Jeremaia 50:26 - Godigo dwagi yai po buku

²⁶ Dage tigidali pedai badu bidibo boi bidi dabe, dagego te Babilonba hwįagasiąo. Dagego te wit nai mubo be dabe tigidali aluao. Tama te Babilongo nai doado bage tigidali selama, te bidigo wit dabe pesage du holobo tiwai gilama yao. Tama te nai dabe dagego mu dolao. Dagego te bidi deli me elalumainogo me sula tagalamu dao.

Jeremaia 50:26 Referans Kwoze

Aisaia 14:23

Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.

Jeremaia 50:10

Te augwaligo te Babilonde wiegi yai nai dabe umabo saibao. Te deli deli bidigo te nai hauwa mu selama, te augwa homu godolo yali te mu siminaibao,” te po wai.

Aisaia 45:3

Eno te mone nageba mayu, te hani dabego te bidigo susąyabo pesagede dualali wiegi yai dila pai nai dabe te nageba mawaibao. Tama tialima, te nago koneaibao, ena naga Genuai Bidi da waibao. Te nago koneyu, te Israelgo Godigo naga te nago nogi olama, te nage i wabo da homu koneaibao.

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Kraisgo Geme Dualali Sę Pedelabo Po Jonbolo Ola Mani 14:19

Te po obaso, te ensel bidi agai te hwą ge nogogo selama, tama te wain bonode walali du tigidali togwali, tama deliba sisinama elaluai. Tama agai te bono du dabe te wain agabo te dawai halobage tiwai genuai masigi tomoba sąwai. Te po digi po begelama, te genuai bono du agabo halobage te Godigo genuai sębę dao.

Maika 7:10

Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.

Jeremaia 51:64

Tialima, Genuai Bidigo po nago e tiwai po pusao, ‘Babilon da, te e buku tulaluali tiwai yai elama, te aga ugwaba ma pedalugobeo, magi baso meni, ena Genuai Bidi, eno aga dwagila mu dolaibao. Te Babilon we bidi augwali mu tulaluaibao,’ nago te po wao,” Jeremaiago te po Seraiabolo wali. Te Jeremaiago po eba silagasobao.

Jeremaia 51:44

Eno te Babilongo tibo god, te Belba dwai dene mabo sę eyu, te eno agai te dalali nai dabe bugulabo sę ilaibao. Tama te tǫ kantri we bidi augwali agaba me asogobeo. Tama te Babilon bagulali genuai obo te tigidali pepeda paibao,” te po wai dao.

Jeremaia 50:41

“Suao! Te ami dabego te not badu bidali tagalama, asainogo ebao. Augwali te bomai hani mu te king hauwa elalu, te digibulu mu bidibao. Megi da, augwaligo te boi hwįabo nai sisi ebo dao.

Jeremaia 50:23

Babilon te hama me deli tiwaigo te gasa tǫ kantri dabe pepeda sąbo tiwai yali. Tialima, megi da, dage te Babilongo boi bidi dabe, dagego te Babilon pepeda sąnama dolao. Te gasa tǫ pedai kantri hani we bidi augwaligo aga subo sogo da, te augwali midigi dwai mu saibao,” te po wai dao.

Jeremaia 50:15

Te dagego agai bomai bagulali obo aluali sogo, te agai ma hwįabo hagela ebaso, te dagego aga somainogo gogola tagalali, tialima, dagego te tigidali pedai habuba genuai dagą olama, i waiyąo. Tialima, megi da, dagego aga mu dolao, te agai gasa hani dabe dolali tiwai yao. Dagego agabolo te dwai dene mabo sę umagia mu ilao, magi baso meni, te kolesagade ena Genuai Bidi, eno agabolo te dwai dene mabo sę ilibo dao.

Jeremaia 50:13

Ena Genuai Bidi, eno dageba haliga sębę umagi mu elama, eno te tiwai sę ilibaso, te dagego tǫ kantri dolama, tede bidi me bidigobeo. Te gasa hani bidi dabe teba pedalubo sogo, te augwaligo dage Babilonba pedelali dwai sę sulama, te augwali midigi dwai mu elama, nogo hogwayu, te wi umagi mu yaibao,” te po wali.

Aisaia 25:10

Genuai Bidigo Saion bulu du bugagia tonaluaibao. Tiali goli, agai te Moap dabe mu dolaibao. Agai te boi bidi dabego augwali dolama, mesegelama, agayagasomainu yaibao. Te kau kibu dabego nosai augwa diba agalama, ela bulubo tiwai yaibao.

Aisaia 10:6

Te we bidi dabego ena tagalama, tama God dologode bidisąbo bidi gagawali. Tama augwaligo ena sębę ilali. Tama tibaso, eno Asiria bage taga palama, augwali elama, tama augwaligo nai dabe selama, tama augwali aiyaba elaluama, agalama, tagalomainu yai dao, te bidi dabe tǫ nagamea pai pudu pabo tiwai emainu yai dao.”

Aisaia 5:26

Genuai Bidigo te digibulu ami bidi dabe aga we bidi dolagasomainu i wabo sa muaibao. Awe, te digibulu mu bidibo bage asomainu eyu, agai ho bomonama waibao. Tama te ami bidi dabe bomona togwa asaibao.

Matyu 6:26

Dagego te ba dabe suao, te dagalude bola pobao. Augwaligo nai bulusiąma, tama te nai sisinama te nai mubo beba me mubo meni goli, augwali nai te Godigo mabo dao. Tama tiyu, God agai gedude te ba dabe augwali genuai nai meni yai goli, agai augwali bugagia tonalubo dao. Tama dage da, dage agai gedude genuai dao. Tama tibaso, agai dage me bugagia tonaluaibao.