Jeremaia 51:29 - Godigo dwagi yai po buku

²⁹ Genuai Bidigo te Babilon dolabo po mia selama, te olo tǫ bulu pesage elalueibao, tama tede bidi me bidigobeo. Genuai Bidigo te sę ebaso, te tǫ mali umagi mu yaibao.

Jeremaia 51:29 Referans Kwoze

Jeremaia 51:43

Te agai taun dabe tigidali mu dolama, te bulu tǫ kantri olo masigi kemi bulu pesage tiwai pedelaibao. Tama bidi me bidalugobeo, tama bidi augwali tede munu me biligobeo.

Jeremaia 8:16

Te boi bidi dabe te Dan hanigo tǫ te not badu pedelama, te dago odali, te augwaligo hos dabe te homu hę bomonama mu wabo odali. Te hos dabe ga wabogo te tigidali tǫ pedai mumunu yalio. Te boi bidi dabe asiyu, te taun Jerusalem dolama, tede bidibo we bidi me dolainu yali, te dago tǫde elalubo tigidali nai mu dolama, silainu yai dao.”

Amos 8:8

Tama tialima, eno te tǫ mali ilama, te tǫ kantri we bidi tigidali wi dwai mu ilama, gela ola paibao. Te tǫ kantri tigidali badu dwai noma saibao. Te tǫ ugwadu samonama, ma tulalu, te Isip wę Nail asama, te wę bo dabo tiwai elama, te ma kekasa pabo tiwai yaibao.

Jeremaia 50:45

Eno te tǫ kantri Babilonba yabo sę homu kone palali elalubo, tede elalubo po te bugagia olo muao. Eno te tigidali we bidi me wai puluba dabe sela sąwaibao, te laiongo sipsip tigidali ela munama, te augwa tigi kekasa pabo tiwai yaibao. Te Babilon tǫ digi eno te ebo sęde dwai noma mu saibao.

Jeremaia 50:13

Ena Genuai Bidi, eno dageba haliga sębę umagi mu elama, eno te tiwai sę ilibaso, te dagego tǫ kantri dolama, tede bidi me bidigobeo. Te gasa hani bidi dabe teba pedalubo sogo, te augwaligo dage Babilonba pedelali dwai sę sulama, te augwali midigi dwai mu elama, nogo hogwayu, te wi umagi mu yaibao,” te po wali.

Jeremaia 10:10

Tialima, Genuai Bidi, nage God mu dao. Nage sesemane bidibo God, te nage sesemane sogo king bidaibao. Te nago haliga sębę ebo sogo da, te tǫ mali eyu, te we bidi hani bugagia me bidigobeo.

Kraisgo Geme Dualali Sę Pedelabo Po Jonbolo Ola Mani 18:2

Agai i genuai bomo elama mu weyu, te po wai, “Dolalio, dolalio, te genuai hanu Babilon mu dolalio. Megi te bulu te dwai haubo noma bidi dabego bulu pedalama bidibao. Te dwai meda yai mobo bidi dabe me augwali tede bidibao. Te meda yai ba dabe me, te dwai bulude bidibo ba dabe me, augwali me tede naga kalabus bidibo dao.

Joel 2:10

Augwali pobadi, te tǫ dali, dagalu dali si mumunu yaibao. Tama giliga dali, polua si, te hulia saibao, tama te hǫ ula ma egobeo.

Jeremaia 50:43

Babilon kingo te boi hwįabo boi bidi dabe asobo u wabo odama, aga te wi mu elama, te aga nogo sągą dili kimi meni yaibao. Aga wi elama, te kone palobo dwai mu yaibao, te wego wai ame nainu tigi dene ebo tiwai mu pedelaibao,” te po wai.

Aisaia 14:16

Te isai bidigo bulude, te isai bidi dabe noma mu saibao, te nage subode. Tama augwaligo nage dolo si mu tonaluama, tama augwaligo augwa hasi nagede hanalu waibao, ‘Aga tama te bidi da, agawe, te tǫ mali ilali bidi, me te gasa bulu tuni bidi dabe wi elama, noma selali bidi aga dawe?

Jeremaia 50:36

Te Babilon tibo profet bidi dabe dolama, augwali te esela pabo bidi tiwai pedalumainao. Te Babilon ami bidi dabe dolobaso, te augwa wi dwai mu yaibao.

Jeremaia 50:46

Te boi bidi dabego te Babilon sabo sogo, te genuai u pedelama, te tǫ mumunu yaibao. Tama te Babilongo gela wabo te genuai umagia mu pedelama, te gasa hani we bidi augwaligo odaibao,” wai dao.

Jeremaia 51:26

Te bidigo selama, aga be sę yabo wiegi yai masigi usu, te nago bulu pesagede deli me elalugobeo. Menio. Te nage mu dolama, te nage tama tiwai sesemane me elaludaibao,” wali.

Jeremaia 51:28

Te tǫ kantri Midia king dabe, me gavman bidi dabe, me augwa tobolu bidi dabe me, te tǫ kantri Midiago tonalubo tǫ kantri we bidi hani tigidali i wao. Te tǫ kantri we bidi hani augwali hauwago te Babilonba boi hwįagasabo sisi yao.

Aisaia 24:20

Aga te polobo bidi ugwaba edaba ebo tiwai eyu, me te dwasianu be te bomai wali ebo sogo uba edaba ebo tiwai yaibao. Te tǫde we bidi dabe augwa dwai sęgęgo yaligo te tǫgo tolobo usu egobeo. Tama tibaso, te tǫ tulaluama, tama te tǫ ma hodalobo usu me egobeo,” eno te po wali.

Jeremaia 51:37

Eno te Babilon dolama, te masigi du holali pesage naga elalueibao. Te uni yowi dabego bulu pesage dabe naga elalueibao, te bidi tede meni yaibao. Te gasa hani bidi dabego subo sogo da, te augwali dwai noma mu selama, te wi umabo mu yaibao. Augwaligo te Babilonba kęnę po waibao.