Jeremaia 50:7 - Godigo dwagi yai po buku7 Te subigila bidi hanigo augwali sulama, te augwali dolali. Tama te boi bidi dabego te tiwai po wali, ‘Te dago augwali dolabo page elalubaso, me dolobeo. Magi baso meni, augwa digi te Genuai Bidiba dwai sę yali. Genuai Bidi da, te augwali bugagia toma neyu, bidabo pesage tiwai elalubao. Te augwa wąį nǫų dabego konealubo homu dąų olama, te agai augwali tau somainogo tonaluai. Aga te augwaligo Genuai Bidi dao,’ te boi bidi dabego te po waibao,” wali. Gade chapit la |
Te sipsip kibu aga aya dabego te sipsip kibu dabe ela munama, te tama homu yaibao, ‘Dago dwai kolesaga ebe da,’ te homu ebo dao. Augwaligo te kibu migo mone selama, tama augwaligo te po wabo dao, ‘Te Genuai Bidigo nogi ugwaba sinao. Da te mone bidi pedelalio.’ Te sipsip kibu dabe tonalubo bidi dabego me te augwaligo sipsip kibu dabe elebo homu dene me ebo menio,” wali.
Israel hanigo God, aga Tigidali Bomo Elalubo Genuai Bidi, agai te tiwai po wali, “Nosali eno te kantri Juda bugagia elalumainogo yaibao, te Juda dabe augwatǫ te augwa taunde bidaibao. Te augwa te po waibao, ‘Nage Genuai Bidigo bulu du, Genuai Bidi nagede bidiyu, te wiegi yai doloba pai kolesaga mu ebao. Genuai Bidigo nageba wiegi yai sę bugagia mu emainao,’ te po waibao.
Polobadu ena we bidi dali sębę dwasianu yai dao, tama gasa hani bidi dabebolo augwali dene magasao po wai dao. Tialima augwali aselama, tama augwaligo eno we bidi dwasianu gana me dolobeo. Menio. Augwaligo te magi edelama, tama augwali mu tama mu dolama tagalalio. Tama tede megi te kantri dabe augwali bugagia bidiyu augwali sęgę meni yai goli, eno augwali dali sębę dwai mu ebao.
Tama nago dago dwai sę, me dwai kolesaga dabe te dago wąį nǫų dabego me ebo sulama, tama nago dabolo dwai dene sabo menama, tama te taun Jerusalem dolali. Tama te Jerusalem pąde elaluali bulu tǫ kantri we bidi tigidali, augwaligo te Jerusalemba me, te nago we bidi dabolo me, posobo po weyu, gisugu mabo po wali. Tiali goli, megi te dago homugo te nago wado po te Jerusalemba munu ma wagi homu yali, magi baso meni, te nago taun da, tama te naga bulu dude digi ugwadu elalubao. Te polobadu nago da tau sabo wiegi yai sę hauwa yali, tama dago homugo nago te tiwai ma emainu homu ebo dao.
Te Israel polalubo bidi dabego te we bidi dabe bugagia me tonalusiąbaso, te Genuai Bidigo te po wai, “Asiąo, dage boi bidi dabe. Dage te uni hasa dabe te bulu du buside bidalubo asiąo,” wai. “Dage aselama, te Israel polalubo bidi dabe dolagasao. Te polalubo bidi dabego te tǫ kantri dwai sęgo elalagasainu ebo po te we bidi dabeba wabo sę elalubao. Tiali goli, augwa sę bugagia me ebeo. Menio. Augwali te gedu widai bage tiwai te taun tauade te boi bidi asobo tonalubo tiwai bidali. Tama augwali te pedauwali pania sai yowi tiwai te nai wi sabo bidi asobode gągą wabo usu isąwai bidali. Te augwa tobolude dwasianu kolesaga me elalubeo.
Eno wado po dwai mu te ena we bidi dabeba wali, te eno augwali te ena we bidi da te tiwai homu kone munu ma ebeo. Te eno nage aselama, augwaliba dwai sę yagasomainu ilali, te nago augwaliba homu dene dwasianu me ebeo. Menio. Nago augwaliba dwai dene mu ilama, te augwaliba genuai sęgę mawai. Te nago monu dabeba me te augwali genuai sęgę mu tolomainu ilalio.
“Te augwaligo dagego gide elalubo nai, me bede elalubo nai sia saibao. Te augwaligo dagego wai puluba tigidali ela mubadi, te sipsip hani tigidali me, te dagego bulmakau me ela muaibao. Tama te augwaligo dagego wain du ni, me ni fik kaya, te dolaibao. Dagego homugo te dage bomai obo taun tomode bugagia bidaiba homu ebao, tiali goli, te menio. Te boi bidi dabego hwįagasiyu, te taun dabe dola silaibao,” wali.
Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.
Genuai Bidigo te Babilongo boi bidi dabeba e tiwai po wali, “Dage te enesigigo ene enebo mu konea pai hani dabe, dagego te genuai taun Babilon bagulama, te lain wasilama, boi hwįao. Dagego enesigi umagia kekelama, te ene hauwa agaba enao. Dagego te taunba umabo sę mu yao, magi baso meni, te Babilon dabego ena Genuai Bidiba dwai sę ebo dao.