Jeremaia 51:33 - Godigo dwagi yai po buku

³³ Tigidali Bomo Elalubo Genuai Bidi, aga Israelgo God, agai e tiwai po wali, “Te boi bidi dabego Babilon agabo te bidigo tubo nai wit agabo tiwai yaibao. Bidigo te tau yali nai togobo tiwai eyu, te boi bidi dabego Babilon togolama, dolaibao. Tama te sę yabo sogo pąba pedelalio,” wali.

Jeremaia 51:33 Referans Kwoze

Aisaia 21:10

Eno we bidi dabe, hobede ya, te boi bidi dabego dage te bidi dabego wit elebo tiwai yalio. Tiali goli, megi da, eno te God Tigidali Bomo Elalubo Bidigo mani po dagebolo pusubao. Aga te Israel dabego God dao.

Joel 3:13

“Te hani we bidi dabe te dwai mu dao. Te augwali te bidigo inawai tau yai wit nai togobo tiwai togwao. Te augwali bomonama agawaibao, bidigo te wain wai ge du te sągągo agabo tiwai yao. Te halobage tiwai nai te mu pągąna pelama, te wain ąį buluba gelaibao. Tialima, te hani dabe mu dolaibao,” wai dao.

Hosea 6:11

“Tama dage Juda me, te eno dagego yali sęde te dwai dene maiabo sogo bodolu muai dao,” Genuai Bidigo te po wai.

Maika 4:13

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.

Matyu 13:39

Te boi bidigo dwai noswai ge tedela bilagasali, te bidi da Satan dao. Te nai sabo sogo bodolu wali, te e tǫ silabo sogo dao. Te gi nai sabo bidi dabe augwali da, te Godigo sę ebo ensel mobo bidi dabe naga dao.

Matyu 13:30

‘Dagego te si dali si holomainao, te si holama, tama te nai sabo sogode te usu naibao. Tama te nai sabo sogo eno te nai togwa sabo sę ebo bidi augwalibolo te po waibao, “Dagego te dwai noswai bolo hasia sisinama, tama dunama, siade ulainogo kęnama muao. Tiali goli, dagego te wit da, te te sisinama te eno nai mubo beba muao,” eno te po waibao,’ te bidigo te po wali,” Jisasgo te po wai.

Habakuk 3:12

Nago wado homu ebo genuai mu te tigidali tǫ kantri bulu we bidi dali elaluali, tama nage te tǫ daide ugwadu biliyu, tama tigidali bulu we bidi agawalio.

Amos 1:3

Genuai Bidigo wabo po e dao, “Hauwa sogo te Damaskus hanu we bidi, te Siria tǫ kantri bage, augwaligo dwai sęgę sabo sę idu geai. Tebode augwaligo dwasianu toma me nabeo. Menio. Augwaligo te Gileat tǫ we bidi dabe dali dwai sębę eyu mu dolali, tialima, mu tama, eno te Damaskus dabeba dwai dene mu mabo sę yaibao,” wali.

Aisaia 18:5

Te mu tama, megi te bulu te ni wain bomona holama, tama dudili elama, tama telega pelama, te wain du tau yabo magą ebo tiwai dao. Tialigo Genuai Bidigo te bulu dolaibao, te bidigo sębę elama, te ni wain nologo te wain du tau isąbadi toga sabo tiwai yaibao, te nedu du sabo magą isąbadi toga sabo tiwai yaibao.

Aisaia 47:1

Genuai Bidigo te tiwai po Babilonba wali, “Babilon, nago genuai nogi mu elalubo, te kwin we aga sia kingde dugulalubo tiwai ebao. Tama nage te gesi wegi bidigo sisąwai bugagia mu bidibo tiwai ebao. Tiali goli, megi da, te nage sia kingde bidali tagalama, te nage olo tǫ bulude dugulalueibao. Te nago tigi te polobadu elaluali tiwai gilama sawi yai me elalugobeo. Tama te bidi dabego nage te au bugagia elama, bilibo ma sugobeo. Mu meni yaibao.

Jeremaia 51:32

Te boi bidi dabe augwaligo te ąį nogebo pesage badu selama, te ąį pude sigi dili dabe isi ulali. Tama te Babilon ami bidi dabe wi dwai mu elama, te esela pabo bidi tiwai elama, umuna sai dao. Te po sela pabo bagego te sę yali po te kingba wagi pidu gebao.

Maika 4:12

Tiali goli, te hani bidi dabego te Genuai Bidigo homu kolesaga konesąwai. Te Genuai Bidigo augwali sisinama, te augwaliba dwai dene maiabo te augwaligo konesiąma wali, te bidigo te bo elalubo wit sisinama, te agaga pelama, te wit nai ge sainu ebo tiwai gilama yaibao.