Jeremaia 51:11 - Godigo dwagi yai po buku

¹¹ Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Jeremaia 51:11 Referans Kwoze

Jeremaia 46:4

“Dagego kibu hos dabe dodolao. Te dage hosde dugulama, hwįabo ami dabe, dage te duga hos dabede dugayao. Dagego duga kapago nigai madi munama, te lainde wasilama, te hwįabo sisilaluao. Te duga ene dabe dodolama, te dage deli deligo te kapa holobo ugwa gudama, bidao,” wali.

Jeremaia 50:45

Eno te tǫ kantri Babilonba yabo sę homu kone palali elalubo, tede elalubo po te bugagia olo muao. Eno te tigidali we bidi me wai puluba dabe sela sąwaibao, te laiongo sipsip tigidali ela munama, te augwa tigi kekasa pabo tiwai yaibao. Te Babilon tǫ digi eno te ebo sęde dwai noma mu saibao.

Jeremaia 50:9

Dagego Babilon tagalao, magi baso meni, eno te not pedai badu te haniani tǫ kantride bomai bidi hauwa hodolama, te augwali odasa aselama, te Babilonba hwįagasomainogo yaibao. Augwali te lainde wasilama, te hwįnama, te Babilon dabe aiyaba elalueibao. Te boi bidi hani augwaligo te enesigigo hwįbo mu konea pai bidi, te augwaligo ene enebo sogo da, te munu me geda mugobeo.

Jeremaia 46:9

Dage eno hos dabe, dage udayao. Dage eno karis dabe, dage umagia mu udayao. Dage eno bomai ami bidi dabe, dage te tǫ kantri Sudan me Libia ami dabe, dage te hwįbo sabele tolasa pabo bidi dabe, dage Lidia ami dabego, dage te enesigigo enebo koneai bidi, dage tigidali te boi hwįgi pao,” te po wai.

Sekaraia 14:12

Te Genuai Bidigo dwai gasi me deli te Jerusalemba boi hwįani bulu tǫ kantri tigidali bidi dabe augwaliba te gasi pedalomainu ilaibao. Te gasi e tiwai da. Te bidi dabe bididubadi digi te augwaligo tigi wali me gedu me hamena me te damueibao.

Sekaraia 14:2

Te Genuai Bidigo digi te tigidali bulu tǫ kantri ami bidi dabe sela aselama, te augwaligo dage Jerusalem dali boi hwįmainogo yaibao. Te augwaligo Jerusalem dabe aiyaba elaluama, tama augwaligo bede elaluali doado bage tigidali saibao, tama augwaligo te we dabeba me dwai kolesaga yaibao. Te we bidi hani dabe me badu bugai te augwaligo selama, te gasa bulu tǫ kantriba kalabus iligi pali, tama te hani me badu bugai te Jerusalemde bidaibao.

Jeremaia 51:24

“Tialima, ena Genuai Bidi, eno te Babilon dabe augwaliba dwai dene mawaibao po obao, te augwaligo Saionba dwai kolesaga tigidali yali wei ponaibao. Te dage Israel me Juda, te eno ebo sę dagego suagameo,” te po wai.

Jeremaia 51:12

Dage boi bidigo, dagego plak ugwa ugwanu sagulama, te boi bidi dabego hwįbo bomo eyu, te Babilon genuai obo alumainao. Te taunde tonaluabo ami bidi dabe muao, te augwaligo sę bugagia mu yao. Te ami dabe geme duala sigi pomainogo tagala palama, te augwaligo Babilonba hwįabo sisi yao po walao. Genuai Bidigo te Babilon we bidi dabeba dwai dene mabo sę umagia mu yaiba wali, te megi da, agai te sę yainogo ebao wali.

Jeremaia 50:25

Genuai Bidigo Babilonde haliga sębę elama, te agai hwįbo nai mubo be te agai sunumi dalama, te boi hwįbo nai doado bage sali. Magi baso meni, God, Tigidali Bomo Elalubo Genuai Bidi, agai te genuai sę me deli te Babilonde yabo elalubao.

Aisaia 46:11

Eno te giliga pedalubo badu bidi me deli asao olama, i wali, agai te ba kemodage bola asobo tiwai yaibao, te agai eno yabo homu yali sę yaibao. Eno te sę yao po walio, te eno po wali tiwai gilama te tama pedelaibao. Te eno yaibao olama, dąį ilali sę, eno te sę ebo dao.”

Aisaia 45:5

“‘Enaduba deli naga ena Genuai Bidi da, te gasa god me bidibeo. Sairus, nago ena konesiąwai, tiali goli te eno naga te bomo nageba mabo dao.

Aisaia 45:1

Genuai Bidigo te tiwai po wali, “Eno te Sairus sa munama, te Persia bulu tǫ kantri king pedalumainu yali, te agabolo eno te gasa bulu tǫ kantri dabe aiyaba elaluama, te gasa kingo bomo dabe silimainu yabo bomo mawai. Ena digi eno te taun obo sunumi dala palama, te Sairus tomoba pelama, te taun somainu elali. Te Sairusbolo eno te tiwai po wai dao,

Aisaia 41:25

“Eno te giliga pedalubo badu bidi me deli hodolali. Te bidigo enaba genuai nogi mobao, tama megi eno te not badu sela aselama, tama agai te king dabe aiyaba elaluama, agayu, te tǫgo sospen sene nigibo bidigo te tǫ agalama, te sospen nigibo tiwai ebao.

