Jeremaia 50:34 - Godigo dwagi yai po buku

³⁴ Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Jeremaia 50:34 Referans Kwoze

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Jeremaia 51:36

Tialima, Genuai Bidigo te tiwai po wai, “Jerusalem, odao. Mu tama, te eno nage tau selama, te Babilon dabego nageba yali dwai sę dabe wei ponaibao. Eno te Babilonde elalubo wę tigidali sula somainogo yaibao.

Jeremaia 15:21

Te eno nage tau siyu, nagede te dwai kolesaga ebo bidi dabego nogode, me te wiegi yai homu elama, olo tau sisąbo bidi dabego nogode, ma dobola selama, tama augwaligo nage me dologobeo.” Te po wai dao.

Aisaia 47:4

Te Israelgo God, te agai da tudi badu pogwalu ma dobola sabo bidi, aga te Wiegi Yai Doloba Pai Kolesaga Mu Ebo God dao. Agai nogi da, te Tigidali Bomo Elalubo Genuai Bidi dao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Maika 7:9

Dago dwai sęgę sabo sę te Genuai Bidigo gedude yali, tialima te dwasianu sogo naga tama te Genuai Bidigo haliga sębę elama, te dabolo dene mabo sę yaibao. Tiali goli, agai da tau saibao, tama te gasa bidi dabego da dali yali dwai sę agai dodolaibao. Te hulia side agai da selama, te da ulaba odasa asaibao. Te da bidibadi digi, te agai da boi bidi dabego nogode ma saibao, tama dago agai ebo doloba pai kolesaga sueibao.

Aisaia 43:14

Genuai Bidi, aga te dage Israel Dabego te Wiegi Yai Doloba Pai Kolesaga Naga Mu Ebo God, te aga dage ugwaba sagoalu, te dage ma dobola sabo bidi, agai te po wali, “Te eno we bidi dabe dage tobade eno te ami bidi dabe te Babilonba hwįagasomainu tagala palaibao. Te Babilon dabe tigidali augwa te wiegi yai homu pemene ebo te sip dabe daiba holama, te augwa bidali bulu pesage tagalama, wi paibao.

Godigo Nogi Ugwaba Sabo Tęąbi Po Wabo Buku Dabe 43:1

God, te bidi dabego nage tudiba muyu, te augwaligo ena aiyaba elaluainu homu ebao. Nago ena tau selama, tama augwaligo te dwai po wabo togolama, tama augwaliba eno ebo wiegi yai kolesaga naga ola mao. Augwali te tibo po wabo bidi dabe da, tama augwaligo kolesaga te dolo me isąwai. Nago ena tau selama, tama augwali nogode ena ma dobola sali.

Godigo Nogi Ugwaba Sabo Tęąbi Po Wabo Buku Dabe 35:1

Genuai Bidi, nago te ena dali wado yainu elalubo bidi dabeba te nago wado ilao. Te ena dali hwįbo bidi dabe dali te nago hwįao.

Maika 4:10

Tialima, dage Israel we bidi dabe, dage i hai weyu, gela weyu, tama te wego wai tega painu te tigi dene ebaso, subigila bebegeli bilibo tiwai yao. Magi baso meni, megi dage te taun tagalama, te kala elalubo pesagede bididuaibao. Te dage augwaligo te Babilonba sela paibao. Tiali goli, nosali Genuai Bidigo dage te boi bidi dabego nogode ma dobola saibao wali.

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Bugagia Bidibo Kolesagade Po Asęai Buku 23:11

Genuai Bidigo digi te wai puluba tau sabo sę te deli kaneme tiwai elalubao. Te bomo mu elaluyu, tama agai augwali tonaluyu, tama augwali te po tųde tau sabo dao. (11)

Bugagia Bidibo Kolesagade Po Asęai Buku 22:23

magi baso meni, Genuai Bidigo augwali tonaluyu, tama augwali tau saibao. Tama te bidigo te magi nai doado bage meni yai bidi dabeba te dwai sę ebaso da, teda Genuai Bidigo te bidi agaba te dwai sę wei ponobo dao. (2)

Kraisgo Geme Dualali Sę Pedelabo Po Jonbolo Ola Mani 18:8

Agai te homu ebaso, polo te haniani dwai sę mu agabolo te deli sogo naga pedalaibao. Te genuai gasi pedaliyu, tama bidi hauwa augwaligo dwai gela weyu, tama genuai nasi yaibao. Tama siago te Babilon tigidali daibao. Magi baso meni, te genuai bomo mu elalubo Genuai Bidi God aga digi dagalama tama Babilon hanuba te dwai dene wei ponobo dao,” te po wabo te dagaludu asobo eno odali.

