Jeremaia 50:35 - Godigo dwagi yai po buku

³⁵ Genuai Bidigo e tiwai wali, “Te bulu tǫ kantri Babilon dolomainao. Te Babilon we bidi augwali te augwa tobolu bidi dabe me, kolesaga koneai bidi dabe dali, bobobage hwągo dolomainogo yao.

Jeremaia 50:35 Referans Kwoze

Jeremaia 47:6

Dagego e tama tiwai i wali, ‘Genuai Bidigo bainat hwą, nisu sogo nago te da dolobo sę silaibawe? Bainat, te naga bulubo be tomoba ma bula sao. Nago te sę tagalama, toma nao,’ dagego te po wali.

Hosea 11:6

Genuai boi hwįyu, te boi bidi dabego te taun obo sunumi aluama, tama augwali te taun tomoba pelama, hwįaibao. Te boi hwįbogo te eno we bidi silaibao,” wali, “magi baso meni, te augwaligo augwa homu kolesaga naga wali pai.

Daniel 5:30

Tialima, te sogo hulide naga tama, te Midia dabe aselama, te Belsasar ela muagasali, te Babilon king dao.

Jeremaia 51:57

Te king, agai nogi da Tigidali Bomo Elalubo Genuai Bidi dao, agai te tama po wali, “Eno te Babilon genuai bidi dabe gęǫ page ilaibao, te ofisa bidi dabe, me kolesaga koneai bidi dabe, me gavman bidi dabe, me tobolu bidi dabe, me ami bidi dabe, te kolesaga umuna palobo sę ilaibao. Te augwali mu godege pilama, te munu ma hodalogobeo.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Esekiel 14:2

Tialima, Genuai Bidigo enabolo te tama po wali,

Jeremaia 51:39

Tialima, ena Genuai Bidi, eno po dolo obao, te augwaligo dwai kolesaga yabo haliga hogodobo sogo da, te eno genuai nai tuabo daa me deli pedelama, te augwa ąį hauwa tulama, gęǫ eyu, pemene eyu, i hae weyu yaibao. Te nosali augwali mu godege pilama, te augwali munu ma hodalugobeo.

Jeremaia 50:30

Ena Genuai Bidigo, eno po dolo obao, te sogo dage boi bidi dabego te Babilon gesi ogwa bidi dabe ela munama, te bidi sisinibo bulu pesagede pągąnalua paibao. Te dagego Babilon ami bidi augwali tigidali ela mueibao,” te po wai dao.

Jeremaia 50:27

Te Babilon bomai ami tigidali ela silao, te bidi dabego te bulmakau omai dabe ela wialubo tiwai yao. Tigidali dolomainao, magi baso meni, te Genuai Bidigo augwaliba dwai dene mabo sogo te pedalubao.

Jeremaia 10:7

Nage te tigidali hani we bidigo king bidibao, tiyu tigidaligo nagede wi elama, te nage dologode bidibaso usu yaibao. Te nago koneani wiegi yai homu kolesagago te king dabego koneani homu kolesaga, me te po page konea pai bidi dabego homu kolesaga, me te tigidali hani we bidigo kolesaga me, te aiyaba mu elaluai dao.

Jeremaia 8:9

Te kolesaga koneai bidi dabego Genuai Bidi ena tudiba mubao. Magi baso augwa te homu eyu, augwa koneani kolesaga genuai elaluba homu ebawe? Te augwa hale dwai mu selama, te dwai sogo gegeyu, te hasa bade tola sabo tiwai yaibao. Tama augwa homu kolesaga dolaibao.”

Aisaia 66:16

Magi baso meni. Te Genuai Bidigo isigo te we bidi uluyu, te agai hwą ge bainatgo te we bidi hauwa mu ela mueibao, te augwa yali dwai sę wei ponoyu, tiaibao.

Aisaia 44:25

Eno te magi nai me deli te nosali pedelaibao po wabo bidi dabego po te homu kone tuą palama, tama te augwaligo po geda mueibao. Tama te mena sę aga nade konea pai bidigo po homu kone tuą palaibao. Te po page konea pai bidigo homu kolesaga te eno umuna palobo bidi tiwai pedalumainu ilibo dao.

Aisaia 41:25

“Eno te giliga pedalubo badu bidi me deli hodolali. Te bidigo enaba genuai nogi mobao, tama megi eno te not badu sela aselama, tama agai te king dabe aiyaba elaluama, agayu, te tǫgo sospen sene nigibo bidigo te tǫ agalama, te sospen nigibo tiwai ebao.

Aisaia 29:14

Tama tibaso, eno gasa sę dabe mu te we bidiba pedalumainu yaibao. Tama augwali mu noma mu saibao. Eno te bidi dabego augwalibolo wiegi yai kolesaga mabo bidi dabego homu kolesaga sela sąwaibao. Tama eno augwaligo kolesaga sai bagego kolesaga eno mu silaibao,” wali.

Pris Sę Ebo Bomai Po 26:25

Dagego eno dąų wali bomai po kontrak togalio, tama dageba te boi bidi dabego hwįabo sę eno ilaibao. Te dage te genuai taun te bomai obo elalubo tomoba sisinigi pelama, te dage bugagia bidiba homu yaibao, tagalao, te eno dwai genuai gasi dabe dageba tagala palama, te dage we bidi hauwa mu isaibao. Te dage dolobo sogo da, teda eno dage te boi bidi dabe augwali nogoba mawaibao,” te po wai.

Aisaia 45:1

Genuai Bidigo te tiwai po wali, “Eno te Sairus sa munama, te Persia bulu tǫ kantri king pedalumainu yali, te agabolo eno te gasa bulu tǫ kantri dabe aiyaba elaluama, te gasa kingo bomo dabe silimainu yabo bomo mawai. Ena digi eno te taun obo sunumi dala palama, te Sairus tomoba pelama, te taun somainu elali. Te Sairusbolo eno te tiwai po wai dao,

Jeremaia 51:47

Magi baso meni. Eno bodolu muani sogo me deli elalubao, tama te sogoba pedalubo si da, eno te tǫ kantri Babilongo tibo god piksa dabego elalubo nogi dolaibao. Te tǫ kantri Babilon hale dwai mu yaibao. Te boi bidi dabego te Babilon bidi hauwa ela munama, augwaligo tigi te Babilon bulu tǫde munalua paibao.