Aisaia 21:5

Eno te bidi dabego genuai nai sisi ebo suali. Tama augwaligo moni ugwa name tǫba mubo suali. Tama bidi dabe dualama, nai tuyu, wę tuyu ebo suali. Tiali goli, deli sogo tama bidi mego hąį olo e tama po wagasali, “Te genuai bidi dabe, te boi bidi dabe polo asalio. Te duga hwįbo awa name polo selama, no muao,” wali.

Aisaia 21:2

Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Aisaia 10:26

Ena, Genuai Bidi, Tigidali Bomo Elalubo Bidi, eno augwali bįgo elaibao, eno te Midian dabe te Orepgo Masigi nogi wabo bulude dali tiwai elali. Eno nogo ugwa selama, tama elaibao, te polobadu eno Isip dabe te tamu węde elali tiwai yaibao.

Esra 1:1

Te hasia kibu be tede te bidi Sairus te Persia kantri tǫ pedaide king bidali sogo, God Genuai Bidigo aga homu hodolama, tama agai po me deli walio. Agai te po asęnama, tama agai te tonalubo tǫ pedai tigidaliba tolali. Tama te po sela pabo bidi dabe augwaligo te we bidi dabeba nedemainu yalio. Te sę pedelali, te Genuai Bidigo te polobadu bidali profet bidi Jeremaiabolo po menama, tama Jeremaiago te Israel dabeba pusali po me deli te poba usu nanio.

Tuni Bidi Dabego Po Elalubo Buku Si 36:22

Te Sairus aga kantri Persia king bidibadi kibu be deli wabode, Genuai Bidigo Sairusgo homu hogodolama, tama agai po me wali. Agai te po asęnama, tama agai te tonalubo tǫ tigidaliba tolali. Tama te po sela pabo bidi dabego te po augwaligo te we bidibolo neda mao wali. Te sę pedelali te polobadu Genuai Bidigo profet Jeremaiabolo menama, tama Jeremaiago te Israel we bidibolo pusali poba usu nagasali.

Tuni Bidi Dabego Po Elalubo Buku Deli 5:26

Tama tialima, Israelgo Godigo te Asiria king bidi Pul homu hodolali, te aga gasa nogi me Tiklat Pileser wali. Tama te Asiria dabego te Israel dabeba boi hwįagaselama, te augwali aiyaba elalualio. Tama te Asiria dabego augwali selama, te Hala tǫba kalabus mugi pali, te Habor tǫba me, te wę Gosan pąde te Hara bulu du pesageba pali. Tama augwali tede bidalubadi, te e buku asęani bidi bidali sogoba usu nai dao.

Te Israel me Juda Hani Sigo Tuni Bidigo Po Elalubo Buku Deli 11:23

Te Godigo te Solomonba boi bidi yabo gasa bidi me deli ma pedalumainu ilali. Te bidi aga nogi Reson, te Eliadago ogwa dao. Polobadu Reson te king Hadateser te Soba bulu tǫ bidide sę yali, tiali goli aga wi pelama, tama aga te hwįbo hani bidi, me te nai wi sabo bidi, te polalubo bidi pedelama bidali.

Te Israel me Juda Hani Sigo Tuni Bidigo Po Elalubo Buku Deli 11:14

Tialima, Genuai Bidigo te Solomonba boi bidi ebo bidi me deli pedalumainu ilali. Te boi bidi nogi te Hadat, tama aga te Idom kingo hani bage dao.

Pris Sę Ebo Bomai Po 26:25

Dagego eno dąų wali bomai po kontrak togalio, tama dageba te boi bidi dabego hwįabo sę eno ilaibao. Te dage te genuai taun te bomai obo elalubo tomoba sisinigi pelama, te dage bugagia bidiba homu yaibao, tagalao, te eno dwai genuai gasi dabe dageba tagala palama, te dage we bidi hauwa mu isaibao. Te dage dolobo sogo da, teda eno dage te boi bidi dabe augwali nogoba mawaibao,” te po wai.

Jeremaia 25:25

te tigidali Simri king dabeba, me te tǫkantri Elam, me kantri Midia dabeba mobadi,

Jeremaia 46:3

“Dage Isip dabe, dagego te awa sabele dabe selama, te boi hwįabo sisi yao,” te po wai.

Jeremaia 50:3

Babilon dolaibao, magi baso meni, bidi hani me deli te not badu pedai tagalama, te Babilonba hwįagasu asaibao. Te boi bidi dabego te Babilon mu dolama, te olo bulu pesage pedelai elalueibao, tama tede bidi me bidigobeo. Tigidali bidi me hasa te Babilon tagalama, te wi paibao.

Jeremaia 51:36

Tialima, Genuai Bidigo te tiwai po wai, “Jerusalem, odao. Mu tama, te eno nage tau selama, te Babilon dabego nageba yali dwai sę dabe wei ponaibao. Eno te Babilonde elalubo wę tigidali sula somainogo yaibao.

Daniel 5:30

Tialima, te sogo hulide naga tama, te Midia dabe aselama, te Belsasar ela muagasali, te Babilon king dao.

Joel 3:9

Godigo Joelbolo weyu, te po te tigidali hani we bidiba wao po wali. “Dage te boi hwįabo sisi elaluao. Te tigidali ami sisinagasomainu i olama, te hwįgi pao,” walio.

Joel 3:10

“Te gi tǫ pedebo genuai ain te bainat tiwai pedalumainu halua,” wali, “me te ni nologo togobo hwą haluama, te sesemone tiwai pedalumainu yao,” wai. “Te bomo meni yai bidi me te hogodama, te hwįbo bidi tiwai yao,” wali.