Jeremaia 50:46 - Godigo dwagi yai po buku

⁴⁶ Te boi bidi dabego te Babilon sabo sogo, te genuai u pedelama, te tǫ mumunu yaibao. Tama te Babilongo gela wabo te genuai umagia mu pedelama, te gasa hani we bidi augwaligo odaibao,” wai dao.

Jeremaia 50:46 Referans Kwoze

Jeremaia 49:21

Te kantri tǫ Idom degasa dulubo sogo da, te bugusu wabo genuai pedelama, te tǫ mumunu ilama, te mali ebo tiwai ilaibao. Tama te Idom dabego gela u wabo te genuai pedalubo sę eyu, te mama yai tamu ąį Retsi wabo tamu ąį dąįba usu nugi paibao.

Esekiel 31:16

Te eno te ni te isai bidi dabego buluba polo sąwai madi da, aga moni busugu wabo odama, teda tigidali kantri tǫ mobodo yai dao. Tama te me gasa wiegi wiegi yai ni dabe te isai bidigo bulude polo bidali ni dabe, augwaligo te ni dolai sulama, tama augwali me wiegi yai homu dwasianu yai dao. Te augwali te ąį hauwa sali ni dabe, augwali Iden gi ni dabe dao, me augwali te kantri Lebanonde wiegi wiegi yai ni dabe me dao.

Esekiel 26:18

Magi baso meni, te side naga nage dolalio, tama te tamu ąį tomo bulude bidalubo we bidi dabego sulama, tama augwali wi dwai umagi mu eyu, tama didibili ebao,’ augwaligo te balia po waibao,” wali.

Esekiel 32:10

Te nage eno bainat hwągo dolobo sogo, te king dabe, me te tigidali kantri we bidi dabego sulama, tama augwali wi dwai mu selama, didibili elama, tama augwali noma mu saibao. Awe, te sogo tama te king dabego te homu yaibao, tiyu Godigo da dali te tiwai sę da dali idali homu yaibao.’”

Aisaia 5:7

Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.

Aisaia 15:5

Eno Moap dabe hobede ebaso, gela obao. Magi baso meni. Augwali augwa bulu tagalama, wi te hanu Soarba peyu, te hanu Eklat Selisia wi peyu ebaso. Augwali gela genina mu olama, tama augwali te sunumidu ugwa hanu Luhitba holobao. Tama me, augwali gela elali te Holonaimba pabo sunumidu ugwaba holoyu, tama augwaligo geda genuai mu obao.

Jeremaia 10:10

Tialima, Genuai Bidi, nage God mu dao. Nage sesemane bidibo God, te nage sesemane sogo king bidaibao. Te nago haliga sębę ebo sogo da, te tǫ mali eyu, te we bidi hani bugagia me bidigobeo.

Jeremaia 46:12

Te nago ami dabe wi tedela peyu, te augwa tigide digi hudula palama, te augwa deliba tula muaibao. Nage te boi hwįani tulalubaso, te nage hale mu elama, te gasa tǫ kantri dabego nage hale yali po odaibao. Te nago gela wali te tigidali tǫ pedai usu naibao,” te po wai.

Jeremaia 51:29

Genuai Bidigo te Babilon dolabo po mia selama, te olo tǫ bulu pesage elalueibao, tama tede bidi me bidigobeo. Genuai Bidigo te sę ebaso, te tǫ mali umagi mu yaibao.

Jeremaia 51:54

Te Babilonde genuai gela u pedelaibao. Te boi bidi dabego te tǫ kantri mu dolama, te genuai u wabo pedelaibao.

Esekiel 27:28

Tama te sip guni tubo bidi dabego i dwagila mu i waibao, tama augwali dolobo sę yali te tǫ mumunu yali sęgo te tamu ąį sane nambis me mumunu yaibao,” wali.

Jeremaia 49:19

Te genuai uni hasa laiongo aga bulu tomo buside te wę Jordan tagalama, te sipsip dabe augwa te wiegi yai nosai tubo sę ebo madi pedelaibao. Tama pedelama, polo mu tama te laiongo te sipsip dabe daboa sabo dao. Te tiwai me, deli sogo naga mu tama, eno te Idom dabe augwa tǫde bidali ela gudulaibao. Tama eno te tǫ tonaluabo bidi me deli nigilaibao,” wali. “Eno tama tebo sogo, mena bidigo ena dali konila po waibawe? Te dego eno bomo tobage elalubawe? Te mena tobolu bidigo enaba boi bidi yaibawe?