Jeremaia 50:42 - Godigo dwagi yai po buku

⁴² Augwali te homu dene eyu tau sabo kolesaga me isąbo bidi dao. Augwaligo te gasa bidi dolabo homu godolo yaibao. Augwaligo te enesigi me ene tolalubao. Augwali te hos dabede dugulasa asaibao, tama te genuai kulukulu pedelaibao, te nambisde genuai ąį dini dabe bugusu wabo tiwai yaibao. Augwali te lainde wasilama, te dage Babilon bageba hwįainu sisi elalueibao.

Jeremaia 50:42 Referans Kwoze

Aisaia 5:30

Tama te sogo boi bidi dabe aselama, Juda bulu dolagasaibao. Tama augwaligo kulukulu genuai mu waibao, te tamu wę holama, wę kemi saneba asiyu, u wabo tiwai yaibao. Tama te bidi dabego te buluba tonagasobo si da, teda augwaligo te bulu sisi pǫgo mesega selama, giliga ula sininai suaibao. Tama te bulu mu hulia sai suaibao.

Jeremaia 47:3

Augwaligo te hos dabe udayu, sągą pidi bu wabo odaibao. Te augwaligo karis dabe bomonama kekeyu, te wil dabego kidagalo wabo odaibao. Tibaso, te we bidi dabe wi umabo ebaso, wi paibao. Te ayago te augwa wai puluba dabede homu kone palama, te augwali tau siyu, me tonalugobeo. Augwa nogo bomo kimi mu isiyu bidaibao.”

Jeremaia 8:16

Te boi bidi dabe te Dan hanigo tǫ te not badu pedelama, te dago odali, te augwaligo hos dabe te homu hę bomonama mu wabo odali. Te hos dabe ga wabogo te tigidali tǫ pedai mumunu yalio. Te boi bidi dabe asiyu, te taun Jerusalem dolama, tede bidibo we bidi me dolainu yali, te dago tǫde elalubo tigidali nai mu dolama, silainu yai dao.”

Aisaia 47:6

Eno wado po dwai mu te ena we bidi dabeba wali, te eno augwali te ena we bidi da te tiwai homu kone munu ma ebeo. Te eno nage aselama, augwaliba dwai sę yagasomainu ilali, te nago augwaliba homu dene dwasianu me ebeo. Menio. Nago augwaliba dwai dene mu ilama, te augwaliba genuai sęgę mawai. Te nago monu dabeba me te augwali genuai sęgę mu tolomainu ilalio.

Kraisgo Geme Dualali Sę Pedelabo Po Jonbolo Ola Mani 16:6

Te dwai sę ebo bidi dabe augwaligo te nago po odobo we bidi augwali dali, te nago po pusubo bidi dabe dali ela muyu, tama augwaligo kaneme gea sąwai dao. Tama nago te dwai bidi dabe augwalibolo kaneme mayu, tama augwa te kaneme tumainao. Augwaligo augwa te dwai sę yalide dolo mu te dene sabo dao,” te po te ąį tonalubo ensel bidigo wai.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Jeremaia 50:14

Genuai Bidigo te Babilongo boi bidi dabeba e tiwai po wali, “Dage te enesigigo ene enebo mu konea pai hani dabe, dagego te genuai taun Babilon bagulama, te lain wasilama, boi hwįao. Dagego enesigi umagia kekelama, te ene hauwa agaba enao. Dagego te taunba umabo sę mu yao, magi baso meni, te Babilon dabego ena Genuai Bidiba dwai sę ebo dao.

Aisaia 14:6

Te tuni bidigo gasa we bidi dali odolali genuai sębę eyu, tama dwai sę elama, tama augwali dolai dao. Tama agai gasa bulu dabe dolobo sę me hodo me dolobeo. Agai te sę mu tagalobeo.

Aisaia 5:28

Augwaligo ene da, mu poa pai. Tama augwaligo enesigi dolama, tama enabo no sealubuo. Augwaligo hos dabe da, boma pai mu dao. Tama te hos dabego sągąde kapa dabe te dila pai masigi tiwai, tama togwa pogobeo. Augwaligo karis dabe bomona mu pabo dao. Tama te karis wili dabe da, te wali ebo ąǫ ebo dao.

Godigo Nogi Ugwaba Sabo Tęąbi Po Wabo Buku Dabe 74:20

Te tigidali tǫ pedaide, te dago tǫde me te bidi dabego wabi hwį hwį pai. Tama tialima, nago da dali te dąų walali bomai po te homu kone ma palao.

Godigo Nogi Ugwaba Sabo Tęąbi Po Wabo Buku Dabe 46:6

Te haniani tǫ pedai kantri we bidi hani dabe augwali dwai midigi selama, tama hwįyu dali yai, tama te king dabe dali, te augwa we bidi dabe me, te augwali dolaibao. Godigo genuai po dągą mu obaso, tama tǫ te olo wę tiwai pedelaibao.

Aisaia 47:1

Genuai Bidigo te tiwai po Babilonba wali, “Babilon, nago genuai nogi mu elalubo, te kwin we aga sia kingde dugulalubo tiwai ebao. Tama nage te gesi wegi bidigo sisąwai bugagia mu bidibo tiwai ebao. Tiali goli, megi da, te nage sia kingde bidali tagalama, te nage olo tǫ bulude dugulalueibao. Te nago tigi te polobadu elaluali tiwai gilama sawi yai me elalugobeo. Tama te bidi dabego nage te au bugagia elama, bilibo ma sugobeo. Mu meni yaibao.

Jeremaia 30:14

Te nago polobadu abagi wali bidi hani dabe, augwaligo nage homu kegeda palama, te homu godolo me ebeo. Nago te dwai sę hauwa yali te genuai sęgę elalubao. Tama nage eno dolama, te sesena pai bidigo aga boi bidi dali ebo kolesaga tiwai yali.

Jeremaia 50:9

Dagego Babilon tagalao, magi baso meni, eno te not pedai badu te haniani tǫ kantride bomai bidi hauwa hodolama, te augwali odasa aselama, te Babilonba hwįagasomainogo yaibao. Augwali te lainde wasilama, te hwįnama, te Babilon dabe aiyaba elalueibao. Te boi bidi hani augwaligo te enesigigo hwįbo mu konea pai bidi, te augwaligo ene enebo sogo da, te munu me geda mugobeo.

Jeremaia 51:27

Te plak ugwaba selama, te hauwa tǫ kantri we bidi hani dabe tomode biugel bu wao, tama augwa te Babilonba hwįagasabo sisi emainao. Te hani dabe augwali te Ararat, me Mini, me Askenas, te augwali asomainu i wao. Te hwįbo tonaluabo ofisa bidi me deli nigilao. Te ami hani bidi dabe augwa hosde dugulama, te genuai kuli mano hani tiwai asomainao.

Esekiel 26:3

“Tama tibaso, megi God, ena Genuai Bidi, eno te po obao, ena dage Tair hanu bidi dabego boi bidi pedelaibao. Te eno bidi hani hauwa odasa aselama, dage dali boi hwįagasomainogo yaibao, te tamu ąį genuai pepeda pelama, dini gisigilibo tiwai yaibao.

Joel 2:5

Te augwali bulu duba samanobo sogo, augwali te karis masigiba samanu kidagalo wabo tiwai ebao, tama te kala siago deyu, podo podo wabo tiwai ebao. Augwali te genuai ami hanigo te boi hwįainu wasibo tiwai yaibao.