila mudu, bebegeludubaso, te bidi dabego aga gisugu momainogo yaibao.

Godigo Nogi Ugwaba Sabo Tęąbi Po Wabo Buku Dabe 13:3

Genuai Bidi, nage eno God da. Nago enade homu koneama, te eno gedu haluasa po wabo odao. Te ena isidali weyu, nago ena dąų ma walao.

Nahum 3:18

Te Asiria genuai king, nago odao, wali. Te nago polalubo bidi dabe me genuai bidi dabe te isalio. Te boi bidi dabego nago we bidi dabe sela sąnama, subigila te bulu duba tedela palama, tama augwali te augwa buluba ma sela asabo bidi deli te meni yanio.