Jeremaia 51:32 - Godigo dwagi yai po buku

³² Te boi bidi dabe augwaligo te ąį nogebo pesage badu selama, te ąį pude sigi dili dabe isi ulali. Tama te Babilon ami bidi dabe wi dwai mu elama, te esela pabo bidi tiwai elama, umuna sai dao. Te po sela pabo bagego te sę yali po te kingba wagi pidu gebao.

Jeremaia 51:32 Referans Kwoze

Jeremaia 51:30

Te Babilon ami dabe augwaligo te boi hwįbo tagalama, te hwįbo bomai be tomode bidibao. Tama augwali te we dabe sibi tiwai pedelama, te augwaligo bomo menia sai. Te boi bidi augwaligo te Babilon be dabe isigo ulama, te aga bomai sunumi dabe elaluali, te aluama besela sai dao.

Aisaia 44:27

Eno te po wabo sogo, ‘Tamu ąį, nage sula sao,’ obaso da, teda aga te sula sabo dao.

Aisaia 47:14

Tiali goli, menio. Augwali te sasia pai nosai tiwai elalubao, te nage dolainu ebo siago te augwali tigidali daibao, te augwa digi augwa tau me sogobeo. Mu tamao, nago homugo nage te isi pąba duagi pelama, sia gogo naiba homu me egobeo. Menio. Te siago nage tigidali daibao.

Jeremaia 51:31

Te po sela pabo bidi dabe deli deli udulama, te Babilon kingba waligibu, te boi bidi dabego agai taun pedai tigidali badu sai dao, te po pusudu gebao.

Jeremaia 51:33

Tigidali Bomo Elalubo Genuai Bidi, aga Israelgo God, agai e tiwai po wali, “Te boi bidi dabego Babilon agabo te bidigo tubo nai wit agabo tiwai yaibao. Bidigo te tau yali nai togobo tiwai eyu, te boi bidi dabego Babilon togolama, dolaibao. Tama te sę yabo sogo pąba pedelalio,” wali.

Jeremaia 52:7

Tama te dei wabo side Babilon augwaligo te masigigo nigai genuai obo habu me deli badu aluama, te Jerusalem tomoba pali. Tialima, te king Sedekaia dali, aga ami bidi dabe me, te Jerusalem tagalama, wi palio. Te hulide augwali pelayu, te kingo giba sabolama, tama augwa te obo ununani sunumidu taun taga soali. Te hauwa Babilon augwaligo te Jerusalem obo bagulali sę elalubadi, te Jerusalem ami bidi dabego Jerusalem tagalama, wi pelayu, te ąį Jordan odogo malu pesage buluba pabo sunumi wali pai dao.