Jeremaia 51:19

Tialima, Jekopgo God te tiwai me tegobeo. Aga te gasagi yai tedali mu dao. Agaduba deligo naga te tigidali nai nigali. Te agai Israel dabe sa munama, te aga hani mu tiwai elaluai. Aga nogi e dao, Tigidali Bomo Elalubo Genuai Bidi dao. Babilon te Genuai Bidigo egebe wąbi tiwai dao.

Ma Dobola Sali 6:6

“Tama tibaso, nago te po Israel hani dali wao, ‘God agai te po wai, “Ena digi ena Genuai Bidi Yawe dao. Eno dage te Isip hanigo nogode selama, tama te augwaligo sęgę dagebolo mabo tede me eno selama, tama dage olo mu bidimainogo yaibao. Tama eno bomogo augwali dene mu somainogo menama, tama dage eno genuai bomogo dobola ma saibao.

Jopgo Po Asęani Elalubo Buku 19:25

Tiali goli, eno koneani, bidi ena pagede bidiyu, te ena ma dobola sabo te bidi bidibo. Tama nosali aga aselama, e tǫde dodolagasaiba.

Aisaia 49:25

Tiali goli, Genuai Bidigo Jerusalemba te tiwai po wali, “Mu tama, te eno nago hani dali ma siyu, te nago wiegi yai doado bage te bomai boi bidi dabe me te dwai king dabego nogode ma dobola saibao. Eno te nageba hwįani bidi dabeba te hwįbo wei ponaibao, te eno nago wai dabe ma saibao.

Jeremaia 31:11

Ena Genuai Bidi, eno augwali te Jekopgo hani dabe ma saibao. Awe, te boi bidi dabego bomogo augwaligo bomo edelai goli, eno augwali te bomai boi bidi dabego nogode ma dobola saibao.

Jeremaia 31:35

Genuai Bidigo giliga muani te ula momainogo yali, tama agai polua me hǫ dabe dąį ilali, te hulide ula momainogo muani. Agai te tamu ąį hodolobaso, te genuai ąį dini pedalu, te genuai u wabo. Aga nogi e tiwai, Tigidali Bomo Elalubo Genuai Bidi dao. Agai te tama po wai,

Jeremaia 32:18

Sesemane sogo nago olo tau sabo wiegi yai kolesaga te umabo tausen we bidiba ebao. Tialima, te bidi me deligo dwai sę ebaso da, teda nago dwai dene mabo sę agabolo eyu, te aga wai dabeba yaibao, te aga yali dwai sę wei ponoyu tebao. God, nage polalubao, te nago bomo umabo elalubao, nago nogi e tiwai, Tigidali Bomo Elalubo Genuai Bidi dao.

Te We Bidi Dabego Jerusalem Hagede Gela Wali 3:58

Genuai Bidi, nago ena tau selama, tama nago te eno boi bidi dabe aiyaba elaluai dao. Nago ena augwaligo nogode ma oda selama, tama ena bugagia bidibao.

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?

Jeremaia 10:16

Tialima, Jekopgo God te tama me tegobeo. Aga te tedali gasagi yai mu dao. Agaduba deligo naga te tigidali nai nigali. Tama agai te Israel dabe dąį elama, sa muani, te aga hani tiwai da wali. Aga nogi te e dao, Tigidali Bomo Elalubo Genuai Bidi dao.

Jeremaia 30:20

Te Israel dabe augwali te bomai hani elalu, te polobadu bidali tiwai yaibao. Te eno augwali tau selama, te augwali te augwa tǫde bugagia bidaibao. Te eno augwaliba dwai sę yainogo ebo hani dabeba dwai dene mawaibao.

Jeremaia 48:15

Te king, aga nogi te Tigidali Bomo Elalubo Genuai Bidi, agai te tama po obao, “Te boi bidi dabego te Moap dolagaselama, te taun dabe saibao. Augwaligo te Moap wiegi yai gesi ogwa bidi dabe ela mubo sę umabo yaibao.