Jeremaia 51:3 - Godigo dwagi yai po buku

³ “Dage Babilongo boi bidi dabe, dage boi hwįabo te hagawia seselalubo nai sisilama, te duga enesigi kekelama, te Babilon ami gesi bidi tigidali enao. Dagego augwali me deli gogologobeo. Menio. Augwali tigidali mu ela silao.

Jeremaia 51:3 Referans Kwoze

Jeremaia 50:14

Genuai Bidigo te Babilongo boi bidi dabeba e tiwai po wali, “Dage te enesigigo ene enebo mu konea pai hani dabe, dagego te genuai taun Babilon bagulama, te lain wasilama, boi hwįao. Dagego enesigi umagia kekelama, te ene hauwa agaba enao. Dagego te taunba umabo sę mu yao, magi baso meni, te Babilon dabego ena Genuai Bidiba dwai sę ebo dao.

Jeremaia 46:4

“Dagego kibu hos dabe dodolao. Te dage hosde dugulama, hwįabo ami dabe, dage te duga hos dabede dugayao. Dagego duga kapago nigai madi munama, te lainde wasilama, te hwįabo sisilaluao. Te duga ene dabe dodolama, te dage deli deligo te kapa holobo ugwa gudama, bidao,” wali.

Jeremaia 50:21

Genuai Bidigo te Babilongo boi bidi dabeba e tama po wali, “Dagego te Babilon augwaliba hwįgi pao. Te Merataim tǫ, me Pekot tǫ, te bulu si we bidi dabeba hwįao. Te augwali elibo sę umabo eyu, te augwaligo nai doado bage dolao. Dagego eno po tigidali wali piąo.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Jeremaia 50:27

Te Babilon bomai ami tigidali ela silao, te bidi dabego te bulmakau omai dabe ela wialubo tiwai yao. Tigidali dolomainao, magi baso meni, te Genuai Bidigo augwaliba dwai dene mabo sogo te pedalubao.

Jeremaia 9:21

Magi baso meni, isibo daba pedelalio, te dago be sunumidu tomoba asali. Te da genuai bidigo bede bidibadi me, ma te olo bidigo bede bidibadi me, te tagalao. Te isibogo da me ela soagobeo. Isibogo te wai puluba sunumide gagali idubo, me te gesi ogwa bidi te bidi sisinibo pesageba sabolama, te isaibao.

Godigo Nogi Ugwaba Sabo Tęąbi Po Wabo Buku Dabe 137:9

Te bidigo te nago dwasianu wai puluba dabe selama, tama augwali te masigiba aiya sąnama tama augwali mu dolagameo.

Bomai Po 32:25

Tama genuai wąbi hwįbo si asobo suaibao. Te tama tialima, augwali sunumide bidali da, te boi bidi dabego augwali elama, isilaibao. Tialima, augwali bede geme dualaluyu da, augwali wi dwai mu yaibao, tama augwali me isaibao. Te boi bidi dabe augwaligo augwali sese tama ela isila silaibao, te gesi bidi, me gesi wegi, me wai bǫų dabe, me polo monu dabe me ela silaibao.

Jeremaia 51:53

“Babilon te dagaluba ugwanu dąį mu igulama, te boi hwįbo bomai pesage nigali da, tagalao, eno te nai dabe dolabo bidi augwali tagala palama, te augwaligo aga doligi dao. Ena Genuai Bidi, eno te po wai dao,” wali.